Kaca:Bali-lontar-gaguritan-prasrddha-niti-300ppi.pdf/36

Saking Wikisource
Kaca puniki sampun kauji-wacén

[ ᭓᭕ 35B]
᭓᭕᭞
᭞ᬳᬮ᭄ᬯᬦ᭄ᬓᬧᬶᬂᬲ᭄ᬬᬦ᭄ᬳᬶᬧᬸᬦ᭄᭞ᬦᬾᬳᬮ᭄ᬯᬦ᭄ᬢᭀᬓᬯᬵᬱ᭄ᬝᬦᬦ᭄᭞ᬗ᭄ᬮᬓ᭄ᬱᬡᬬᬂᬫᬚᬭᬸᬄ᭞ᬫᬮᬍᬫᭂᬲ᭄ᬳᬶᬯᬂᬢᬶᬗ᭄ᬓᬄᬲᬫ᭄ᬬᬦ᭄᭞ᬳᬢᬾᬬᬦ᭄ᬧᬸᬦᬶᬓ᭚᭜᭚ᬧᬸᬄᬫᬕᬢ᭄ᬭᬸᬄ᭚᭜᭚ᬧᬲᬮᬶᬢᬂᬢᬸᬗ᭄ᬕᬧᬂᬢᭂᬫ᭄ᬩᬂᬫᬕᬢ᭄ᬭᬸᬄ᭞ᬗ᭄ᬮ
ᬦ᭄ᬢᬸᬃᬲᬫᬶᬕᭂᬦ᭄ᬥᬶᬂᬚᬯᬵ᭞ᬲᭀᬮᬄᬫᬦᬳᬾᬢᬦ᭄ᬧᬵᬢᬹᬢ᭄᭞ᬳᬓᬾᬄᬬᬜ᭄ᬘᬘᬓᬦ᭄ᬲᬫᬶ᭞ᬫᬸᬗ᭄ᬕᬸᬄᬭᬶᬂᬢᬸᬢᬹᬭᬾᬓᬯᭀᬢ᭄᭟ᬯᬶᬭᬾᬄᬩᬦ᭄ᬓᬮᬫ᭄ᬬᬜ᭄ᬘᬕᬢᬾᬧᬸᬧᬸᬢ᭄᭞ᬧᬓᬃᬤ᭄ᬥᬶᬦ᭄ᬳᬶᬤᬵᬳ᭄ᬬᬂᬯᬶᬥᬶ᭞ᬓ᭄ᬭᬡᬓᬢᬄᬰᬵ
ᬲ᭄ᬢ᭄ᬭᬢᬸᬢᬹᬃ᭞ᬫᬜᬘᬓ᭄ᬦᬾᬢᬮᬩ᭄ᬘᬶᬓ᭄᭞ᬬᬾᬦ᭄ᬓᬸᬫ᭄ᬧᬸᬮ᭄ᬩᬶᬮᬶᬄᬳᬕ᭄ᬥᭀᬂ᭟ᬦᬵᬗ᭄ᬳᬶᬂᬩ᭄ᬘᬶᬓ᭄‌ᬬᬾᬦ᭄ᬲᬫ᭄ᬬᬦ᭄ᬲᬵᬫ᭄ᬧᬸᬦ᭄ᬧᬗ᭄ᬕᬸᬄ᭞ᬧᬸᬦᬶᬓᬕᬮᬶᬄᬕᬮᬶᬳᬶᬦ᭄᭞ᬢᬢᬲᬂᬦᬵᬫ᭄ᬧᬶᬭᬶᬂᬓᬳ᭄ᬬᬸᬦ᭄᭞ᬳᬓᬾᬄᬤᭀᬭᬳᬓᬾᬄᬬᬓ᭄ᬢᬶ
᭞ᬬᬓ᭄ᬢᬶᬦᬾᬲᬓᬶᬂᬧᬗ᭄ᬭᬯᭀᬲ᭄᭟ᬓᬢᭂᬫ᭄ᬧ᭄ᬯᬦ᭄‌ᬗᬾᬮᬶᬗᬶᬦᬾᬚᬢᬶᬧᬵᬢᬹᬢ᭄᭞ᬭᬾᬄᬢᬦ᭄ᬤᬤᭀᬲ᭄‌ᬕᬶᬲᬶ᭞ᬲ᭄ᬓᭂᬦᬂᬲᬹᬭᬵᬢᬂᬧᬓᬸ᭞ᬬᬾᬦ᭄ᬲᬵᬫ᭄ᬧᬸᬦ᭄‌ᬲ᭄ᬯᬢᬳᬾᬓ᭄ᬦᬶ᭞ᬩᬶᬮᬶᬄᬩᬶᬮᬶᬄᬯᬸᬲᬦ᭄ᬓᬸᬫᭀᬃ᭟ᬲᬓᬶᬗ
