[ ᭙ 9B]
᭙᭞
ᬫᬶᬭᬶᬂᬧᬢᬶ᭞ᬮᬯᬲ᭄ᬫᬲᬗᬸᬯᬶᬭᬂ᭟ᬥᬃᬫ᭄ᬫᬵᬬᬸᬤ᭄ᬥᬦᬾᬳᬸᬘᬧᬂᬫᬮᬶᬄ᭞ᬢᬢᬶᬗ᭄ᬓᬳᬦ᭄ᬭᬢᬹᬫᬕᬸᬢ᭄ᬬᬸᬤ᭄ᬥ᭞ᬫᬸᬗ᭄ᬕᬸᬄᬭᬶᬂᬲᬮᬄᬧᬵᬢᬹᬢᬾ᭞ᬦᬶᬱ᭄ᬝᬵᬉᬢ᭄ᬢᬫᬦ᭄ᬳᬶᬧᬸᬦ᭄᭞ᬘᬘᬓᬦᬾᬱᬗ᭄ᬓᬦ᭄ᬯᬶᬮᬗᬶᬦ᭄᭞ᬲᬶᬓᬶᬲᬶᬗ᭄ᬳᬵᬫᬭᬣ᭞ᬭᬶᬂᬓ
ᬧᬶᬂᬭᭀᬦ᭄ᬳᬶᬧᬸᬦ᭄᭞ᬫᬵᬤᬦ᭄ᬲᬹᬭᬵᬫᬳᬵᬭᬣ᭞ᬓᬧᬶᬂᬢᬶᬕᬵ᭞ᬚᬬᬫᬭᬵᬣᬵᬦᬾᬫᬮᬶᬄ᭞ᬧᬢ᭄ᬧᬵᬢ᭄ᬰᬹᬭᬵᬰ᭄ᬭᬶᬭᬵᬣ᭟ᬓᬧᬶᬂᬮᬶᬫᬫᬭᬢᬾᬓᬶ᭞ᬧᬶᬂᬦᭂᬫ᭄ᬚᬬᬵᬓ᭄ᬭᬫᬫᬳᬵᬭᬣ᭞ᬚᬬᬵᬯ᭄ᬭᬓ᭄ᬱᬶᬦ᭄ᬳᬵᬭᬣᬦᬾ᭞ᬧᬸᬦᬶᬓᬓᬧᬶᬂ
ᬧᬶᬢᬸ᭞ᬓᬧᬶᬂᬯᭀᬮᬸᬓᬳᬸᬘᬧ᭄ᬫᬮᬶᬄ᭞ᬭᬶᬂᬚᬗᬓᬲᬮᬵᬲ᭄ᬢ᭄ᬭ᭞ᬓᬧᬶᬂᬲ᭄ᬬᬦ᭄ᬳᬶᬧᬸᬦ᭄᭞ᬭᬶᬚᬬᬓᬧᬥᬓᬵᬃᬣ᭞ᬦᬾᬳᬲ᭄ᬬ᭞ᬢ᭄ᬮᬸᬘᬘᬤ᭄ᬦᭂᬫ᭄ᬦᭂᬫᬾᬩ᭄ᬘᬶᬓ᭄᭞ᬓᬲᬸᬩ᭄ᬫᬤᬦ᭄ᬉᬢ᭄ᬢᬫᬵ᭟ᬫᬮᬶᬄᬧᬶᬥᬃᬣᬦ᭄ᬜᬲᬶᬓᬶᬲᬶᬓᬶ᭞ᬦᬾᬫᬯᬵᬱ᭄ᬝ
