[ ᭓᭓ 33B]
᭓᭓᭞
ᬫ᭄ᬩᬸᬮ᭄᭞ᬳᬤᬵᬢ᭄ᬲᬢᬢᬩ᭄ᬭᬶᬗᬢ᭄ᬩ᭄ᬭᬶᬗᬸᬢ᭄᭞ᬦᬾᬲᬳᬶᬓᬯᬵᬱ᭄ᬝᬦᬦ᭄᭞ᬫᬳᬵᬓ᭄ᬭᭀᬥᬶ᭞ᬗᬶᬘᬮᬂᬫᬦᬄᬭᬳᬬᬸ᭞ᬗ᭄ᬮᬦ᭄ᬢᬗᬂᬫᬦᬄᬩ᭄ᬮᭀᬕ᭄᭟ᬭᬶᬂᬤᬹᬃᬕ᭄ᬕᬤᬾᬯᬶᬳᬶᬓᬸ᭞ᬳᬸᬮᬳᬦ᭄ᬗᬯᬾᬚᬕᬢ᭄ᬳᬬᬸ᭞ᬤ᭄ᬫᭂ
ᬦ᭄ᬜᭂᬢᬶᬓ᭄ᬫᬶᬯᬄᬫᬦ᭄ᬤᬾᬱ᭄ᬝᬶ᭞ᬢᬦ᭄ᬯᬦᭂᬄᬗᬃᬤ᭄ᬥᬶᬮᬍᬢᬸᬄ᭞ᬧᬸᬦᬶᬓᬲᬾᬢᬦ᭄ᬫᬵᬯᬓ᭄ᬯᭀᬂ᭟ᬢᬦ᭄ᬲᬶᬦᬶᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬫᬦᬄᬧ᭄ᬢᭂᬂᬓᬲᬫᬭᬦ᭄ᬩᬗᬸᬂ᭞ᬫᬸᬚᬶᬫᬹᬚᬶᬯ᭄ᬯᭀᬂᬤᬾᬰᬲᬮᬄᬧᬗᬾᬱ᭄ᬝᬶ᭞ᬮᬦᬩ᭄ᬥᬦᬾᬦᭀᬭᬧᬵᬢᬹ
ᬢ᭄᭞ᬗᬫ᭄ᬧᬓᬦ᭄ᬤᬤᬮᬦ᭄ᬓᭀᬢᭀᬃ᭟ᬦᬾᬯᬶᬖᬵᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬧ᭄ᬭᬢᬶᬗ᭄ᬓᬳᬾᬦᬾᬫᬗᬶᬗᬸᬢᬸᬭᬹᬗᬸᬮᬄᬤᭀᬱᬵᬢᬦ᭄ᬲᬦ᭄ᬢᭀᬱᬭᬶᬂᬯ᭄ᬬᬤᬶ᭞ᬧᬸᬦᬶᬓᬕ᭄ᬦᭂᬧ᭄ᬳᬓᬸᬢᬸᬲ᭄᭞ᬗᬗ᭄ᬓ᭄ᬭᬳᬶᬦ᭄ᬫᬵᬃᬕᬓ᭄ᬭᬳᬬᭀᬦ᭄᭟᭐᭟
᭚᭜᭚ᬲᬮᬶᬦᬶᬦ᭄ᬢᭂᬫ᭄ᬩᬂᬕᬶᬭᬶᬱ᭞ᬫᬲᬶᬄᬘᬵᬭᬕᭂᬦ᭄ᬥᬶᬂᬚᬯᬵ᭞ᬓᭀᬘᬧ᭄ᬦᬾᬫᬵᬤᬦ᭄ᬧᬢᬶᬣᬵ᭞ᬧ᭄ᬭᬢᬶᬗ᭄ᬓᬳᬾᬤᬤᬶᬚᬦ᭄ᬫᬵ᭞ᬓᭀᬚᬭᬶᬂᬯᬺᬢ᭄ᬢᬶᬰᬰᬦᬵ᭞ᬢᬶᬗ᭄ᬓᬳᬾᬫᬚᬚ᭄ᬯᬗᬦ᭄᭞ᬧᬸᬦᬶᬓᬧᬵᬢ᭄ᬦᬣᬾᬮᬶᬗᬦ᭄᭞ᬫᬗ᭄ᬤᬾᬦ᭄ᬫᬦᬹᬢ᭄ᬮᬶᬗ᭄ᬳᬶᬂᬰᬵ
[ ᭓᭔ 34A]
