Kaca:Bali-lontar-gaguritan-prasrddha-niti-300ppi.pdf/26

Saking Wikisource
Kaca puniki sampun kauji-wacén

[ ᭒᭕ 25B]
᭒᭕᭞
ᬮᬵᬳᬬᬸ᭞ᬫᬫᬶᬮᬶᬄᬢ᭄ᬯᬭᬩᬶᬱᬵ᭞ᬲᬭᬢᬶᬢᬄ᭞ᬲᬭᬢᬸᬤᬸᬄᬲᬭᬯᬶᬥᬶ᭞ᬲᬗᬸᬦᬶᬂᬲᬵᬫ᭄ᬧᬸᬦ᭄ᬯᬶᬓᬦ᭄᭟ᬲᬵᬫ᭄ᬧᬸᬭᬬᬂᬓᬯᬶᬧᬮᬂᬧᬮᬶᬂ᭞ᬫᬕᬸᬬᭀᬦᬦ᭄‌ᬫᬦᬄᬧᬤᬾᬯᬾᬓᬦ᭄᭞ᬯᬶᬭᬾᬄᬳᬕᭃᬂᬫᬫᬶᬖ᭄ᬦᬦᬾ᭞ᬓᬧᬋᬧᭂᬄᬢᬸᬮᬸᬢᬸᬄ᭞
ᬭᬶᬦᬵᬯ᭄ᬗᬶᬫᬦᭀᬢᬶᬓᬢᬶ᭞ᬢ᭄ᬓᬦᬾᬢᬦ᭄ᬧᬲᬗ᭄ᬓᬦ᭄᭞ᬗ᭄ᬮᬭᬕ᭄‌ᬗᬮᬸᬭᬸᬕ᭄᭞ᬫ᭄ᬩᬭᬘᭂᬢᬶᬂᬲᬃᬯ᭄ᬯᬘᬫᬄ᭞ᬲᬸᬩᬥ᭄ᬧᬂ᭞ᬧᬶᬲᬭᬳᬸᬕᬶᬳ᭄ᬬᬂᬯᬶᬥᬶ᭞ᬗᬯᬵᬱ᭄ᬝᬦᬶᬦ᭄‌ᬗᬬᭀᬕ᭄ᬬᬬᬂ᭟ᬲᬤᬸᬓ᭄ᬓᬮᬦᬾᬧᬸᬧᬸᬢ᭄ᬓᬢᬸᬮᬶᬲ᭄᭞ᬭᬶᬂᬭᬳᬶᬦᬵ᭞ᬩᬸᬤ᭄ᬥᬧ
ᬳᬶᬂᬯᬬᬂ᭞ᬓᬧᬶᬂᬓᬮᬶᬄᬧᬦᬗ᭄ᬕᬮᬾ᭞ᬓᬮᬶᬫᬵᬰᬰᬶᬄᬳᬶᬧᬸᬦ᭄᭞ᬇᬰᬓᬵᬦᬾᬘᬭᬭᬶᬂᬩᬮᬶ᭞ᬦ᭄ᬫᭀᬦᬶᬦ᭄ᬲᬾᬯᬸᬤᭀᬫᬲ᭄᭞ᬦᬗ᭄ᬕᬸᬮᬶᬓᬸᬃ᭞ᬳᬶᬢᬸᬗᬦ᭄ᬧᬫᬵᬃᬕ᭄ᬕᬶᬦ᭄‌ᬲᬹᬃᬬ᭄ᬬ᭞ᬧᬳᬶᬗᬦᬦ᭄ᬲᬵᬫ᭄ᬧᬸᬦ᭄ᬲᬶᬗᬶᬢ᭄᭞ᬲᬯᬵᬢᬭ
ᬤᬯᬸᬄᬮᬶᬫᬵ᭚᭜᭚ᬇᬢᬶᬓᬶᬤᬸᬂᬳᬺᬤᬵᬬᬰᬵᬰᬵᬲ᭄ᬢ᭄ᬭᬲᬫᬵᬧ᭄ᬢ᭚᭜᭚ᬧᬸᬄᬕᬶᬦᬵᬦ᭄ᬢᬶ᭚᭜᭚ᬕᬶᬭᬂᬫᬶᬮᬸᬗ᭄ᬕᬯᬾᬓᬶᬤᬸᬂ᭞ᬫᬗᬭᬂᬲ?ᬓᬃᬕᬶᬦᬵᬦ᭄ᬢᬶ᭞ᬦᬵᬗ᭄ᬳᬶᬂᬘᬭᬓᬵᬃᬣᬲᬹᬭᬵ᭞ᬯᬶᬭᬯᭀᬲᬾᬘᬭᬩᬮᬶ᭞ᬭᬯᭀᬲ᭄ᬩᬮᬶᬪᬵ
