[ ᭓᭘ 38B]
᭓᭘᭞
ᬜ᭄ᬚᬸᬄ᭞ᬧᬢᬶᬕᬸᬭᬕᬧᬦ᭄᭞ᬓᬮᬗ᭄ᬓᬳᬦ᭄ᬮ᭄ᬫᬄᬮᬢ᭄ᬭᬶ᭞ᬍᬗᬓᬼᬗᬸᬓ᭄᭞ᬫ᭄ᬦᬾᬓ᭄ᬮᬗᬶᬢᬸᬯᬸᬦ᭄ᬢᬦᬄ᭟ᬗ᭄ᬮᬬᬂᬗ᭄ᬮᬬᬸᬂᬗᬚᬧ᭄ᬫᬗ᭄ᬕᬶᬄᬭᬱᬵᬳᬬᬸ᭞ᬲᬓᬶᬂᬓᬸᬭᬂᬢ᭄ᬭᬕ᭄ᬬ᭞ᬗ᭄ᬘᬧᬂᬭᬱᬦᬾᬧᬳᬶᬢ᭄᭞ᬓ᭄ᬭᬡᬢᬸᬬᬸᬄ᭞ᬲᬳᬶᬫᬦ᭄ᬤᬂᬧᬗᭂᬦᬦ᭄᭚
᭐᭚ᬧᬸᬄᬤᬦ᭄ᬥᬂᬕᬸᬮᬵ᭚᭜᭚ᬧᬢᬶᬫ᭄ᬩᬮᬾᬫᬯᬮᬶᬯᬮᬶᬦᬶᬦ᭄᭞ᬩᭀᬮᬓ᭄ᬩᬮᬶᬓ᭄᭞ᬫᬮᬶᬄᬦᬦ᭄ᬥᬂᬕᬸᬮᬵ᭞ᬗᬸᬗ᭄ᬕᬸᬳᬂᬲ᭄ᬥᬄᬫᬦᬳᬾ᭞ᬬᬦ᭄ᬮᬦ᭄ᬢᬸᬭᬂᬫᬦ᭄ᬤᬸᬤᬸᬢ᭄᭞ᬧ᭄ᬥᬲ᭄ᬓᬢᬄᬫᬵᬦᬓ᭄ᬧᬶᬦᬓᬶᬢ᭄᭞ᬧᬶᬲᬦ᭄ᬮᬶᬧᬸᬭᬂ᭞ᬓᭀᬘ
ᬧᬾᬭᬶᬂᬢᬸᬢᬹᬃ᭞ᬧᬸᬦᬶᬓᬳᬗ᭄ᬕᬾᬦ᭄ᬮᬮᬯᬢᬦ᭄᭞ᬩᬶᬮᬶᬄᬩᬶᬮᬶᬄ᭞ᬲᬶᬤ᭄ᬥᬫᬢᬦᭂᬓᬦ᭄ᬓᬶᬤᬶᬓ᭄᭞ᬤᬤᭀᬲ᭄ᬢᭂᬫᬦ᭄ᬓᬦᬭᬓᬦ᭄᭟ᬦᬾᬓᬧ᭄ᬭᬶᬳᬂᬭᬶᬂᬲᬂᬲᬥᬸᬲᬫᬶ᭞ᬦ᭄ᬤᬢᬦ᭄ᬮ᭄ᬬᬦ᭄᭞ᬰᬭᬷᬦᬶᬂᬓᬧᬢ᭄ᬬ᭞ᬧᬫᭀᬭᬶᬂᬢᬢᬲᬹ
ᬓ᭄ᬱ᭄ᬫᬦᬾ᭞ᬭᬶᬂᬫᬳᬵᬧᬤ᭄ᬫᬵᬫᬸᬗ᭄ᬕᬸᬄ᭞ᬭᬾᬄᬧᬸᬦᬶᬓᬯᬶᬯᬶᬢᬦ᭄ᬲᬫᬶ᭞ᬲᬫᬶᬫᬥᬕᬶᬂᬚᬕᬢ᭄᭞ᬲᬫᬶᬲᬫᬾᬦ᭄ᬳᬶᬧᬸᬦ᭄᭞ᬦᬤ᭄ᬬᬦ᭄ᬧᬜ᭄ᬘᬫᬳᬵᬪᬹᬱᬵ᭞ᬅᬓᬱᬵᬢᬾᬚᬵ᭞ᬪᬵᬬᬸᬅᬧᬄᬧ᭄ᬭᬣᬶᬯᬶ᭞ᬫ᭄ᬥᬮ᭄ᬲᬓᬶᬗᬶᬭᬶᬓᬵ᭟ᬦᬾ
