[ ᭑ 1B]
᭑᭞
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬧᬸᬄᬲ᭄ᬫᬭᬦ᭄ᬥᬦᬵ᭚᭜᭚ᬧᬗᬲ᭄ᬢᬯᬦᬾᬭᬶᬂᬯᬶᬥᬶ᭞ᬲᬂᬳ᭄ᬬᬂᬧᬭᬵᬫᬓᬾᬯᬮ᭄ᬬ᭞ᬬᬯᬶᬥᬶᬢᬬᬲᬹᬓ᭄ᬱ᭄ᬫᬦᬾ᭞ᬯᬶᬯᬶᬢᬦ᭄ᬫᬮᬦᬶᬂᬚᬕᬢ᭄᭞ᬲᬂᬳ᭄ᬬᬂᬯ᭄ᬦᬂᬢᬸᬫᬶᬢᬄᬧᬯᬭ
ᬡᬰᬷᬯᬵᬕᬸᬭᬹ᭞ᬪᬝᬵᬭᬚᬕᬢ᭄ᬓᬭᬡᬵ᭟ᬧᬦᬸᬳᬸᬦᬾᬭᬶᬂᬳ᭄ᬬᬂᬯᬶᬥᬶ᭞ᬫᬶᬯᬄᬭᬶᬂᬤᬾᬯ᭄ᬯᬵᬲᬫ᭄ᬬᬦ᭄᭞ᬫᬗ᭄ᬤᬾᬲᬶᬤ᭄ᬥᬓᬭᬳᬬᭀᬦ᭄᭞ᬭᬶᬗᬸᬭᬸᬧ᭄ᬢ᭄ᬓᬦᬶᬂᬧ᭄ᬚᬄ᭞ᬢᬦ᭄ᬓᬢᬫᬦ᭄ᬤᬹᬃᬰᬶᬮᬵ᭞ᬲᬯᭂᬗ᭄ᬓᬸᬦᬵᬕᬭᬩ
ᬥᬸᬂ᭞ᬢᭂᬢᭂᬧᬾᬦ᭄ᬫᬓᬯᬶᬃᬬ᭄ᬬᬦ᭄᭟ᬢᬦ᭄ᬲᬓᬶᬂᬯᬶᬓᬦ᭄ᬫᬗᬸᬭᬶᬢ᭄᭞ᬢᬢᭂᬫ᭄ᬩᬗᬦ᭄ᬲ᭄ᬫᬭᬦ᭄ᬥᬦ᭞ᬗ᭄ᬳᬶᬂᬢᭂᬫ᭄ᬩᬂᬲᬸᬭᬓᬃᬣᬦᬾ᭞ᬪᬱᬩᬮᬶᬘᬘᬫ᭄ᬧᬸᬭᬦ᭄᭞ᬘᬭᬶᬢᬓᬓ᭄ᬢᬸᬲᬦ᭄᭞ᬲᬓᬶᬂᬓᭀᬚᬭᬦᬶᬂᬢᬸᬢᬹᬃ᭞ᬧ᭄ᬭᬰᬺᬤ᭄ᬥ
ᬦᬶᬢᬶᬯᬱ᭄ᬝᬦ᭄ᬜ᭟ᬓᭀᬘᬧ᭄ᬫᬸᬗ᭄ᬕᬸᬄᬭᬶᬂᬕᬸᬃᬢ᭄᭞ᬲᭀᬮᬄᬢᬶᬗ᭄ᬓᬄᬧᬭᬭᬚᬦᬾ᭞ᬲᬵᬫ᭄ᬧᬸᬦ᭄ᬗᬲ᭄ᬓᬭᬵᬓᬭᬢᭀᬦ᭄᭞ᬫᬯᬵᬱ᭄ᬝᬭᬢᬸᬦᬶᬂᬚᬕᬢ᭄᭞ᬧᬸᬦᬶᬓᬶᬧᬗᬃᬣᬶᬦ᭄ᬜ᭞ᬓᬭᬡᬫᬯᬱ᭄ᬝᬭᬢᬸ᭞ᬭᬵᬢ᭄ᬧᬸᬦᬶᬓᬵᬫ
[ ᭒ 2A]
