Kaca:Bali-lontar-gaguritan-prasrddha-niti-300ppi.pdf/41

Saking Wikisource
Kaca puniki sampun kauji-wacén

[ ᭔᭐ 40B]
᭔᭐᭞
ᬓᭀᬘᬧ᭄ᬳᬶᬧᬸᬦ᭄ᬚᬓᬬᭀᬯᬦ᭄ᬦ᭄ᬭᬸᬧᬵᬩᬕᬸᬲ᭄᭞ᬧᬸᬦᬶᬓᬢᬦ᭄ᬮᬦᬵ᭞ᬲᬦᬤ᭄ᬬᬦ᭄ᬲᬸᬕᬶᬄᬫᬵᬲ᭄ᬧᬶᬧᬶᬲ᭄᭞ᬩᭀᬬᬤᬤᭀᬲ᭄ᬳᬯᬾᬢ᭄ᬳᬗ᭄ᬕᬾᬦ᭄ᬧᬧᬮᬭᬦ᭄᭟ᬓ᭄ᬭᬡᬲᬸᬮᬸᬓ᭄ᬲᬂᬲᬥᬸᬲᬵᬤ᭄ᬬᬗᬯᬗᬹᬦ᭄᭞ᬦᬾᬳᬯᬾᬢ᭄ᬧᬧᬮᬃ᭞ᬧᬸ
ᬡ᭄ᬬᬓᬶᬃᬢ᭄ᬢᬶᬮᬦ᭄ᬲᬫᬵᬥᬶ᭞ᬢᬦ᭄ᬧᬩ᭄ᬭᬢᬧᬹᬚᬵᬬᭀᬕᬓᬭᬚᭂᬕᬂ᭟ᬨᬮᬦ᭄ᬳᬶᬧᬸᬦ᭄‌ᬬᬾᬦ᭄ᬧᬸᬡ᭄ᬬᬤᬦᬵᬓᬯᬗᬸᬦ᭄᭞ᬧᬫᬍᬲᬶᬂᬤᬾᬯ᭄ᬯᬵ᭞ᬗᬤᬹᬢ᭄ᬓᬵᬮᬦᬶᬂᬫᬫᬵᬃᬕ᭄ᬕᬶ᭞ᬬᬦ᭄ᬧᬹᬃᬡ᭄ᬦᬫᬬᬦ᭄ᬢᬶᬍᬫ᭄ᬦᬶᬯᬓᬧᬹᬡ᭄ᬬᬵ᭟ᬧᬹᬡ᭄ᬬᬲ
ᬢᬸᬨᬮᬜᬢᬶᬓᭂᬮ᭄ᬲᬧᬸᬮᬄ᭞ᬬᬾᬦ᭄ᬓᬵᬮᬕ᭄ᬭᬳᬦᬵ᭞ᬨᬮᬦᬾᬫᬮᬶᬄᬗ᭄ᬮᬗ᭄ᬓᬸᬗᬶᬦ᭄᭞ᬢᬶᬓᭂᬮ᭄ᬲᬢᬸᬲ᭄᭞ᬧᬹᬡ᭄ᬬᬦᬾᬲᬦᬾᬲᬦᬸᬗ᭄ᬕᬮ᭄᭟ᬬᬦ᭄ᬫᬦᬸᬚᬸᬓᬦ᭄ᬬᬖᬡ᭄ᬝᬓᬵᬮᬦ᭄ᬳᬶᬧᬸᬦ᭄᭞ᬲᬂᬲᬥᬸᬫᬧᬹᬡ᭄ᬬ᭞ᬢᬶᬓᭂᬮ᭄ᬲᬾᬯᬸ
ᬦᬾᬳᬲᬶᬓᬶ᭞ᬨᬮᬦ᭄ᬳᬶᬧᬸᬦ᭄᭞ᬧᬫᬍᬲᬾᬲᬓᬶᬂᬤᬾᬯ᭄ᬯᬵ᭟ᬬᬦᬶᬂᬦᬸᬚᬸᬬᬸᬖᬡ᭄ᬝᬓᬵᬮᬲᬂᬲᬥᬸ᭞ᬫᬲᬂᬤᬦᬵᬧᬹᬡ᭄ᬬ᭞ᬨᬮᬦᬾᬓᬭᬗ᭄ᬓᬸᬂᬍᬯᬶᬄ᭞ᬢᬦ᭄ᬧᬯᬢᭂᬲ᭄᭞ᬨᬮᬦᬾᬧᬹᬡ᭄ᬬᬲᬦᬸᬗ᭄ᬕᬮ᭄᭟ᬫᬮᬶᬄᬳᬶ