[ ᭓᭖ 36A]
ᬳᬾᬄᬤᬤᭀᬲ᭄ᬓᬶᬤᬶᬓ᭄‌ᬲ᭄ᬭᬶᬗᬦ᭄ᬧᬢᬹᬢ᭄᭞ᬬᬾᬦ᭄ᬢᬓ᭄ᬥᬶᬓ᭄ᬫᬸᬮᬓ᭄ᬥᬶᬓ᭄᭞ᬧᬸᬦᬶᬓᬚᬢᬶᬲᬮᬂᬲᬸᬭᬸᬧ᭄‌ᬦᬵᬃᬓ᭄ᬓᬉᬢ᭄ᬢᬫᬦᬾᬓ᭄ᬥᬶᬓ᭄᭞ᬩᬓᬮ᭄ᬳᬧᬓᬾᬳᬶᬂᬭᬯᭀᬲ᭄᭟ᬓ᭄ᬭᬡᬦ᭄ᬲᭂᬗ᭄ᬓᬵᬗᬶᬗᭂᬢᬶᬦᬾ ᬚᬢᬶᬧᬵᬢᬹᬃ᭞
ᬬᬾᬦᬾᬤᬶᬦᬶᬤᬸᬭᬸᬂᬚᬢᬶ᭞ᬳᬸᬧᬫᬶᬫᬧᬶᬓᬢ᭄ᬧᬸᬯᬸᬄ᭞ᬗᬩᬧᬧᬶᬓᬢ᭄ᬮᬮᬶᬧᬶ᭞ᬩᬶᬦ᭄ᬧᬶᬤᬦ᭄ᬩᬓᬢ᭄ᬩᬦ᭄ᬫᭀᬗ᭄ᬓᭀᬲ᭄᭟ᬬᬦ᭄ᬢᬦ᭄ᬧᬢᭂᬄᬩᭀᬬᬤᬸᬕᬶᬤᬤᭀᬲ᭄ᬧᬵᬢᬹᬢ᭄᭞ᬓᬤᬶᬗᬯᬶᬚᬶᬮᬂᬦᬧᬶ᭞ᬬᬦ᭄ᬢᬦ᭄ᬫᬸᬮᬜᬶ
ᬫ᭄ᬧᭂᬦ᭄ᬤᬸᬫᬸᬦ᭄᭞ᬧᬸᬦᬶᬓᬤᬸᬭᬸᬂᬲᬚᬢᬶ᭞ᬯᬾᬦ᭄ᬢᭂᬦᬾᬓᬾᬯᬮᬵᬩᬯᭀᬲ᭄᭚᭜᭚ᬧᬸᬄᬤᬦ᭄ᬥᬂᬕᬸᬮ᭚᭜᭚ᬧᬲᬮᬶᬦᬾᬫᬮᬶᬄᬤᬦ᭄ᬥᬂᬕᭂᬦ᭄ᬤᬶᬲ᭄᭞ᬲᬃᬯ᭄ᬯᬶᬳᬗ᭄ᬕᬾᬦ᭄ᬧᬳᭂᬗᭂᬢ᭄ᬫᬢᭂᬫ᭄ᬩᬂ᭞ᬢᬢᬩᬸᬄᬕᭂᬦ᭄ᬥᬶᬂᬚᬯᬦᬾ᭞ᬋᬋᬳᬂ
ᬧᬧᬵᬢᬹᬢ᭄ᬳᬶᬧᬸᬦ᭄᭞ᬦᬵᬓ᭄ᬳᬶᬂᬯᬯᬸᬳᬓᬶᬤᬶᬓ᭄᭞ᬓᬮᬶᬂᬬᬦ᭄ᬤᬸᬭᬸᬂᬲᬶᬦᬄ᭞ᬧᬵᬢᬹᬢᬾᬫᬜᬸᬓᬸᬧ᭄᭞ᬧᭀᬮᬶᬳᬾᬦᬸᬧ᭄ᬢᬸᬧᬦ᭄᭞ᬭᬶᬓᬵᬮᬦᬾ᭞ᬳᬦ᭄ᬢᬭᬦ᭄ᬳᬶᬗᭂᬢ᭄ᬭᬶᬂᬕᭂᬦ᭄ᬥᬶᬂ᭞ᬳᬗ᭄ᬕᬾᬦ᭄‌ᬗᬶᬗᭂᬭᬂᬢᭂᬫ᭄ᬩᬂ᭟ᬤᬦ᭄ᬥᬂᬕᬸᬮᬢᭂᬫ᭄ᬩᬂᬜᬸᬭᬭᬶᬢ᭄