[ ᭑᭑ 11B]
᭑᭑᭞
ᬦ᭄᭞ᬗᬭᬕᬬᬗᬱ᭄ᬝᬵᬤᬾᬯᬢᬵᬦᬾ᭞ᬲᬓᬶᬂᬯᬭᬄᬭᬢᬸᬗᬹᬦᬶᬗᬹᬦᬶ᭞ᬬᭀᬕ᭄ᬬᬢᬸᬢᭂᬦ᭄ᬤᬾᬦᬶᬂᬲᬂᬭᬸᬫᬕᬕᬸᬭᬹ᭟ᬅᬱ᭄ᬝᬵᬤᬾᬯ᭄ᬯᬯᭀᬮᬸᬂᬲᬶᬓᬶ᭞ᬘᬘᬓᬦᬾᬋᬓᭀ᭞ᬇᬦ᭄ᬤ᭄ᬭᬬᬵᬫᬩ᭄ᬭᬸᬡᬓᬹᬯᬾᬭᬦᬾ᭞ᬲᬹᬃᬬ᭄ᬬᬘᬦ᭄ᬤ᭄ᬭ
ᬫᬶᬯᬄᬩᬬᬸᬅᬖ᭄ᬦᬶ᭞ᬩ᭄ᬭᬢᬦ᭄ᬜᬦᬾᬲᬫᬶ᭞ᬧᬸᬦᬶᬓᬭᬶᬦᬗ᭄ᬲᬸᬓ᭄᭟ᬇᬦ᭄ᬤ᭄ᬭᬩ᭄ᬭᬢᬳᬸᬮᬳᬾᬭᬶᬂᬕᬸᬫᬶ᭞ᬗ᭄ᬕᬯᬾᬓᬭᬳᬬᭀᬦ᭄᭞ᬢ᭄ᬭᬗᬾᬫᬦᬶᬯᬓᬂᬤᬦᬵᬦᬾ᭞ᬓᬤᬶᬗᬸᬮᬄᬳ᭄ᬬᬸᬗᬶᬦ᭄ᬤ᭄ᬭᬗᬸᬚᬦᬶᬦ᭄᭞ᬗᬃᬬ᭄ᬬᬦᬶᬦ᭄ᬫᬵᬲ᭄ᬧᬶᬧᬶᬲ᭄᭞ᬦᬸᬮᬸᬗᬶᬯ᭄ᬮᬲ᭄ᬳ᭄ᬬᬸᬦ᭄
᭟ᬬᬵᬫᬩ᭄ᬭᬢᬳᬸᬮᬳᬾᬫᬶᬲᬶᬲᬶᬧ᭄᭞ᬭᬶᬂᬚᬦ᭄ᬫᬵᬫᬫᬸᬭᭀᬦ᭄᭞ᬦᬶᬭᬸᬲᬂᬳ᭄ᬬᬂᬬᬵᬫᬤᬶᬓᬵᬮᬦᬾ᭞ᬫᬫᬶᬥᬡ᭄ᬥᬧᬶᬝᬵᬭᬓᬂᬲᬶᬲᬶᬧ᭄᭞ᬫᬓ᭄ᬭᬫᬢᬦ᭄ᬬᬸᬓ᭄ᬢᬶ᭞ᬫᬸᬮᬄᬲᬲᬃᬲᬸᬲᬸᬃ᭟ᬩ᭄ᬭᬸᬡᬩ᭄ᬭᬢᬳᬸᬮᬳᬾᬲᬫᬮᬶᬄ᭞ᬓᬂᬫᬳᬸᬮᬄᬓᬯᭀᬦ᭄
᭞ᬲᬳᬦᬦᬾᬯᬢᭂᬓ᭄ᬤᬸᬃᬚ᭄ᬚᬦᬵ᭞ᬦᬶᬓᬓᬵᬃᬬ᭄ᬬᬦᬂᬫᬗ᭄ᬤᬾᬦ᭄ᬳᬚ᭄ᬭᬶᬄ᭞ᬫᬗ᭄ᬤᬾᬦ᭄ᬫᬧ᭄ᬕᬦ᭄ᬲᬫᬶ᭞ᬓᬂᬫᬳᬸᬮᬄᬤᬸᬤᬹ᭟ᬓᬹᬯᬾᬭᬵᬩ᭄ᬭᬢᬢᬶᬗ᭄ᬓᬳᬾᬲᬫᬮᬶᬄ᭞ᬗ᭄ᬕᬯᬾᬓᬕᬕᬯᬾᬓ᭄᭞ᬗᬯᬶᬩᬸᬳᬂᬭᬸᬳᬸᬓᬭᬢᭀᬦᬾ᭞ᬗ᭄ᬳᬶᬂᬧᭀᬮᬳᬾ
[ ᭑᭒ 12A]