[ ᭔᭑ 41A]
ᬧᬸᬦ᭄‌ᬬᬦ᭄ᬢᬭᬵᬓᬮᬦ᭄ᬳᬶᬧᬸᬦ᭄᭞ᬢᬦ᭄ᬯᬶᬍᬫ᭄ᬧᬹᬃᬡ᭄ᬦᬫ᭞ᬫᬶᬯᬄᬢᬦ᭄‌ᬗᬸᬲ᭄ᬯᬵᬓᬺᬢ᭄ᬢᬶ᭞ᬦ᭄ᬤᬢᬦ᭄ᬓᬦ᭄ᬬᬖᬡ᭄ᬝᬵᬢᬦ᭄‌ᬬᬸᬖᬡ᭄ᬝᬵᬓᬵᬮ᭟ᬫᬵᬲᬦ᭄ᬳᬶᬧᬸᬦ᭄‌ᬗ᭄ᬮᬭᬂᬋᬡ᭄ᬬᬲᬂᬲᬥᬸ᭞ᬫᬲᬂᬤᬦᬵᬧᬹᬡ᭄ᬬ᭞ᬨᬮᬦᬾᬓᬭᬗ᭄ᬓᬸᬂᬍ
ᬯᬶ᭞ᬢᬦ᭄ᬧᬯᬢᭂᬲ᭄‌ᬨᬮᬦᬶᬂᬧᬹᬡ᭄ᬬᬲᬦᬸᬗ᭄ᬕᬮ᭄᭟ᬫᬲᬮᬶᬦ᭄ᬳᬶᬧᬸᬦ᭄‌ᬗ᭄ᬮᬭᬂᬧᬹᬃᬡ᭄ᬬᬲᬂᬲᬥᬸ᭞ᬢᬸᬗ᭄ᬕᬮ᭄ᬧᬫᬸᬮᬶᬄᬢᬸᬗ᭄ᬕᬮ᭄᭞ᬬᬦ᭄ᬧᬹᬡ᭄ᬬᬭᬶᬂᬓᬤᬗ᭄ᬳᬚᬶ᭞ᬧᬹᬡ᭄ᬬᬢᬸᬗ᭄ᬕᬮ᭄᭞ᬨᬮᬦᬾᬢᬶᬓᭂᬮ᭄ᬲᬧᬶᬲᬦ᭄᭟ᬬᬦ᭄ᬲᬂᬲᬥᬸᬧᬹᬡ᭄ᬬᬳᬶ
ᬦ᭄‌ᬩ᭄ᬭᬳ᭄ᬫᬵᬡᬳᬶᬓᬸ᭞ᬧᬹᬡ᭄ᬬᬦᬾᬲᬦᬸᬗ᭄ᬕᬮ᭄᭞ᬢᬶᬓᭂᬮ᭄ᬲᬾᬯᬸᬨᬮᬦᬾᬓᬶ᭞ᬬᬦ᭄ᬫᬸᬡ᭄ᬬᬳᬶᬦ᭄᭞ᬩ᭄ᬭᬳ᭄ᬫᬵᬡᬲᬶᬤ᭄ᬥᬶᬧᬡ᭄ᬥᬶᬢ᭟ᬫᬮᬶᬄᬳᬶᬧᬸᬦ᭄᭞ᬬᬦ᭄ᬤᬾᬯ᭄ᬯᬫᬭᬵᬕᬲᬵᬫ᭄ᬧᬸᬦ᭄᭞ᬧᬹᬡ᭄ᬬᬦᬾᬲᬦᬸᬗ᭄ᬕᬮ᭄᭞ᬢᬦ᭄ᬧᬯᬢᭂ
ᬲᬨᬮᬦᬾᬓᬶ᭞ᬲᬓᬶᬂᬲᬵᬫ᭄ᬧᬸᬦ᭄᭞ᬓᭀᬚᬭᬦ᭄ᬰᬵᬲ᭄ᬢ᭄ᬭᬉᬢ᭄ᬢᬫᬵ᭟ᬓᬦ᭄ᬥᬦ᭄ᬳᬶᬧᬸᬦ᭄᭞ᬢᬶᬗ᭄ᬓᬄᬤᬦᬵᬦᬾᬓᬯᬗᬹᬦ᭄᭞ᬗᬗ᭄ᬕᬾᬦᬶᬱ᭄ᬝᬵᬫᬵᬤ᭄ᬬ᭞ᬬᬦ᭄ᬫᬯᬾᬄᬢ᭄ᬯᬓ᭄ᬳᬸᬮᬫ᭄ᬦᬲᬶ᭞ᬲᬃᬯ᭄ᬯᬧᬗᬦ᭄‌ᬓᬯᬵᬱ᭄ᬝᬦᬦ᭄ᬤᬦᬦᬶᬱ᭄ᬝ᭟ᬫᬯᬾᬄᬓᬫ᭄ᬧᬸᬄ