[ ᭑᭐ 10B]
᭑᭐᭞
ᬦ᭄ᬥᬸᬭᬦ᭄ᬢᬦ᭄ᬕᬶᬗ᭄ᬲᬶᬃ᭞ᬫᬵᬤᬦ᭄ᬰᬹᬭᬵᬳᬭᬶᬭᬣ᭟ᬤᬵᬫᬫᬳᬵᬭᬣᬓᭀᬘᬧ᭄ᬫᬮᬶᬄ᭞ᬭᬢᬸᬓᭂᬦ᭄ᬤᭀᬦ᭄ᬫᬸᬲᬸᬄᬗ᭄ᬮᬭᬕ᭄᭞ᬫᬘᬫ᭄ᬧᬸᬄᬧ᭄ᬭᬭᬫᬾ᭞ᬭᬢᬸᬦᬾᬧᬕᭂᬄᬗᬫᬸᬓ᭄᭞ᬓᬭᬸᬲᬓᬦ᭄ᬢᬸᬗ᭄ᬕᬗᬦ᭄ᬓᬭᬶ᭞ᬕᬮᬓ᭄ᬗᬫᬸᬓ᭄ᬫᬘᬭ
ᬢ᭄᭞ᬫᬢᬶᬲᬋᬂᬫᬸᬲᬸᬄ᭞ᬳᬯᭀᬃᬤᬶᬢ᭄ᬗᬄᬧᬬᬸᬤ᭄ᬥᬦ᭄᭞ᬦᬾᬧᬸᬦᬶᬓᬲᭀᬮᬄᬭᬢᬸᬦᬾᬭᬶᬂᬚᬸᬭᬶᬢ᭄᭞ᬫᬤᬦ᭄ᬥᬫᬵᬫᬭᬢ᭟ᬚᬬᬵᬓ᭄ᬭᬫᬫᬳᬵᬭᬣᬫᬮᬶᬄ᭞ᬫᬲᬶᬄᬢᬶᬗ᭄ᬓᬄᬭᬢᬸᬦᬾᬓᭂᬦ᭄ᬤᭀᬦᬦ᭄᭞ᬓᬢ᭄ᬓᬦᬦ᭄ᬫᬸᬲᬸᬄᬳᬓᬾᬄ᭞
ᬫᬗᬤᬸᬲᬲᬸᬭᬸᬦ᭄᭞ᬓᬂᬓᬮᬭᬕ᭄ᬓᬲᭀᬃᬫᬕᬸᬢᬶᬦ᭄᭞ᬫᬸᬲᬸᬳᬾᬫᬜᬚᬬᬂ᭞ᬫᬫᭀᬭᭀᬤ᭄ᬫᬤᭂᬫ᭄ᬧᬸᬄ᭞ᬫᬢᬶᬦᬾᬭᬢᬸᬧᬸᬦᬶᬓ᭞ᬰᬹᬭᬵᬥᬶᬭ᭞ᬭᬶᬗᬋᬧᬶᬂᬗᬭᬶᬧᬢ᭄ᬦᬶ᭞ᬚᬬᬵᬓ᭄ᬭᬫᬭᬢ᭟ᬚᬬᬯᬺᬓ᭄ᬱᬶᬗ᭄ᬳᬵᬭᬯ᭞ᬦᬾᬫᬮᬶᬄ᭞
ᬭᬢᬸᬢ᭄ᬓᬾᬦ᭄ᬫᬸᬲᬸᬳᬾᬮᬗ᭄ᬕᬃ᭞ᬭᬶᬂᬓᬲᭀᬭᬦ᭄ᬧᬬᬸᬤ᭄ᬥᬦᬾ᭞ᬳᬦᬵᬓ᭄ᬭᬩᬶᬤᬾᬦ᭄ᬳᬫᬸᬓ᭄᭞ᬩᬶᬗᬄᬩᬶᬗᬸᬄᬧᬶᬓᬶᬭᬦ᭄ᬧᬮᬶᬂ᭞ᬫᬶᬲᬤ᭄ᬬᬫᬢ᭄ᬮᬲᬦ᭄᭞ᬦᬸᬫᬮᬶᬄᬫᬮᬶᬄᬗᬫᬸ᭞ᬫᬢᬶᬦᬾᬭᬢᬸᬧᬸᬦᬶᬓᬵ᭞ᬭᬗ᭄ᬓᬸᬂᬦᬶᬱ᭄ᬝᬵ᭞ᬓᬲᬲᬃ
[ ᭑᭑ 11A]
