[ ᭑᭖ 16B]
᭑᭖᭞
ᬦ᭄᭟ᬲᬓᬶᬂᬢᬸᬬᬸᬄᬲᬓᬶᬂᬲᬭᬵᬢ᭄ᬲᬓᬶᬂᬓᬸᬓᬸᬄ᭞ᬲᬓᬶᬂᬧᬗ᭄ᬮᬮ᭄ᬯᬦ᭄᭞ᬲᬓᬶᬂᬢ᭄ᬯᬵᬕᬯᬶᬦᬫᬵᬢᬶ᭞ᬩᬶᬮᬶᬄᬩᬶᬮᬶᬄᬯᬾᬦ᭄ᬢᭂᬦ᭄ᬕᬢ᭄ᬭᬵᬓᬭᬳ᭄ᬬ᭄ᬯᬦ᭄᭟ᬘᬸᬢᭂᬢ᭄ᬳᬶᬧᬸᬦ᭄ᬬᬾᬦ᭄ᬲᬵᬫ᭄ᬧᬸᬦ᭄ᬲᬶᬤ᭄ᬥᬫᬢᬸᬓ᭄ᬢᬸᬓ᭄᭞ᬧᬧᬶᬦ᭄ᬢ᭄ᬬᬦ᭄ᬧᬸᬦᬶᬓ
ᬤᬤᭀᬲ᭄ᬗᬧᬸᬓᬶᬂᬲᭀᬂᬓ᭄ᬦᬶᬓ᭄᭞ᬤᬤᭀᬲ᭄ᬓᬸᬓᬸᬄᬢᬦ᭄ᬕᬫ᭄ᬩᬄᬧᬸᬦ᭄ᬢᬕ᭄ᬧᬦ᭄ᬢᬶᬕᬂ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬫᬗ᭄ᬕᬶᬳᬂᬩᬜᬓ᭄ᬳᬸᬦ᭄ᬢᬸᬂ᭞ᬯᬵᬱ᭄ᬝᬦ᭄ᬜᬧᬸᬦᬶᬓ᭞ᬢᬦ᭄ᬓᬗ᭄ᬕᭀᬫᬧᭀᬬᬂᬧᬬᬂ᭞ᬗᬶᬢᬸᬂᬓᬺᬢ᭄ᬢᬤ᭄ᬯᬵᬧᬭᬓᬮᬶᬲᬗ᭄ᬳᬭᬵ᭟ᬲᬵᬫ᭄ᬧᬸᬦ᭄ᬧᬸᬧᬸ
ᬢ᭄ᬧᬗᬯᬶᬓᭀᬚᬭᬦ᭄ᬢᬸᬢᬸᬃ᭞ᬦᬵᬗ᭄ᬳᬶᬂᬲᬵᬫ᭄ᬧᬸᬭᬬᬂ᭞ᬓᬯᬶᬢᬶᬯᬲ᭄ᬢᬸᬦᬵᬩᬸᬤ᭄ᬥᬶ᭞ᬩᭀᬬᬲᬓᬶᬂᬕᬫ᭄ᬧᬂᬢᬶᬗ᭄ᬓᬄᬉᬢ᭄ᬢᬫᬵ᭟ᬲᬓᬶᬗᭂᬜᬸᬤ᭄ᬓᬾᬯᬮᬗᬦ᭄ᬢᭂᬦᬶᬦ᭄ᬳᬸᬦ᭄ᬤᬸᬓ᭄᭞ᬓᬢᬸᬢᬸᬭᬦ᭄ᬮᬯᬲ᭄᭞ᬢᬶᬗ᭄ᬓᬄᬭᬢᬸᬗᬸᬦᬶᬗᬹ
ᬦᬶ᭞ᬫᬗ᭄ᬤᭀᬄᬚᬕᬶᬤᬤᭀᬲ᭄ᬫᬢᬶᬭᬸᬳᬫ᭄ᬥ᭟ᬳᬮᬲ᭄ᬫᬗ᭄ᬕᬸᬄᬫᬦᬳᬾᬕᬮᬗᬲ᭄ᬫᬢ᭄᭞ᬲᬸᬩᬫᬵᬤᬦ᭄ᬲᬤ᭄ᬬ᭞ᬦᬸᬫᬤᬶᬭᬶᬂᬫᬲᬦ᭄ᬓᬮᬶ᭞ᬢᬸᬭᬶᬦ᭄ᬳᬓᬾᬄᬗᬤᬸᬢ᭄ᬩᬶᬩᬶᬢ᭄ᬓᬢᬫ᭄ᬩᭂᬢᬦ᭄᭟ᬤᬸᬓᬾᬧᬸᬧᬸᬢ᭄ᬓᬲᬹᬭᬵ