ᬲ᭄ᬢ᭄ᬭ᭟ᬲᬵᬫ᭄ᬧᬸᬦ᭄ᬗᬗ᭄ᬕᬾᬦᬾᬧᬢᬶᬣᬵ᭞ᬓᭀᬚᬭᬶᬂᬰᬲ᭄ᬢ᭄ᬭᬉᬢ᭄ᬢᬫ᭞ᬧᬸᬦᬶᬓᬧᬵᬢᬹᬢ᭄ᬧᬕᭂᬳᬂ᭞ᬦᬾᬫᬗ᭄ᬓᬶᬜ᭄ᬘᬘᬓ᭄ᬢᬸᬢᬸᬭᬂ᭞ᬓ᭄ᬭᬫᬵᬡᬲᬮᬄᬚ᭄ᬯᬗᬦ᭄᭞ᬫᬗ᭄ᬭᬩᬶᬦᬶᬦ᭄ᬳᬶᬩᬸᬲᬮᬄ᭞ᬫᬗ᭄ᬭᬩᬶᬦ᭄ᬦᬶᬦᬶᬲᬮᬄ᭞ᬦᬤ᭄ᬬᬦ᭄ᬩᬶᬩᬶᬫᬶᬭᬄᬜᬫ᭟ᬳᬶᬯᬂ
ᬫᬜᭀᬫᬳᬶᬦ᭄ᬧ᭄ᬬᬦᬓ᭄᭞ᬬᬤ᭄ᬯᬂᬜ᭄ᬯᬂᬓᬧᭀᬦᬓᬦ᭄᭞ᬦᬵᬗ᭄ᬳᬶᬂᬦᬾᬯᬯᬸᬤᬶᬜᬫ᭞ᬳᭂᬦ᭄ᬢᭀᬫᬵᬤᬦ᭄ᬓᬧᭀᬦᬓᬦ᭄᭞ᬫᬜᭀᬫᬳᬶᬦ᭄ᬫᬦ᭄ᬢᬸᬲᬮᬄ᭞ᬩ᭄ᬯᬵᬂᬢᬸᬫᬶᬦ᭄ᬫᬲᬶᬄᬲᬮᬄ᭞ᬦᬤ᭄ᬬᬦ᭄ᬩ᭄ᬯᬵᬗᬶᬧᬄᬲᬮᬄ᭞ᬫᬗ᭄ᬚ᭄ᬯᬵᬦ᭄ᬲᭀᬫᬄᬳᬶᬧᬫ
ᬦ᭄᭟ᬫᬶᬯᬄᬜ᭄ᬯᬵᬂᬭᬩᬶᬦ᭄ᬫᬢ᭄ᬯ᭞ᬗ᭄ᬭᬩᬶᬦᬶᬦ᭄ᬲᬧᬗᬮᬧᬦ᭄᭞ᬜ᭄ᬯᬂᬯᬭᬂᬫᬲᬶᬄᬲᬮᬄ᭞ᬫᬶᬯᬄᬗ᭄ᬮᬜ᭄ᬚᬸᬩᬶᬦ᭄ᬫᬢ᭄ᬯᬵ᭞ᬬᬤ᭄ᬬᬦ᭄ᬬᬾᬫᬳᬶᬦ᭄ᬓᬧᭀᬦᬓᬦ᭄᭞ᬜ᭄ᬯᬂᬲᭀᬫᬄᬫᬦ᭄ᬢᬸᬲᬮᬄ᭞ᬫᬶᬯᬄᬜ᭄ᬯᬂᬲᭀᬫᬄᬜᬫ᭞ᬧᬸᬦᬶᬓᬲᬫᬶᬧᬢᬶᬱᬵ᭟ᬫᬶᬯᬄ
ᬫᬵᬤᬦ᭄ᬩ᭄ᬭᬳ᭄ᬫᬵᬣ᭄ᬬ᭞ᬢᬸᬗ᭄ᬕᬶᬮ᭄ᬭᬶᬂᬲᬦᬾᬗ᭄ᬭᬦᬳᬵ᭞ᬫᬢᬾᬦᬶᬭᬭᬾᬭᬶᬂᬤᬵᬱᬂ᭞ᬦᬵᬗ᭄ᬳᬶᬂᬩ᭄ᬭᬳ᭄ᬫᬵᬣ᭄ᬬᬦᬾ ᬓᬢᬄ᭞ᬩ᭄ᬭᬸᬡᬳᬦ᭄ᬯᬦ᭄ᬢᬄᬲᬦᬸᬗ᭄ᬕᬮ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬓ᭄ᬭᬫᬦᬾᬫᬵᬤᬦ᭄ᬩ᭄ᬭᬳ᭄ᬫᬵᬣ᭄ᬬ᭞ᬧᬸᬦᬶᬓᬤᬵᬳᬢ᭄ᬦᬭᬓᬵ᭟ᬗᬫᬢ᭄ᬬᬂ
Kaca:Bali-lontar-gaguritan-prasrddha-niti-300ppi.pdf/34
Kaca puniki sampun kauji-wacén
