Kaca:Bali-lontar-gaguritan-prasrddha-niti-300ppi.pdf/20

Saking Wikisource
Kaca puniki sampun kauji-wacén

[ ᭑᭙ 19B]
᭑᭙
᭞ᬚᬦ᭄ᬫᬵ᭟ᬲᬢ᭄ᬬᬦᬾᬫᬓᬸᬋᬦᬦ᭄᭞ᬬᬤ᭄ᬬᬦ᭄ᬲᬮᬶᬂᬩᬗ᭄ᬕ᭄ᬭᬲᬶᬦ᭄᭞ᬫᬲᬶᬄᬩᬋᬂᬗᬚᬗ᭄ᬮᭀᬤ᭄᭞ᬩᬋᬗᬶᬥᬸᬧ᭄ᬩᬋᬂᬩᬋᬂᬚ᭄ᬭᭀᬦᬶᬗᬧᬶ᭞ᬢ᭄ᬯᬭᬵᬧᬲᬄᬘᬭᬢ᭄ᬘᬸᬭᬸᬢ᭄᭞ᬳᬭᬗᬦᬓᬾᬯᬶᬓᬦ᭄᭞ᬫᬲᬗᬶᬦ᭄ᬧᬧᬲᬄᬫᬦ᭄ᬥᬶ᭞ᬫᬗ᭄ᬕᬯᬾᬦᬂ᭞ᬫ
ᬗ᭄ᬤᬦ᭄ᬜᬲᬶᬤ᭄ᬥᬜᬧ᭄ᬬᬦ᭄᭟ᬬᬤᬶᬦ᭄ᬲᬶᬤ᭄ᬥᬶᬳᬲᬓ᭄ᬱᬡᬵ᭞ᬤᬸᬭᬸᬂᬢᬸᬢᬸᬕ᭄ᬯᬦᭂᬂᬓᬲᬶᬄ᭞ᬓ᭄ᬭᬡᬳᬾᬯᭂᬄᬫᬫᬸᬥ᭄ᬬᬂ᭞ᬫ᭄ᬮᬄᬍᬫᭂᬲᬳᬶᬳᬸᬓᬶᬄ᭞ᬫᬲᬶᬄᬢᭀᬂᬤᬤᬶᬤᬤᬶ᭞ᬧᬶᬦᭂᬄᬢᬸᬬᬸᬄᬗᬮᬶᬄᬩᬦ᭄ᬢᬸ᭞ᬩᬦ᭄ᬢᬸᬦᬾᬯᬃᬱ᭄ᬡᬤ᭄ᬯᬵ᭞ᬫᬧᬲᬗ᭄ᬓᬦ᭄ᬮᬸᬄᬫ᭄ᬯ
ᬦᬶ᭞ᬲᬢ᭄ᬬᬢᬸᬳᬸ᭞ᬢ᭄ᬯᬭᬢᬳᬾᬦ᭄ᬮᬶᬮᬶᬜᭀᬓᬦ᭄᭟ᬓᬵᬮᬶᬄᬢ᭄ᬯᬭᬦᬕᬶᬄᬳᬧ᭞ᬯᬦ᭄ᬢᬄᬫᬶᬲᬤ᭄ᬬᬦᬸᬮᬸᬗᬶᬦ᭄᭞ᬜᬸᬓᬾᬦᬶᬦ᭄ᬓᬭᬂᬧᬧᭂᬗ᭄ᬓᬲ᭄᭞ᬬᬾᬦ᭄ᬯᬦ᭄ᬢᬄᬲᬭᬵᬢ᭄ᬦᬶᬦ᭄ᬤᬓᬶᬦ᭄᭞ᬢ᭄ᬯᬭᬓᬶᬭᬂᬧᬕᬶᬭᬶᬕ᭄᭞ᬢᬸᬃᬧᬓᬓᬲ᭄ᬓᬭᬶᬮ᭄ᬬᬸ᭞
ᬦᬗ᭄ᬫᬲᬃᬳ᭄ᬮᬲ᭄᭞ᬢ᭄ᬯᬭᬶᬗᬶᬢᬸᬂᬧᬢᬶ᭞ᬩᬦᬶᬢᬸᬬᬸᬄ᭞ᬩᬦᬶᬢᬸᬬᬸᬄ᭞ᬩᬦᬶᬫᬓᭂᬦ᭄ᬢᬫᬕ᭄ᬭᬶ᭟ᬫᬮᬶᬄᬫᬮᬶᬄᬧᬗᬮᬶᬄᬜ᭞ᬬᬾᬦ᭄ᬳᬦ᭄ᬤᬾᬫᬸᬲᬸᬄᬳᬲᬶᬓᬶ᭞ᬩᬶᬱᬗᭂᬫ᭄ᬧ᭄ᬭᬕ᭄ᬩᬶᬱᬦ᭄ᬤᭀᬕ᭄ᬤᭀᬕ᭄᭞ᬩᬶᬱᬗ᭄ᬭᬾᬂᬫᬦ᭄ᬮᬶᬓᬶᬦ᭄᭞ᬢᬸᬭᬶᬦ᭄ᬩᬶᬱᬗᬚᬓᬶᬦ᭄᭞ᬫᬲᬯᬶᬢ᭄ᬭᬗ