[ ᭑᭗ 17A]
ᬢ᭄ᬭᬶᬂᬯ᭄ᬓᬶᬦ᭄ᬳᬶᬧᬸᬦ᭄᭞ᬘᭀᬫᬫᬦᬶᬲ᭄ᬪᬵᬮ᭞ᬧᬹᬃᬡ᭄ᬦᬫᬦᬶᬂᬓᬧᬵᬢ᭄ᬰᬰᬶᬄᬇᬰᬓᬵᬦᬾᬮᬶᬫᬵᬮᬶᬓᬸᬃᬲᬗᬵᬲᬢᬓ᭄᭚᭜᭚ᬇᬢᬶᬓᬶᬤᬸᬂᬦᬶᬣᬶᬭᬵᬚᬰᬰᬡᬲᬫᬧ᭄ᬢᬵ᭞ᬧᬶᬢᬸᬭᬸᬦ᭄ᬲᬓᬶᬂᬰᬵᬲ᭄ᬢ᭄ᬭᬗᬸᬦᬶᬗᬹᬦᬶ᭚᭜᭚ᬧᬸᬄ
ᬫᬶᬚᬶᬮ᭄᭚᭜᭚ᬕᬶᬭᬂᬫᬶᬮᬸᬫᬮᬚᬄᬫᬗ᭄ᬕᬸᬭᬶᬢ᭄᭞ᬜᬮᬶᬫᬸᬭᬂᬳᬸᬯᭀᬦ᭄᭞ᬲ᭄ᬓᬃᬧᬫᬶᬚᬶᬮ᭄ᬚᬯᬶᬢᭂᬫ᭄ᬩᬗᬾᬫᬗᭂᬓᭂᬢᬾᬤᬵᬱᬢᬸᬭᬄᬩᬮᬶ᭞ᬳᬗ᭄ᬕᬾᬳᬲᬮ᭄ᬜᬭᬶᬓ᭄᭞ᬗᬸᬮᬄᬲᬶᬤ᭄ᬥᬤᬸᬭᬸᬲ᭄᭟ᬯᬶᬭᬾᬄᬤᬸᬭᬸᬂ
ᬧᬢᬶᬘᬘᭂᬧ᭄ᬳᬸᬦᬶᬂ᭞ᬭᬶᬂᬘᬦ᭄ᬤᬓᬦ᭄ᬭᬯᭀᬲ᭄᭞ᬗᬦ᭄ᬥᬶᬫᬗ᭄ᬤᬾᬦ᭄ᬳᬦ᭄ᬢᬃᬧᬗᬯᬶᬦᬾ᭞ᬫᭀᬖᬫᭀᬖᬵᬓᬲᬵᬫ᭄ᬧᬸᬭᬳᬸᬕᬶ᭞ᬓᬯᬶᬢᬸᬦᬵᬩᬸᬤ᭄ᬥᬶ᭞ᬓᬭᬶᬩᬗᭂᬢ᭄ᬲᬶᬕᬸᬕ᭄᭟ᬳᬶᬗ᭄ᬕᬶᬄᬳᬸᬗ᭄ᬕᬳᬦᬾ ᬭᬶᬂᬧᬗᬯᬶ᭞ᬢᬦ᭄ᬧᬢᬸᬓ᭄ᬢᬸᬓ᭄
ᬩᭀᬗ᭄ᬓᭀᬮ᭄᭞ᬯᬶᬭᬾᬄᬩᬸᬦ᭄ᬤᭂᬃᬫᬸᬤᭂᬭᬦ᭄ᬭᬸᬧᬵᬦᬾ᭞ᬤᬤᭀᬲ᭄ᬕᭂᬥᬾᬫᬗ᭄ᬕᭂᬓᬶᬦ᭄ᬪᬹᬫᬶ᭞ᬤᬤᭀᬲ᭄ᬧᬸᬋᬢ᭄ᬳᬶᬮᬶᬢ᭄ᬫᬜᬫᬦᬶᬦ᭄ᬢᬸᬗᬸ᭟ᬓᬤᬸᬂᬦᬫᬶᬗ᭄ᬮᬄᬲᬗᬸᬧᬲᬶᬮ᭄᭞ᬫᬲᬶᬄᬢᬓᬶᬮ᭄ᬧᭀᬦ᭄ᬤᭀᬂ᭞ᬫᬢᬫ᭄ᬩ᭄ᬯᬲ᭄ᬜᬭᬾᬢ᭄ᬘᬾᬢ᭄ᬧ
