[ ᭓᭗ 37B]
᭓᭗᭞
ᬭᬶᬓ᭄᭞ᬗᬫ᭄ᬩᬶᬮ᭄ᬲᬬᬶᬄ᭞ᬕᬶᬦᬵᬦ᭄ᬢᬶᬚᬸᬫ᭄ᬯᬂ᭞ᬭᬶᬂᬯᬸᬲ᭄ᬢᬫ᭄ᬧᭂᬓ᭄ᬧᬫᬥᬦᬾ᭞ᬘᬵᬭᬧᬫᬶᬚᬶᬮ᭄ᬧᬢᬸᬄ᭞ᬦᬤ᭄ᬬᬦ᭄ᬢᭂᬫ᭄ᬩᬂᬫᬸᬮᬭᬶᬂᬩᬮᬶ᭞ᬓᬤᬶᬢᬗ᭄ᬕᬦᬶᬂᬯᬵᬦ᭄ᬥ᭞ᬚᬶᬦᬵᬤᬧᬗ᭄ᬮᬶᬧᬹᬃ᭞ᬲᬯᬢᭂᬓᬶᬂᬢᭂᬫ᭄ᬩᬂᬢᬸᬗ᭄ᬕᬮ᭄᭞ᬲᬫᬶᬤᬤᭀᬲ᭄ᬢᬢᬩᬸᬳᬶᬦ᭄᭞ᬋᬂ
ᬘᬵᬭᬚᬯᬶ᭞ᬦᬵᬗ᭄ᬳᬶᬂᬓᬾᬳᬦ᭄ᬗᭂᬦ᭄ᬤᬾᬃᬯᬬᬂ᭚᭜᭚ᬧᬸᬄᬧᬸᬘᬸᬂ᭚᭜᭚ᬫᬮᬶᬄᬜᬫ᭄ᬩᬸᬂᬧᬲᬮᬶᬦᬾᬲ᭄ᬓᬃᬧᬸᬘᬸᬂ᭞ᬫᬾᬗ᭄ᬓᬶᬦ᭄ᬮᬶᬯᬢᬂ᭞ᬫᬶᬗᭂᬢᬂᬧᬧᬵᬢᬹᬢ᭄ᬕᭂᬦ᭄ᬥᬶᬂ᭞ᬫᬮᬶᬄᬜᬸᬫᬸ᭞ᬫᬗᭂᬢᬸᬢᬂᬧᬳᬶᬗᭂᬢᬦ᭄᭟ᬮᬶᬦ᭄ᬢᬂᬢᬸᬬᬸᬄᬳᬩᭀ
ᬢᬾᬓᬭᬗ᭄ᬓᬸᬂᬭᬗ᭄ᬓᬸᬂ᭞ᬤᬸᬫᬤᬶᬫᬦᬸᬱᬵ᭞ᬬᬾᬦ᭄ᬚᬸᬭᬸᬂᬫᬤᬲᬃᬳ᭄ᬦᬶᬂ᭞ᬚᬢᬦ᭄ᬩᬶᬗᬸᬂ᭞ᬓᬾᬦᬾᬳᬶᬯᬂᬓᬾᬢᭀᬲᬮᬄ᭟ᬮᬫᬶᬦ᭄ᬳᬶᬧᬸᬦ᭄ᬓᬤᬶᬳᬯᬓ᭄ᬩᭀᬚᭀᬕ᭄ᬩ᭄ᬭᬸᬂ᭞ᬢᬦ᭄ᬧᬓᬸᬮᬶᬢ᭄ᬦᬶᬗ᭄ᬮᬲ᭄᭞ᬚᬚ᭄ᬭᭀᬦᬾᬧᬕᬸᬭᬫᬂ᭞ᬳᬶᬲᬶᬧ᭄ᬮᬸᬤ᭄᭞
ᬗ᭄ᬮᬦ᭄ᬢᬾᬂᬫᭀᬢᬮ᭄ᬢᬮ᭄ᬳᭀᬢᬮᬦ᭄᭟ᬓᬶᬚᬮᬓᬸᬜᬶᬗᬶᬤᬂᬗᭂᬗ᭄ᬓᭂᬩᬂᬩ᭄ᬭᬸᬂ᭞ᬬᬦ᭄ᬫᬗᬸᬗ᭄ᬲᬶᬕᬮᬂ᭞ᬓ᭄ᬦᬧᬦᭂᬲ᭄ᬗᬸᬓᬮᬦ᭄ᬢᬶᬕ᭄᭞ᬗᬸᬂᬲᬶᬲᬗᬸᬩ᭄᭞ᬯᬬᬢ᭄ᬕᬭᬂᬚᬕ᭄ᬚᬕᬂ᭟ᬗᬸᬗ᭄ᬲᬶᬲᬫ᭄ᬧᬸᬢ᭄ᬫᬶᬭᬶᬩᬓᬮ᭄ᬳᬸᬮᬸᬄᬍᬕᬸ᭞ᬗ᭄ᬲᬶᬮ᭄ᬓᬍᬗ᭄ᬕᬢ
[ ᭓᭘ 38A]