ᬓᬗᭂᬦᬶᬗ᭄ᬓᬶᬦ᭄ᬬᬸᬓ᭄ᬢᬶ᭞ᬫᬦᬹᬮᬶᬗ᭄ᬳᬶᬂᬗᬚᬶ᭞ᬲᬵᬫᬵᬧᬸᬦ᭄ᬗᬸᬮᬄᬯ᭄ᬢᬸ᭟ᬲᬹᬃᬬ᭄ᬬᬩ᭄ᬭᬢᬧ᭄ᬭᬢᬶᬗ᭄ᬓᬳᬾᬫᬮᬶᬄ᭞ᬗᬶᬲᭂᬧ᭄ᬯᭀᬢᬦ᭄ᬓᬢᭀᬦ᭄᭞ᬢᬦ᭄ᬓᬭᬱᬤᬾᬦᬶᬂᬚᬦ᭄ᬫᬵᬳᬓᬾᬄ᭞ᬢᬸᬃᬢᬦ᭄ᬲᬦᬾᬄᬲᬦᬾᬄᬓᬲᬸᬦᬭᬶᬦ᭄
᭞ᬯᬾᬦ᭄ᬢᭂᬦᬾᬭᬶᬂᬕᬸᬫᬶ᭞ᬫᬓᬧᬥᬧᬦ᭄ᬥᬸᬮᬸ᭟ᬘᬦ᭄ᬤ᭄ᬭᬩ᭄ᬭᬢᬧᭀᬮᬳᬾᬲᬫᬮᬶᬄ᭞ᬫᬶᬢᬸᬤᬸᬳᬶᬦ᭄ᬋᬓᭀ᭞ᬓᬲᬶᬦᬳᬦ᭄ᬭᬶᬂᬢᬸᬦᬩᬸᬥ᭄ᬳᬶ᭞ᬫᬗ᭄ᬤᬯᬾᬢᬶᬲ᭄ᬭᬶᬂᬲᬸᬦ᭄ᬤᬦᬵᬲᬫᬶ᭞ᬲᬸᬥᬦᬵᬦᬾᬚᬢᬶ᭞ᬲᬂᬫᬳᬸᬮᬄᬲᬥᬸ᭟ᬩᬬᬸ
ᬩ᭄ᬭᬢᬧ᭄ᬭᬢᬶᬗ᭄ᬓᬳᬾ ᬫᬮᬶᬄ᭞ᬗᬯᬵᬲ᭄ᬧᬋᬓ᭄ᬳᬤᭀᬄ᭞ᬫᬗ᭄ᬤᬾᬦ᭄ᬳᬸᬦᬶᬂᬭᬶᬗᬮᬵᬳᬬᬸᬦᬾ᭞ᬧ᭄ᬭᬢᬶᬗ᭄ᬓᬳᬾ ᬭᬶᬂᬲᬯᭂᬗ᭄ᬓᬸᬲᬫᬶ᭞ᬬᬤ᭄ᬬᬦ᭄ᬢᬦᬄᬮᬳᬶᬦ᭄᭞ᬩ᭄ᬘᬶᬓ᭄ᬫᬗ᭄ᬤᬾᬯ᭄ᬭᬸᬄ᭟ᬖ᭄ᬦᬶᬩ᭄ᬭᬢᬧᭀᬮᬳᬾᬭᬶᬂᬕᬸᬫᬶ᭞ᬦᬶᬭᬹᬖ᭄ᬦᬶᬫᬸᬭᭀᬦ᭄᭞ᬭᬶᬓᬵ
ᬮᬦᬂᬫᬫᬢ᭄ᬰᬢ᭄ᬭᬸᬦᬾ᭞ᬫᬗ᭄ᬤᬾᬲᬶᬤ᭄ᬥᬲᬵᬫ᭄ᬧᬸᬦᬂᬦ᭄ᬮᬶᬲ᭄᭞ᬫᬦᬄᬳᬶᬯᬤ᭄ᬯᬵᬮᬶᬢ᭄᭞ᬫᬫᬗ᭄ᬕᬶᬄᬭᬳᬬᬸ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬓᬯᭀᬮᬸᬂᬲᬶᬓᬶ᭞ᬬᬦ᭄ᬲᬵᬫ᭄ᬧᬸᬦ᭄ᬓᬮᬓᭀᬦ᭄᭞ᬚᬕᬢ᭄ᬓᬺᬢ᭄ᬢᬭᬳᬬᬸᬨᬮᬦᬾ᭞ᬯ᭄ᬯᬦ᭄ᬢᭂᬦ᭄ᬫᬮᬶᬄᬓᭀᬚᬭᬦ᭄ᬯᬶ
