Kaca:Bali-lontar-gaguritan-prasrddha-niti-300ppi.pdf/40

Saking Wikisource
Kaca puniki sampun kauji-wacén

[ ᭓᭙ 39B]
᭓᭙᭞
ᬲᬾᬲᬫᬶᬗᬯᬗᬶᬦ᭄᭞ᬭᬶᬂᬦᬾᬫᬯᬵᬱ᭄ᬝᬜᬢ᭟ᬳᬦ᭄ᬤᬾᬬᬂᬘᬧᬸᬗᬸᬫ᭄ᬩᬭᬵᬭᬶᬂᬮᬗᬶᬢ᭄᭞ᬬᬦ᭄ᬫᬢᬶᬗ᭄ᬕᬄ᭞ᬭᬶᬂᬢᬦᬄᬩᭀᬬᬢᬦᬄ᭞ᬭᬶᬂᬓᬬᬸᬩᭀᬬᬓᬬᬸᬦᬾ᭞ᬭᬶᬂᬩᬢᬸᬩᭀᬬᬩᬢᬸ᭞ᬭᬶᬂᬧᬭᬶᬕᬶᬩᭀᬬᬧᬭᬶᬕᬶ᭞
ᬭᬶᬗᬧᬩᭀᬬᬳᬧ᭞ᬲᬭᬸᬍᬩᬶᬄᬲᬭᬸ᭞ᬢᬶᬗ᭄ᬓᬄᬫᬦᭀᬦᬾᬭᬶᬗᬯᬓ᭄᭞ᬲᬚᬢᬶᬦᬾ᭞ᬳᬤᬫᬢᬸᬓᬸᬮ᭄ᬭᬶᬗ᭄ᬳᬢᬶ᭞ᬫᬢᬶᬢᬦ᭄ᬢᬸᬫᬹᬢ᭄ᬧ᭄ᬚᬄ᭟ᬧᬦᭂᬗᭂᬭᬦ᭄ᬢᬦ᭄ᬧᬶᬮᬶᬄᬢ᭄ᬭᬂᬚᬢᬶ᭞ᬍᬩᬶᬄᬓᬾᬯᭂᬄᬫᬶᬚᬢ᭄ᬬᬂ᭞ᬩᭀᬬᬲᬓᬶᬂᬓ
ᬬᬓ᭄ᬢ᭄ᬬᬦᬾ᭞ᬩᭀᬬᬲᬓᬶᬂᬧᬗᬯ᭄ᬭᬸᬄ᭞ᬜᬾᬬᬲᬓᬶᬂᬧᬫᬮᬶᬄᬫᬮᬶᬄ᭞ᬩᭀᬬᬲᬓᬶᬂᬧᬸᬭᬸᬦ᭄᭞ᬳᬭᬂᬯᬶᬓᬦ᭄᭞᭞᭟ᬓᬢᬸᬭᬸᬦᬦᬾᬮᬶᬦ᭄ᬢᬂᬍᬯᬶᬄ᭞ᬓᭀᬘᬧ᭄ᬲᬦᬾᬢᬦ᭄ᬫᬥᬕᬶᬂᬘᬘ
ᬤ᭄᭞ᬓᭀᬚᬭᬶᬂᬰ᭄ᬮᭀᬓᬦ᭄ᬢᬭᬦᬾ᭞ᬲᬦᬾᬲᬵᬫ᭄ᬧᬸᬦ᭄ᬓᬲᬸᬫ᭄ᬩᬸᬂ᭞ᬢᬸᬃᬲᬶᬦᭂᬫ᭄ᬩᬄᬫᬵᬢ᭄ᬭᬫᬥᬕᬶᬂ᭞ᬓ᭄ᬥᬶᬓ᭄ᬥᬶᬓ᭄ᬳᬶᬘᬘᬤ᭄᭞ᬤᬸᬭᬸᬂᬦ᭄ᬭᬸᬲ᭄ᬳᬬᬸ᭞ᬫᬗ᭄ᬤᬭᬶᬂᬚᬦ᭄ᬫᬵᬫᬦᬸᬱᬵ᭞ᬓ᭄ᬭᬡᬩ᭄ᬘᬶᬓ᭄‌ᬲ᭄ᬮᭀᬓᬂ᭞ᬢᬦ᭄ᬧᬢᬶᬘᬘᬤ᭄ᬘᬘᬶᬤᬶᬦ᭄᭞ᬭᬾᬄᬧᬥᬫᬶᬲᬶᬘ
