[ ᭓᭔ 34B]
᭓᭔᭞
ᬭᬭᬾᬩ᭄ᬭᬳ᭄ᬫᬵᬣ᭄ᬬ᭞ᬲᬦᬤ᭄ᬬᬦ᭄ᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬫᬶᬯᬄᬫᬢᬾᬦᬶᬩ᭄ᬮᬶᬗᬦ᭄᭞ᬫᬢᬾᬦᬶᬍᬫ᭄ᬩᬸᬲᬓᬦ᭄ᬤᬂ᭞ᬜᬾᬤᬂᬩ᭄ᬭᬳ᭄ᬫᬵᬡᬶᬩ᭄ᬭᬳ᭄ᬫᬵᬡ᭞ᬫᬶᬯᬄᬜᬾᬤ᭄ᬥᬬᬂᬧᬡ᭄ᬥᬶᬢ᭞ᬫᬶᬯᬄᬯᬢᭂᬓ᭄ᬧᬹᬚᬵ᭞ᬜᬾᬤ᭄ᬥᬬᬂᬭᬢᬸᬫᬮᬄᬜ᭟ᬧᬸᬦᬶᬓᬲᬵ
ᬫ᭄ᬧᬸᬦ᭄ᬗ᭄ᬮᬮ᭄ᬬᬂ᭞ᬭᬾᬄᬓᬮᬶᬦ᭄ᬢᬗᬕᬵᭂᬂᬧᬶᬲᬦ᭄᭞ᬦᬵᬭᬓᬤᬶᬓᬂᬩ᭄ᬭᬳ᭄ᬫᬵᬣ᭄ᬬ᭞ᬫᬗ᭄ᬤᬭᬶᬂᬲᬶᬧᬢ᭄ᬫᬦᬸᬱᬵ᭞ᬲᬂᬳ᭄ᬬᬂᬇᬦ᭄ᬤ᭄ᬭᬫᬲᬶᬄᬦᬵᬭᬓ᭞ᬗᬫᬃᬕ᭄ᬕ᭄ᬬᬗᬸᬮᬄᬩᬺᬢ᭄ᬬ᭞ᬓᭀᬘᬧ᭄ᬭᬶᬗᬗ᭄ᬕᬱ᭄ᬝᬶᬧ᭄ᬭᬢᬵ᭞ᬩᬯᭀᬦ᭄ᬪᬕᬯᬵᬦᬗ᭄ᬕᬶᬭ᭚᭜᭚ᬧᬸᬄᬤᬹᬃ
ᬫ᭄ᬫ᭚᭜᭚ᬧᬲᬮᬶᬦᬾᬫᬲᬶᬄᬚᬯᬶᬢᭂᬫ᭄ᬩᬂᬤᬹᬃᬫ᭄ᬫ᭞ᬫ᭄ᬮᬦ᭄ᬢᬸᬭᬂᬢᬸᬢᬹᬃᬮᬶᬗ᭄ᬳᬶᬂᬤᬵᬭᬯᬶᬰᬰᬡᬵ᭞ᬢᬶᬗ᭄ᬓᬳᬾᬲᬮᬄᬩ᭄ᬯᬢ᭄᭞ᬦᬾᬫᬵᬤᬦ᭄ᬲᬤ᭄ᬢᬢᬬᬷ᭞ᬦᭂᬫ᭄ᬦᭂᬫ᭄ᬓᬯᬶᬮᬂ᭞ᬳᬸᬮᬳᬾᬭᬗ᭄ᬓᬸᬂᬲᬶᬲᬶᬧ᭄᭟ᬓᬧᬶᬲᬦᬾᬢᬶᬗ᭄ᬓᬳᬾᬦ᭄ᬮᬸᬄᬗᬮᬾᬬᬓ᭄᭞ᬫᬗ᭄ᬕ
ᬯᬾᬲᬭᬂᬕᬸᬫᬶ᭞ᬭᬶᬂᬓᬧᬶᬂᬓᬮᬶᬄᬜ᭞ᬢᬶᬗ᭄ᬓᬄᬜ᭄ᬢᬶᬓ᭄ᬫᬗᬸᬧᬲ᭄᭞ᬓᬧᬶᬂᬢᬶᬕᬵᬦᬾᬲᬫᬮᬶᬄ᭞ᬦᬾᬗᬫᬹᬓ᭄ᬗᬯᬵᬕ᭄᭞ᬫᬓ᭄ᬭᬡᬲᬮᬄᬧᬢᬶ᭟ᬓᬧᬶᬂᬧᬵᬢᬾᬦᬾᬫᬸᬯᬸᬕ᭄ᬗᬹᬭᬵᬕᬥᬵ᭞ᬍᬩᬶᬄᬍᬩᬶᬳᬶᬂᬲᬶᬲᬶᬧ᭄᭞ᬲᬦᬾᬓᬧᬶᬂᬮᬶᬫᬵ᭞ᬚ
[ ᭓᭕ 35A]
