[ ᭒᭒ 22B]
ᬗ᭄ᬕᭀᬦ᭄ᬳᬧᬳᬧᬵ᭞ᬚᬢᬶᬢ᭄ᬯᬭᬓᬓᬸᬭᬗᬦ᭄᭟ᬦᬾᬫᬵᬤᬦ᭄ᬳᬯᭀᬢ᭄ᬧᬧᬮᬃ᭞ᬲᬓᬶᬂᬫᬗ᭄ᬓᬶᬦ᭄ᬧᭂᬍᬂᬧᬶᬲᬦ᭄᭞ᬬᬤᬶᬦ᭄ᬤᬸᬭᬸᬂᬓ᭄ᬦᬶᬢᬗᬦ᭄᭞ᬯᬶᬢᬾᬲᬵᬫ᭄ᬧᬸᬦ᭄ᬗᬮᬮ᭄ᬬᬂ᭞ᬢᬸᬦᬲᬶᬘᬬᬂᬭᬶᬂᬢᬶᬢᬄ᭞ᬫᬗ᭄ᬤᬾᬦᬾᬓ᭄ᬦᬶᬩ᭄ᬓᭂᬮᬂ᭞ᬲᬧᬵᬢᬹᬢᬶ
ᬩ᭄ᬓᭂᬮ᭄ᬚᬦ᭄ᬫᬵ᭞ᬭᬾᬕ᭄ᬧᬯᬶᬢᬦ᭄ᬓ᭄ᬦᬶᬚᬕ᭟ᬓᭀᬘᬧ᭄ᬕ᭄ᬦᬳᬾᬧᬸᬦᬶᬓ᭞ᬭᬶᬂᬘᬓᭂᬧ᭄ᬮᬚᬳᬶᬦ᭄᭞ᬭᬶᬂᬰᬵᬲ᭄ᬢ᭄ᬭᬦᬾᬧᬮᬶᬂᬮᬸᬯᬶᬄ᭞ᬭᬶᬂᬦᬾ ᬫᬯᬵᬱ᭄ᬝᬰᬵᬲ᭄ᬢ᭄ᬭᬦᬸᬗ᭄ᬕᬮ᭄᭞ᬢ᭄ᬯᬭᬗᬗ᭄ᬕᭀᬳᬧᬳᬧᬵ᭞ᬧᬸᬦᬶᬓᬰᬵᬲ᭄ᬢ᭄ᬭᬧᬧᭀᬮᭀᬲᬦ᭄᭞ᬳᬃ
ᬣᬶᬦᬾᬗ᭄ᬕᭂᬓᬶᬜ᭄ᬚᬕᬢ᭄᭞ᬧᬸᬦᬶᬓᬳᬯᬾᬢ᭄ᬧᬧᬮᬃ᭚᭜᭚ᬧᬸᬘᬸᬂᬓᬵᬃᬣᬲᬹᬭᬵ᭚᭜᭚ᬫᬮᬶᬄᬧᬸᬘᬸᬂᬓᬵᬃᬣᬲᬹᬭᬳᬗ᭄ᬕᬾᬦ᭄ᬜᬫ᭄ᬩᬸᬂ᭞ᬲᬮ᭄ᬯᬶᬭᬶᬂᬧᬾᬢᬸᬗᬦ᭄᭞ᬢᬢᬫ᭄ᬧᬾᬦᬾᬫᬗ᭄ᬤᬩ᭄ᬘᬶᬓ᭄᭞ᬢᬶᬫ᭄ᬩᬗᬮᬸᬲ᭄᭞ᬮᬯᬸᬢ᭄ᬲ᭄ᬭᬳᬂᬭᬶᬂᬢᬶᬢᬄ᭟ᬢᬶᬗ᭄ᬓᬄᬳᬶ
ᬧᬸᬦ᭄ᬬᬦ᭄ᬢᬦ᭄ᬓᬢᭀᬦ᭄ᬤᬸᬭᬸᬂᬧᬵᬢᬹᬢ᭄᭞ᬩ᭄ᬭᬢᬂᬭᬶᬂᬢᬶᬢᬄ᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬓᬯᬵᬱ᭄ᬝᬦᬶᬦ᭄᭞ᬕ᭄ᬮᬶᬩᬕ᭄ᬮᬶᬩᬸᬕ᭄᭞ᬤ᭄ᬫᭂᬦ᭄ᬫᬢᬶᬢᬶᬦ᭄ᬭᬵᬕ᭟ᬭᬾᬄᬲᬂᬦᬸᬮᬸᬂ᭞ᬦᬕᬶᬄᬧᭂᬦ᭄ᬢᬲ᭄ᬭᬶᬓᬳᬸᬮᬸᬂ᭞ᬬᬾᬦ᭄ᬢ᭄ᬯᬭᬓᬵᬃᬬ᭄ᬬᬦᬂ᭞ᬧᬢᬸᬮᬸᬗᬾᬗ᭄ᬭᬳᬸᬦᬶᬂ᭞ᬗᬦ᭄ᬤᭂᬢ᭄ᬳᭂᬗ᭄ᬲᬸᬢ᭄ᬲᬂᬚᬮᬦ᭄ᬢᬦ᭄ᬧᭀ
[ ᭒᭓ 23A]