ᬤᬜ᭄ᬚᬕᬢ᭄᭟ᬢᭀᬦᬾᬫᬯᬵᬱ᭄ᬝᬳᬲᬶᬓᬶ᭞ᬯᬶᬭᬾᬄᬳᬲᬶᬓᬶᬭᬶᬂᬚᬕᬢ᭄᭞ᬫᬮᬶᬄᬳᬃᬣᬶᬦᬾᬓᬧᬶᬦ᭄ᬤᭀᬫᬵᬤᬤ᭄ᬯᬵᬢ᭄ᬧᬗᬯᬓ᭄ᬚᬕᬢ᭄᭞ᬢᭀᬦᬾᬫᬯᬵᬱ᭄ᬝᬢᬸᬗ᭄ᬕᬮ᭄᭞ᬲᬢ᭄ᬬᬯᬘᬦᬵᬲᬢᬸᬳᬸ᭞ᬦ᭄ᬤᬢᬦ᭄ᬳᭀᬯᬄ
ᬭᬶᬂᬯᬘᬦᬵ᭟ᬫᬸᬗ᭄ᬕᬸᬄᬭᬶᬗᬸᬮᬳᬾᬫᬮᬶᬄ᭞ᬦᬾᬫᬗ᭄ᬓᬶᬦ᭄ᬲᬶᬓᬶᬲᬶᬓ᭄ᬬᬂ᭞ᬘᬘᬓᬦ᭄ᬭᬶᬂᬓᬧᬶᬲᬦᬾ᭞ᬳᬲᬶᬄᬭᬶᬂᬯᭀᬂᬤᬭᬶᬤ᭄ᬯᬵ᭞ᬓᬧᬶᬂᬓᬮᬶᬄᬧᬸᬦᬶᬓᬵ᭞ᬳᬲᬶᬄᬭᬶᬂᬓᬯ᭄ᬮᬲ᭄ᬳ᭄ᬬᬸᬦ᭄᭞ᬭᬶᬂᬢᭂᬕᬵᬲᬶᬄᬭᬶᬂᬧᬡ᭄ᬥᬶᬢ᭟ᬧᬶᬂᬧᬢᬾᬪᬵ
ᬓ᭄ᬢᬶᬭᬶᬂᬯᬶᬥᬶ᭞ᬢᬦ᭄ᬮᬸᬧᬵᬭᬶᬂᬧᬹᬚᬵᬫᬦ᭄ᬢ᭄ᬭ᭞ᬫᬶᬯᬄᬭᬶᬂᬓᬧᬶᬂᬮᬶᬫᬦᬾ᭞ᬦᭀᬭᬵᬲᬸᬭᬸᬤᬶᬯᬰᬦᬵ᭞ᬭᬶᬂᬓᬧᬶᬂᬦᭂᬫ᭄ᬧᬸᬦᬶᬓ᭞ᬧ᭄ᬭᬢᬶᬗ᭄ᬓᬳᬾᬗ᭄ᬕᬯᬾᬳᬢᬹᬢ᭄᭞ᬩᬮᬦᬾᬬᬦ᭄ᬫᬲᬯᬮᬦ᭄᭟ᬓᬧᬶᬂᬧᬶᬢᬸᬦᬾᬲᬫᬮᬶᬄ᭞ᬫᬜᭂᬍ
ᬳᬶᬤ᭄ᬲᬃᬯ᭄ᬯᬪᬵᬮ᭞ᬫᬗᬸᬦᬶᬗᬶᬦ᭄ᬲᬓᬢᬳᬾ᭞ᬧᬶᬂᬓᬸᬢᬸᬲᬾᬫᬗᭂᬦᬓᬂᬫᬦᬳᬶᬂᬯᬤ᭄ᬯᬤᬵᬮ᭞ᬢ᭄ᬓᬾᬗᬦᬓ᭄ᬭᬩᬶᬦ᭄ᬤᬶᬧᬸᬦ᭄᭞ᬫᬾᬗ᭄ᬤᬧᬥᬲᬸᬓᬮᬷᬮᬵ᭟ᬧᬶᬂᬲ᭄ᬬᬦᬾᬫᬗᬃᬬ᭄ᬬᬦᬶᬦ᭄᭞ᬯᬶᬦᬹᬳᬶᬂᬫᬺᬢ᭄ᬢᬲᬓᬵᬮ᭞ᬧᬗ
Kaca:Bali-lontar-gaguritan-prasrddha-niti-300ppi.pdf/2
Kaca puniki sampun kauji-wacén