[ ᭒᭐ 20A]
ᬮᬸᬲ᭄ᬳᬮᬸᬲ᭄᭞ᬩᬶᬱᬗᬓᬸᬧᬧᭀᬮᭀᬲᬦ᭄᭞ᬫᬮᬶᬄᬩᬶᬱᬗᬯᭂᬯᭂᬳᬶᬦ᭄᭞ᬦᬾᬧᬸᬦᬶᬓᬸ᭞ᬫᬗ᭄ᬤᬾᬩᬶᬱᬗᬬᬢ᭄ᬦᬬᬂ᭟ᬯᬶᬭᬾᬄᬓᬢᬄᬲᬲᬸᬗ᭄ᬮᬧᬦ᭄᭞ᬬᬦ᭄ᬓᬸᬭᬂᬧᬗᬚᬸᬕ᭄ᬩᭂᬘᬶᬓ᭄᭞ᬫᬸᬲᬸᬳᬾᬧᭀᬮᬶᬄᬧᬧᭂᬗ᭄ᬓᬲ᭄᭞ᬲᬬᬦ᭄ᬕᬮ
ᬓ᭄‌ᬗᬫᬭᬦᬶᬦ᭄᭞ᬭᬾᬄᬧᭀᬮᬶᬄᬕ᭄ᬦᬄᬩ᭄ᬘᬶᬓ᭄᭞ᬫᬲᬗᬶᬤᬦ᭄ᬧ᭄ᬭᬬᬗ᭄ᬚᬸᬓ᭄᭞ᬲᬭᬢ᭄ᬜᬤ᭄ᬬᬫᬦ᭄ᬢᬶᬕᬂ᭞ᬢ᭄ᬯᬭᬲᬸᬭᬸᬤ᭄ᬫᬜ᭄ᬚᬸᬕᬶᬦ᭄᭞ᬧᬧᬲᬗᬦ᭄ᬜᬦᬾᬫᬲᬶᬄᬧᭂᬦ᭄ᬢᬲ᭄᭟ᬫ᭄ᬩᭂᬮᭀᬕ᭄‌ᬫ᭄ᬩᭂᬮᭀᬕ᭄ᬳᬶᬓᬢᬸᬦᬦ᭄᭞ᬫᬶᬗᬸᬂᬫᬶᬗᬸᬗᬂ
ᬳᬶᬧᬸᬮᬶᬂ᭞ᬩᬶᬱᬦᬗ᭄ᬓᭂᬚᬸᬢᬂᬫᬭᬲ᭄᭞ᬓ᭄ᬭᬡᬵᬓ᭄ᬯᬾᬄᬫᬫᬶᬦᭂᬳᬶᬦ᭄᭞ᬬᬾᬦ᭄ᬫᬤᬲᬃᬓᬓᬮᬶᬄ᭞ᬢᬦ᭄ᬯᬗ᭄ᬤᬾᬗᬯᬂᬣᬧᬸᬢᬸᬂ᭞ᬲᬢ᭄ᬦᬶᬗ᭄ᬕᬮᬂᬲᬜ᭄ᬚᬢᬵ᭞ᬫᬗᬮᬳᬶᬦ᭄ᬫᬸᬲᬸᬄᬗ᭄ᬕᬶᬢᬶᬓ᭄᭞ᬬᬤᬶᬦᭂᬫ᭄ᬩᬸᬂ᭞ᬫᬗ᭄ᬤᭀᬄᬧ᭄ᬭᬬᬫᬫᬶᬮᬭ᭟ᬧᬸᬦᬶᬓᬋᬲᭂᬧ᭄ᬋᬲᭂᬧᬂ
ᬲᬵᬫ᭄ᬧᬸᬦ᭄‌ᬗᬦ᭄ᬢᭀᬲ᭄ᬧᬮᬶᬂᬧᬮᬶᬂ᭞ᬗᬾᬮᬶᬗᬶᬦ᭄ᬧᬧᬲ᭄ᬢᬾᬦ᭄ᬫᬦᬄ᭞ᬦᬾᬫᬯᬵᬱ᭄ᬝᬫᬸᬲᬸᬄᬚᬢᬶ᭞ᬫᬶᬯᬄᬦᬾᬫᬳᬤᬦ᭄ᬓᬦ᭄ᬢᬶ᭞ᬭᬾᬄᬓᬢᬫ᭄ᬧ᭄ᬯᬦ᭄ᬧ᭄ᬯᬬᬵᬗᬸᬕᬸ᭞ᬗᬸᬕᬸᬦᬾᬚᬢᬶᬭᭀᬯᬂ᭞ᬧᬸᬦᬶᬓᬶᬲᬤ᭄ᬬᬓᬧᬗ᭄ᬕᬶᬄ᭞ᬗ᭄ᬕᬸᬕᬸᬫᬸᬲᬸᬄ᭞ᬢᬦ᭄ᬯᬗ᭄ᬤᬾᬓ