ᬮᬶᬄᬳᬫ᭄ᬩᬄ᭟ᬧ᭄ᬥᬲ᭄ᬮᬘᬸᬃᬲᬂᬓᬢᬸᬮᬸᬂᬕ᭄ᬮᬶᬲᬦ᭄ᬳᬸᬯᬸᬕ᭄᭞ᬧᬢᬸᬮᬸᬗᬾᬢᬸᬮᬓ᭄᭞ᬫᬸᬮᬶᬄᬓᬕ᭄ᬦᬳᬾᬭᬶᬬᬶᬦ᭄᭞ᬦᬾᬧᬸᬦᬶᬓ᭞ᬫᬗ᭄ᬤᬾᬦ᭄ᬕᭂᬫᭂᬢ᭄ᬫᬫᬶᬦᭂᬳᬂ᭟ᬲᬵᬫ᭄ᬧᬸᬦ᭄ᬲᬵᬫ᭄ᬧᬸᬦ᭄ᬢ᭄ᬯᬭᬲᬭᬵᬢ᭄ᬗᬃᬤ᭄ᬥᬶᬮᬸᬳᬸᬂ᭞ᬦᬾᬳᬕᭃᬂᬦᬾᬩᬦ᭄ᬢᬃ᭞ᬦᬾᬭᬵᬣᬫᬶᬯᬄ
ᬦᬾᬋᬱᬶᬓ᭄᭞ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬭᬯᬸᬄᬧᬢᬸᬮᬸᬗᬾᬜᬕ᭄ᬚᬕ᭄᭟ᬓᬮᬶᬄᬳᬶᬧᬸᬦ᭄ᬫᬸᬲᬸᬄᬢᬲᬓ᭄ᬩᬗ᭄ᬲᬵᬳᬮᬸᬲ᭄᭞ᬢ᭄ᬯᬭᬜᬓ᭄ᬗᬮᬯᬦ᭄᭞ᬭᬱᬵᬫ᭄ᬧᬸᬦ᭄ᬲᬦᬾᬫᬓᬦ᭄ᬢᬶ᭞ᬗᬶᬮᬸᬢ᭄ᬦᬸᬭᬹᬢ᭄᭞ᬭᬶᬂᬲᬦᬾ ᬳᬯᬾᬢ᭄ᬧᬧᬮᬃ᭟ᬳᬤᬵᬢ᭄ᬳᬶᬧᬸᬦ᭄ᬳᬶ
ᬫᬸᬲᬸᬄᬫᬲᬗᬂᬢᬸᬫ᭄ᬧᬸᬂ᭞ᬗᭂᬫ᭄ᬧ᭄ᬭᬕᬶᬦ᭄ᬦᬾᬋᬗᬲ᭄᭞ᬬᬾᬦ᭄ᬳᬍᬧ᭄ᬢ᭄ᬯᬭᬫᬮᬳᬶᬩ᭄᭞ᬢ᭄ᬯᬭᬢᬸᬮᬸᬲ᭄᭞ᬫᬫ᭄ᬘᬸᬓᬂᬕ᭄ᬘᬓ᭄ᬕᭂᬘᬓ᭄᭟ᬦᬾᬧᬸᬦᬶᬓᬸᬮᬶᬦ᭄ᬢᬂᬓᬾᬯᭂᬄᬗᬯᬲ᭄ᬜᬸᬮᬸᬄ᭞ᬬᬾᬦ᭄ᬳᬓᬸᬤᬂᬬᬸᬱᬵ᭞ᬤᬤᬮᬸᬫᬭᬶᬂᬖ᭄ᬦᬶ᭞ᬫᬲᬶᬄᬢ᭄ᬯᬭᬓᬧᭀᬓ᭄ᬫᬜ᭄ᬚᬸᬭᬶᬦ᭄ᬤ
ᬫᬃ᭟ᬲᬸᬩᬧᬵᬢᬹᬢ᭄ᬩᬭᬂᬓᬲᬩᬭᬗᬮᬸᬲ᭄᭞ᬓᬳ᭄ᬬᬸᬦ᭄ᬲᬂᬧᬤᬺᬯᬾᬬ᭞ᬓᬗᭂᬦᬾᬭᬶᬂᬩᬭᬂᬩ᭄ᬘᬶᬓ᭄᭞ᬩᬭᬂᬓᬲᬃᬢᬦ᭄ᬓᬮᬶᬗᬸᬯ᭄ᬬᬤᬶᬦ᭄ᬢᭂᬮᬲ᭄᭟᭐᭟ᬧᬸᬄᬲ᭄ᬫᬭᬦ᭄ᬥᬦᬵ᭚᭜᭚ᬲ᭄ᬫᬭᬦ᭄ᬥᬦᬵᬢᭂᬫ᭄ᬩᬂᬚᬯᬶ᭞ᬳᬗ᭄ᬕᬾᬦ᭄ᬫᬢᬶᬫ᭄ᬩᬮᬂᬓᬦ᭄ᬥ᭞ᬧᬓᬾᬮᬶᬂᬧᬶ
Kaca:Bali-lontar-gaguritan-prasrddha-niti-300ppi.pdf/23
Kaca puniki sampun kauji-wacén