[᭒᭖ 26A]
ᬱᬩᬮᬶᬳᬮᬸᬲ᭄ᬓᬲᬃ᭞ᬲᬯᬸᬧᬦ᭄ᬫᬤᬸᬓᬦ᭄ᬓᬶᬤᬶᬓ᭄᭟ᬤᬵᬱᬘᬭᬚᬧᬵᬫ᭄ᬮᬬᬹ᭞ᬲᬭᬲᬂᬫᬯᭀᬲ᭄‌ᬗᬶᬘᭂᬦᬶᬦ᭄᭞ᬦᬵᬗ᭄ᬳᬶᬂᬲᬵᬫ᭄ᬧᬸᬦ᭄ᬩᬗᭂᬢ᭄ᬤᬸᬓᬵ᭞ᬓᬯᬶᬢᬶᬯᬲ᭄‌ᬗᬶᬧᬶᬮ᭄ᬳᬶᬧᬶᬮ᭄᭞ᬤᬸᬭᬸᬂᬘᬘᭂᬧ᭄ᬫᬫᬦ᭄ᬢᬲᬂ᭞ᬩᬄᬤᬵᬱᬫᬦᬹᬢ᭄ᬤᭀᬂᬤᬶᬂ᭟ᬓᭀ
ᬘᬧᬾᬯᬶᬭᬱᬦ᭄ᬢᬸᬢᬹᬃ᭞ᬗ᭄ᬢᬸᬲ᭄ᬭᬶᬂᬧ᭄ᬭᬰ᭄ᬭᬤ᭄ᬥᬦᬶᬢᬶ᭞ᬕ᭄ᬩᭀᬕᬜ᭄ᬘᭀᬦ᭄ᬢᬓᬵᬧ᭄ᬭᬯ᭞ᬲᬣᬗ᭄ᬕᬾᬦ᭄ᬧᬗᬾᬮᬶᬂᬳᬾᬮᬶᬂ᭞ᬳᬸᬮᬳᬶᬂᬲᬂᬲᬶᬦᬾᬯᬓᬵ᭞ᬢᭂᬫ᭄ᬩᬗᬂᬤᬤᭀᬲᬂᬕᭂᬦ᭄ᬥᬶᬂ᭟ᬦᬸᬭᬸᬢ᭄ᬳᬶᬦᬵᬕᬶᬦ᭄ᬳᬶᬧᬸᬦ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬲᬭᬸᬓ᭄ᬥᬶᬓ᭄᭞ᬫᬗ᭄ᬤᬾ
ᬲᬂᬫ᭄ᬩᬯᭀᬲ᭄‌ᬫ᭄ᬩᬭ᭄ᬯᬂ᭞ᬢᬢᬫ᭄ᬧᬾᬦᬾᬫᬗ᭄ᬤᬾᬩ᭄ᬘᬶᬓ᭄᭞ᬓᭀᬘᬧᬩ᭄ᬭᬢᬦᭂᬫ᭄ᬩᭂᬮᬲ᭄᭞ᬳᬗ᭄ᬕᬾᬦ᭄ᬳᬶᬤᬵᬲᬂᬲᬶᬦᬶᬯᬶ᭚᭜᭚ᬧᬸᬄᬲ᭄ᬫᬭᬦ᭄ᬤᬦᬵ᭚᭜᭚ᬲ᭄ᬫᬭᬦ᭄ᬤᬦᬵᬗ᭄ᬕᬾᬦ᭄ᬜᬮᬶᬦᬶᬦ᭄᭞ᬫᬮᬶᬄᬘᬭᬓᬵᬃᬱᬲᬹᬭ᭞ᬬᬾᬜ᭄ᬘᬭᬩᬮᬶᬩᬬᬾ
ᬬᬾ᭞ᬗᬶᬗᭂᬭᬂᬧᬗᭂᬓᭂᬢᬾᬭᬸᬲᬓ᭄᭞ᬲᬓᬶᬂᬧᬗᬩᬦ᭄ᬢᭂᬫ᭄ᬩᬂ᭞ᬬᬦ᭄ᬢᭂᬫ᭄ᬩᬗᬜ᭄ᬚᬯᬲᬭᬸ᭞ᬫᬢᬄᬲᬶᬕᬸᬕ᭄ᬤᬤᬶᬳᬦ᭄ᬢᬃ᭟ᬧᬸᬦᬶᬓᬧᬵᬢᬹᬢ᭄ᬭᬱᬦᬶᬦ᭄᭞ᬬᬤ᭄ᬬᬦ᭄ᬲᬭᬹᬧᬵᬲᬚᬦ᭄ᬫᬵ᭞ᬢᬦ᭄ᬳᭂᬦᬵᬳᬸᬦ᭄ᬢᭂᬫᬦᬳᬾ᭞ᬧᬥᬗᬗ᭄ᬕᭀᬯᬶᬥᬶᬢᬸᬗ᭄ᬕ