ᬦᬸᬳᬸᬢᬂᬧᬮᬶᬂ᭞ᬓᭀᬚᬭᬶᬂᬥᬃᬫ᭄ᬫᬬᬸᬤ᭄ᬥ᭟ᬚᬮᬵᬓᬰᬮᬵᬲ᭄ᬢ᭄ᬭᬦᬾᬫᬮᬶ᭞ᬢᬶᬗ᭄ᬓᬄᬭᬢᬸᬓᬤᬢᭂᬗᬦ᭄ᬧ᭄ᬭᬂ᭞ᬫᬶᬢᬳᭂᬦ᭄ᬧ᭄ᬭᬬᬓᬲᭀᬭᬾ᭞ᬳᬦᬓ᭄ᬩᬶᬦᬶᬢᭂᬩᬸᬤᬸᬄ᭞ᬜᬤ᭄ᬬᬦ᭄ᬫᬗ᭄ᬤᬾᬦ᭄ᬢᬸᬫ᭄ᬧᬸᬭᬦ᭄ᬲᬫᬶ᭞ᬮᬭᬶᬲ᭄ᬫᭂᬲ᭄ᬯᬶᬦ᭄ᬫᬧᬕ᭄᭞ᬫ
ᬫᬕᬸᬢᬶᬦ᭄ᬫᬸᬲᬸᬄ᭞ᬯᬳᬸᬧᭀᬮᬶᬄᬳᬓᬺᬩ᭄ᬬᬓᬦ᭄᭞ᬕ᭄ᬮᬶᬲ᭄ᬮᬾᬫ᭄ᬧᬾᬃ᭞ᬳᬶᬗᭂᬢ᭄ᬧᬶᬢᬺᬱ᭄ᬡᬭᬶᬗᬸᬭᬶᬧ᭄᭞ᬳᬶᬘᬮ᭄ᬢᬸᬃᬫᬸᬭᬸᬂᬫᬸᬭᬂ᭟ᬚᬬᬓᬯᬦ᭄ᬥᬵᬓᬵᬃᬣᬦᬾᬫᬮᬶᬄ᭞ᬢ᭄ᬳᭂᬃᬢᬶᬗ᭄ᬓᬄᬓᬢ᭄ᬓᬦᬦ᭄ᬧ᭄ᬭᬂ᭞ᬳᬓ᭄ᬭᬩ᭄ᬬᬓᬦ᭄ᬧᬗ᭄ᬮᬯᬦᬾ᭞ᬚ᭄ᬭᬶᬄᬮᬯᬸ
ᬢ᭄ᬲᭀᬃᬦᬸᬗ᭄ᬓᬸᬮ᭄᭞ᬫᬲᬶᬄᬳᬶᬦᬵᬓᭀᬚᬭᬶᬗᬚᬶ᭞ᬘᬘᬓᬦ᭄ᬥᬃᬫ᭄ᬫᬬᬸᬤ᭄ᬥ᭞ᬓᬸᬭᬂᬩᭀᬩᭀᬢ᭄ᬳᬶᬧᬸᬦ᭄᭞ᬫᬲᬶᬄᬢᬸᬗ᭄ᬕᬶᬮ᭄ᬭᬶᬂᬧᬢᬧᬵ᭞ᬯᬦ᭄ᬢᬄᬳᬭᬂ᭞ᬚᬦ᭄ᬫᬵᬦᬾᬲᬤ᭄ᬬᬫᬗ᭄ᬓᬶᬳᬶᬦ᭄᭞ᬫᬢᬶᬦᬾᬫᬉᬢ᭄ᬢᬫᬵ᭚᭜᭚ᬧᬸᬄᬫᬶᬚᬶᬮ᭄᭚᭜᭚ᬲᬵᬫ᭄ᬧᬸᬦ᭄ᬜ
ᬦ᭄ᬤᬂᬢᭂᬫ᭄ᬩᬗᬶᬦ᭄ᬧᬫᬶᬚᬶᬮ᭄᭞ᬧᬕᭂᬦ᭄ᬢᭀᬲᬾᬋᬓᭀ᭞ᬕᭂᬦ᭄ᬤᬶᬂᬘᬭᬭᬶᬂᬲᬹᬭᬵᬓᬃᬣᬦᬾ᭞ᬳᬗ᭄ᬕᬾᬦ᭄ᬗᬍᬗ᭄ᬓᬭᬬᬂᬧᬗᬯᬶ᭞ᬦᬾᬫᬸᬗ᭄ᬕᬸᬄᬭᬶᬗ᭄ᬕᬸᬭᬶᬢ᭄᭞ᬳᬗ᭄ᬕᬾᬳᬗ᭄ᬕᬾᬦ᭄ᬭᬢᬸ᭟ᬅᬱ᭄ᬝᬵᬩ᭄ᬭᬢᬧᬵᬢᬸᬢ᭄ᬓᬓᬸᬓᬸᬳᬶᬦ᭄᭞ᬫᬗ᭄ᬤᬾᬦᬾᬓᬮᬓᭀ
Kaca:Bali-lontar-gaguritan-prasrddha-niti-300ppi.pdf/11
Kaca puniki sampun kauji-wacén