ᬦ᭄ᬫᬵᬦᬾᬦᬸᬜ᭄ᬚᭂᬮ᭄ᬳᬸᬫᬄ᭞ᬲᬓᬶᬂᬮᬓ᭄ᬱᬡᬢᬦ᭄ᬬᬸᬓ᭄ᬢᬶ᭞ᬗᬫ᭄ᬩᭂᬓᬂᬘᭀᬭᬄ᭞ᬫᬶᬯᬄᬫᬮᬓ᭄ᬱᬡᬫᬮᬶᬂ᭟ᬓᬧᬶᬂᬦᭂᬫᬾᬫᬶᬱᬸᬦᬵᬓᬾᬧ᭄ᬭᬪᬸᬳᬶᬓᬵ᭞ᬫᬯᬵᬱ᭄ᬝᬲᬵᬤ᭄ᬢᬢᬬᬷ᭞ᬤᭀᬱᬵᬮᬶᬦ᭄ᬢᬂᬲᬭᬵᬢ᭄᭞ᬭᬶᬂᬲᬓᬵᬮᬦᬶᬲ᭄ᬓᬮᬵ᭞ᬧᬸᬦᬶᬓᬋ
ᬕᭂᬥᭂᬂᬕᬸᬫᬶ᭞ᬓᬯᬄᬫᬚᬮᬦ᭄᭞ᬳᬶᬤᬸᬧᬾᬲᬫᬶᬭᬶᬗᬜ᭄ᬚᬶᬂ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬓᬯᬵᬱ᭄ᬝᬦᬦ᭄᭞ᬫᬲᬶᬄᬘᬘᬓᬦ᭄ᬲᬶᬲᬶᬧ᭄᭞ᬳᬸᬮᬳᬶᬂᬲᬚᬦ᭄ᬫᬵ᭞ᬢᬸᬦ᭄ᬯᬾᬦ᭄ᬢᭂᬦ᭄ᬧᬳᬸᬢᬸᬮᬤ᭄᭞ᬫᬗ᭄ᬤᬾᬦ᭄ᬤᭀᬄᬭᬶᬂᬓᬳ᭄ᬬᬸᬦ᭄ᬲᬫᬶ᭞ᬳᬸᬮᬄᬧᬸᬦᬶᬓ᭞
ᬬᬾᬦ᭄ᬭᬶᬂᬫᬦᬄᬲᬸᬜᬶ᭟᭐᭟ᬲᬵᬫ᭄ᬧᬸᬦ᭄ᬜᬦ᭄ᬤᬂᬫᬲᬮᬶᬦᬗ᭄ᬩᬶᬮᬂᬓᬚᬸᬭᬸᬤ᭄ᬫᬸᬂ᭞ᬢᬢᭂᬫ᭄ᬩᬗᬜ᭄ᬚᬯᬵᬗ᭄ᬮᬦ᭄ᬢᬸᬃ᭞ᬫᬦᬸᬢᬸᬭᬂᬢᬶᬗ᭄ᬓᬄ᭞ᬲ᭄ᬢᬬᬵᬳᬸᬮᬄᬚᬦ᭄ᬫᬵᬦᬾᬢᬦ᭄ᬲᬥᬸ᭞ᬢᬸᬗ᭄ᬕᬶᬮᬾᬭᬶᬗᬱ᭄ᬝᬤᬸᬱ᭄ᬝᬵ᭞ᬫᬸᬗ᭄ᬕᬸᬄᬭᬶᬗᬕᬫᬫᬦᬹ᭟ᬦᬵᬗ᭄ᬳᬶᬂᬳᬲ᭄ᬬᬓᬯᬶᬮᬂᬫᬵ
ᬯᬓ᭄ᬫᬮ᭄ᬬᬂᬓᬲᬢᬸ᭞ᬫᬦᬬᬩ᭄ᬧᬶᬂᬓᬮᬶᬄᬳᬶᬧᬸᬦ᭄᭞ᬫᬗᬸᬢᬶᬮᬾᬓᬳᬶᬧᬶᬂᬢᬶᬕᬵ᭞ᬫ᭄ᬮᬕᬦ᭄ᬥᬂᬓᬧᬶᬂᬧᬵᬢ᭄ᬚᬶᬧᬸᬦ᭄᭞ᬫᬗᭂᬦ᭄ᬥᭂᬮᬾᬓᬧᬶᬂᬮᬶᬫᬵ᭞ᬭᬶᬂᬓᬧᬶᬂᬦᭂᬫᬾᬳᬦᬸᬫ᭄ᬧᬸᬂ᭟ᬯᬯᬶᬢᬸᬦᬾᬫᬸᬫ᭄ᬧᬂᬲ᭄ᬢ᭄ᬭᬷᬦᬶᬗ᭄ᬮᬾᬦ᭄᭞ᬫᬭᬡᬵᬂᬭᬶᬂᬓᬧᬶᬂᬓᬸᬢᬸᬲ᭄
Kaca:Bali-lontar-gaguritan-prasrddha-niti-300ppi.pdf/35
Kaca puniki sampun kauji-wacén