ᬦ᭄᭞ᬯᬬᬓᬲᬭᬧ᭄ᬩᬦ᭄ᬜᬶᬂᬜᬶᬂ᭞ᬫᬢᬶᬳᬸᬲᬸᬤ᭄᭞ᬭᬾᬄᬓᬢᬄᬗᬤᬸᬢ᭄ᬲᬦ᭄ᬤᬾᬬᬦ᭄᭟ᬳᬲᬶᬂᬢᬸᬫ᭄ᬩᬸᬄᬭᬶᬂᬫᬦᬄᬫᬦᬄᬫᬚᬓᬦ᭄ᬫᬸᬲᬸᬄ᭞ᬳᬦ᭄ᬫᬭᬶᬲᬗ᭄ᬲᬵᬬ᭞ᬓᬾᬦᬾᬢᬓᬸᬢ᭄ᬓᬾᬢᭀᬚ᭄ᬭᬶᬄ᭞ᬍᬩᬶᬄᬢᬸᬬᬸᬄ᭞ᬓᬕᬾᬦ᭄ᬤᭀᬮ᭄ᬗᬸᬤ᭄ᬥᬶᬢᬫᬄ
᭟ᬢᬫᬄᬫᬸᬲᬸᬄᬦᬕᬶᬄᬗ᭄ᬚᬸᬓ᭄ᬫᬫ᭄ᬩᬭᬶᬓᬸᬲ᭄᭞ᬫᬫᬦ᭄ᬢᬶᬕ᭄ᬫᬦ᭄ᬢᬶᬕᬂ᭞ᬕᬯᬾᬦ᭄ᬜᬗ᭄ᬕᬯᬾᬲᬓᬶᬢ᭄᭞ᬓ᭄ᬭᬡᬢᬸᬮᬸᬲ᭄᭞ᬫᬗ᭄ᬕᬶᬳᬶᬦ᭄ᬓᬲᬸᬭᬂᬲᬹᬭᬵᬂ᭟ᬓᬤᬾᬦ᭄ᬧᬬᬸᬳᬸᬮᬢ᭄ᬫᬮᬚᬬᬶᬦ᭄ᬳᬗ᭄ᬓᬸᬄ᭞ᬫᬦᬸᬚ᭄ᬯᬂᬚᬮᬦ᭄᭞ᬬᬦ᭄ᬢᬸᬭᬸᬢ᭄ᬫᬓ᭄ᬭᬡᬧᬮᬶᬂ᭞ᬧᬬᬸ
ᬗᬧᬸᬲ᭄᭞ᬲᬸᬩᬳᬤᬵᬢᬶᬢᬶᬲᬾᬢᬦ᭄᭟ᬍᬩᬶᬄᬮᬘᬸᬃᬤᬤᬶᬚᬦ᭄ᬫᬵᬲᬾᬯᬸᬮᬘᬸᬃ᭞ᬲᬸᬕᬶᬄᬓᬢᬫ᭄ᬩᭂᬢᬦ᭄᭞ᬩᬢᬶᬳᬕᬵᭂᬂᬤᬹᬱᬵᬢᬸᬮᬶ᭞ᬥ᭄ᬧᬂᬮᬘᬸᬃ᭞ᬫ᭄ᬮᬳᬾᬗᬶᬤᬸᬧᬂᬢᬫᬦ᭄᭟ᬳᬯᬓ᭄ᬫᬶᬮᬸᬤᬶᬱᬢᬸᬗ᭄ᬓᬲ᭄ᬤᬤᬶᬫᬸᬲᬸᬄ᭞ᬫᬫᬸᬦ᭄ᬤᬸᬳᬂᬧᬧᬵ᭞ᬲ
ᬳᬶᬫᬗᬭᬸᬄᬳᬭᬸᬳᬶᬦ᭄᭞ᬓᬾᬦᬾᬢ᭄ᬫᬸ᭞ᬲᬶᬕᬸᬕᬾᬗᭂᬫ᭄ᬧ᭄ᬯᬂᬫᬦᬄ᭟ᬤᬶᬚᬭᬸᬭᬸᬄᬤᬤᬶᬢᬕᬶᬳᬶᬦ᭄ᬢᬸᬮᬸᬂ᭞ᬲᬯᬢ᭄ᬍᬩᬶᬄᬲᬯᬵᬢ᭄᭞ᬮᬶᬯᬢ᭄ᬲᬸᬭᬸᬮᬶᬯᬢ᭄ᬧᬶᬗᬶᬢ᭄᭞ᬲᬓᬶᬂᬢᬸᬤᬸᬄ᭞ᬫᬗ᭄ᬤᬸᬫᬶᬦ᭄ᬓᬢᬫ᭄ᬩᭂᬢᬦ᭄᭟ᬤᬶᬓ᭄ᬮᬸᬓ᭄ᬥᬶᬓ᭄ᬮᬸᬓ᭄ᬧᬤᬾᬯᬾᬓᬦ᭄ᬧᬢᬶᬳ
Kaca:Bali-lontar-gaguritan-prasrddha-niti-300ppi.pdf/38
Kaca puniki sampun kauji-wacén