[ ᭔᭐ 40A]
ᬘᬤ᭄᭟ᬕᬸᬦᬸᬂᬫᬵᬕᬵᭂᬂᬦᬾᬲᬵᬫ᭄ᬧᬸᬦ᭄ᬓᬧᬹᬚᬶ᭞ᬤᬶᬗᬶᬦ᭄ᬧᬗᭂᬢ᭄‌ᬘᬘᬵᬤᬾᬳᬶᬭᬶᬓᬵ᭞ᬳ᭄ᬬᬂᬲᬹᬃᬬ᭄ᬬᬧᬦᭂᬲ᭄ᬢᬾᬚᬦᬾ᭞ᬳ᭄ᬬᬂᬯᬸᬮᬦ᭄ᬫᬶᬲᬶᬩᬸᬗ᭄ᬓᬸᬢ᭄᭞ᬲᬕᬭᬵᬦᬾᬫᬢᭀᬬᬧᬳᬶᬢ᭄᭞ᬲᬂᬳ᭄ᬬᬂᬗᬶᬦ᭄ᬤ᭄ᬭᬘᬨᬮ᭞ᬯᬶᬱ᭄ᬡᬸᬫᬗᬗᭀᬦ᭄‌ᬍᬫ᭄ᬩᬸ᭞ᬳ᭄ᬬᬂ
ᬰᬗ᭄ᬓᬭᬵᬦᬶᬮᬓᬡ᭄ᬝᬵ᭞ᬓ᭄ᬦᬶᬯᬶᬱ᭄ᬬᬵ᭞ᬓᬮᬵᬓᬹᬣᬵᬤᬸᬓᬾᬗᬹᬦᬶ᭞ᬓᬮᬵᬜᬶᬬᬶᬤ᭄ᬫᬦ᭄ᬤᬭᬵ᭟ᬲ᭄ᬓᬃᬢᬸᬜ᭄ᬚᬸᬂᬩᬸᬗ᭄ᬓᬵᬧᬶᬦᬶᬄᬍᬯᬶᬄ᭞ᬬᬦ᭄ᬋᬱᭂᬧᬂᬫᬲᬶᬄᬫᬶᬲᬶᬘᬘᬵᬤ᭄᭞ᬭᬾᬄᬲᬓᬶᬂᬯᬢᭂᬓ᭄ᬯᬶᬚᬶᬮᬾ ᭞ᬘᬦᬦᬵᬦᬾᬤᬾᬯ᭄ᬯᬦ᭄ᬓᬬᬸ᭞ᬕᭀ
ᬯᭀᬓ᭄ᬜᬦᬾᬫᬶᬲᬶᬮᬮᬶᬧᬶ᭞ᬧᬸᬦᬶᬓᬫᬗ᭄ᬤᬾᬘᬘᬤ᭄᭞ᬗᬩᬳᬮᬵᬳᬬᬸ᭞ᬭᬗ᭄ᬓᬸᬂᬲᭂᬗ᭄ᬓᬵᬫᬦᬶᬫ᭄ᬧᬲᬂ᭞ᬦᬶᬜ᭄ᬘᬧ᭄‌ᬗᬺᬋᬄ᭞ᬦᬤ᭄ᬬᬜ᭄ᬘᬘᬤ᭄ᬫᬗ᭄ᬤᬾᬓᬶᬤᬶᬓ᭄᭞ᬢᬦ᭄ᬤᬤᬶᬓᬦᬭᬓᬦ᭄᭚᭜᭚ᬧᬸᬄᬧᬸᬘᬸᬂ᭚᭜᭚ᬲ᭄ᬓᬃᬧᬸᬘᬸᬂᬲᬫ᭄ᬩᬸᬗᬦ᭄ᬧᬭᬢᬸᬢᬹ᭞ᬤᬸ
ᬭᬸᬢ᭄ᬢᬢ᭄ᬯᬮᬯᬲ᭄᭞ᬦᬾᬫᬗ᭄ᬕᭂᬄᬉᬢ᭄ᬢᬫᬭᬶᬳᬶᬦ᭄᭞ᬲᬓᬶᬂᬲᬵᬫᬵᬧᬸᬦ᭄᭞ᬫᬸᬧᬓᬢ᭄ᬧᬭᬧᬡ᭄ᬥᬶᬢ᭟ᬲᬦᬾᬓᬸᬓᬸᬄᬫᬦᬸᬭᬸᬢ᭄ᬳᬮᬫ᭄ᬳᬫᬸᬦᬹ᭞ᬫᬦᬸᬕᬵᬫᬩ᭄ᬭᬳ᭄ᬫᬵ᭞ᬓᭀᬘᬧᬾᬭᬶᬂᬮᬶᬗ᭄ᬳᬶᬗᬚᬶ᭞ᬗᬫ᭄ᬩᬶᬮ᭄ᬦᬸᬲ᭄ᬢᬸᬲ᭄᭞ᬲᬓᬶᬂᬢᬸᬢᬹᬃᬰ᭄ᬮᭀᬓᬦ᭄ᬢᬭᬵ᭟