[ ᭓᭙ 39A]
ᬫᬯᬵᬱ᭄ᬝᬧ᭄ᬭᬪᬵᬯᬲᬬᬓ᭄ᬢᬶ᭞ᬲᬦᬾᬲᬵᬫ᭄ᬧᬸᬦ᭄ᬫᬯᬶᬦ᭄ᬥᬸᬫᬦᬵᬤ᭞ᬬᬾᬦ᭄ᬩᭀᬬᬒᬁᬓᬭᬢᬸᬮᬾᬦ᭄᭞ᬓᬭᬶᬤᬤᭀᬲ᭄ᬢᬸᬤᬸᬄ᭞ᬤᬸᬭᬸᬂᬜᬢᬤᬸᬭᬸᬂᬲᬚᬢᬶ᭞ᬤᬸᬭᬸᬂᬫᬯᬵᬱ᭄ᬝᬲᬶᬦᬄ᭞ᬲᬫᬶᬤᬭᬂᬤᬸᬭᬸᬂ᭞ᬓᬭᬶᬭᬱᬦᬾᬚᬢ᭄ᬚ
ᬢᬦ᭄᭞ᬓᬭᬶᬫᬢᬄ᭞ᬕ᭄ᬮᬶᬲᬂᬲᬤᭂᬫ᭄ᬳᬖ᭄ᬦᬶ᭞ᬓᬧᬼᬓ᭄ᬚ᭄ᬭᬶᬄᬓᬧᬦᭂᬲᬦ᭄᭟ᬓ᭄ᬭᬡᬤᬸᬭᬸᬂᬧᭀᬮᬶᬄᬢ᭄ᬭᬂᬚᬢᬶ᭞ᬭᬶᬂᬧᬵᬢᬹᬢ᭄ᬓᬸᬦ᭄ᬤᬸᬭᬂᬓᬋᬧᬂ᭞ᬓᬭᬶᬗᬸᬓᬸᬳᬂᬫᬦᬳᬾᬪᬹᬱᬵᬗᬦ᭄ᬤᭂᬮᬂᬗᬸᬲᬸᬤ᭄᭞ᬗᬯᬵᬱ᭄ᬝᬦᬶᬗᬚᬄᬲᬚ
ᬢᬶ᭞ᬧᭀᬮᬶᬄᬳᬶᬢᬧᬓ᭄ᬮᬶᬫᬦ᭄᭞ᬳᬦ᭄ᬤᬾᬳᬦ᭄ᬤᬾᬦ᭄ᬳᬶᬧᬸᬦ᭄᭞ᬢᬶᬗ᭄ᬓᬄᬧᬗᬗ᭄ᬕᬄᬧᬢ᭄ᬕᬓ᭄᭞ᬤᬸᬭᬸᬂᬲᬶᬤ᭄ᬥ᭞ᬫᬲᬶᬓ᭄ᬬᬦ᭄ᬓᬤᬶᬦᬧᬶ᭞ᬳᬜᬾᬢᬾᬤᬤᬶᬚᬦ᭄ᬫᬵ᭟ᬓ᭄ᬭᬡᬓᭀᬘᬧ᭄ᬤᬶᬢᬸᬢᬹᬭᬾᬍᬯᬶᬄ᭞ᬦᬾᬫᬯᬵᬱ᭄ᬝᬤᬦ᭄ᬥᬂᬩᬂᬩᬸ
ᬗ᭄ᬳᬵᬮᬦ᭄᭞ᬦᬾᬲᬵᬫ᭄ᬧᬸᬦ᭄ᬲᬶᬦᬄᬚᬢᬶᬦᬾ᭞ᬢᬦ᭄ᬲᬓᬶᬂᬓᬢᬄᬳᬗ᭄ᬓᬸᬄ᭞ᬕ᭄ᬧᬄᬕ᭄ᬧᬸᬄᬧᬵᬮᬄᬓᭀᬄᬫᬶᬚᬶᬮ᭄᭞ᬲᬫ᭄ᬬᬦ᭄ᬧᬯᬦᭂᬗᬦ᭄᭞ᬓᬤᬤᭀᬲᬦ᭄ᬳᬶᬧᬸᬦ᭄᭞ᬩᬭᬓ᭄ᬧᬸᬢᬶᬄᬩᬶᬭᬸᬲᬫᬃ᭞ᬲᬯᬃᬡ᭄ᬦᬦᬾ᭞ᬩᬢᭂ