ᬲᬶᬗ᭄ᬳᬵᬫᬳᬵᬭᬣ᭞ᬭᬢᬸᬓᬢ᭄ᬓᬦ᭄ᬫᬸᬲᬸᬳᬾ᭞ᬥᬶᬭᬵᬗᬫᬹᬓ᭄ᬢᬦ᭄ᬲᬸᬭᬸᬤ᭄᭞ᬧᬕᭂᬄᬜᬤ᭄ᬬᬗᬯᬗᬸᬦ᭄ᬓᬺᬢᬶ᭞ᬗᬸᬗ᭄ᬲᬶᬧᬥᬉᬢ᭄ᬢᬫ᭞ᬓᬲᭀᬃᬫᬕᬸᬢ᭄ᬫᬸᬲᬸᬄ᭞ᬫᬢᬶᬦᬾᬭᬶᬂᬢᬸᬢᬸᬗ᭄ᬕᬗᬦ᭄᭞ᬦᬾᬧᬸᬦᬶᬓ᭞ᬲᭀᬮᬄᬭᬢᬸᬦᬾ
[ ᭑᭐ 10A]
ᬓᬧᬹᬚᬶ᭞ᬫᬤᬦ᭄ᬲᬶᬗ᭄ᬳᬵᬫᬭᬣ᭟ᬰᬹᬭᬵᬫᬳᬭᬣᬦᬾᬫᬮᬶ᭞ᬓᬮᬭᬕ᭄ᬳᬶᬫᬸᬲᬸᬄᬦᭀᬭᬮᬶᬗ᭄ᬕᬃ᭞ᬓᬭᬸᬲᬓ᭄ᬦ᭄ᬢᬸᬭᬗ᭄ᬕᬦᬾ᭞ᬢ᭄ᬓᬢᬦ᭄ᬲᬸᬭᬸᬤ᭄ᬗᬫᬹᬓ᭄᭞ᬗᬸᬗ᭄ᬲᬶᬓᬉᬢ᭄ᬢᬫᬦᬶᬂᬧᬢᬶ᭞ᬫᬢᬶᬂᬓᬭᬶᬭᬵᬣ᭞ᬧᬸᬦᬶᬓᬓᬯᬸᬯᬸ
ᬲ᭄᭞ᬫᬤᬦ᭄ᬰᬹᬭᬵᬫᬳᬵᬭᬣ᭞ᬜᬦ᭄ᬤᬂᬧᬹᬚᬶ᭞ᬧᬸᬦᬶᬓᬢᬸᬯᬶᬧ᭄ᬭᬚᬸᬭᬶᬢ᭄᭞ᬫᬢᬶᬦᬾᬫᬗ᭄ᬕᬶᬄᬲᬵᬤ᭄ᬬ᭟ᬚᬬᬫᬳᬵᬭᬣᬓᭀᬘᬧ᭄ᬫᬮᬶᬄ᭞ᬭᬶᬂᬓᬧᬶᬂᬢᬶᬕᬦᬶᬂᬥᬃᬫ᭄ᬫᬬᬸᬤ᭄ᬥ᭞ᬭᬢᬸᬦᬾᬫᬕᬸᬢ᭄ᬬᬸᬦᬾ᭞ᬤᬶᬭᬵᬦ᭄ᬭᬚᬂᬫᬸᬲᬸᬄ
᭞ᬓᬭᬸᬲᬓᬦ᭄ᬢᬸᬗ᭄ᬕᬗᬦ᭄ᬓᬭᬶ᭞ᬕᬮᬓᬾᬲᬬᬦ᭄ᬫᬸᬦ᭄ᬢᬩ᭄᭞ᬦᬶᬜ᭄ᬘᬧ᭄ᬭᬣᬵᬦ᭄ᬫᬸᬲᬸᬄ᭞ᬧᬭᬸᬓᭂᬢᬾᬫᬳᬸᬤᭂᬭᬦ᭄᭞ᬭᬶᬂᬧᬢᬶᬦᬾ᭞ᬮᬩᬸᬳᬾᬮᬯᬸᬢ᭄ᬦᬶᬦ᭄ᬤᬶᬳᬶᬦ᭄᭞ᬭᬵᬣᬦᬶᬂᬫᬸᬲᬸᬄᬫ᭄ᬦᬂ᭟ᬬᬦ᭄ᬭᬶᬂᬰᬹᬣᬦᬾᬫᬮᬶᬄ᭞ᬳᬸ
ᬬᬄᬭᬢᬸ᭞ᬗᬮᬦᬵᬗ᭄ᬤᭀᬦ᭄ᬬᬸᬤ᭄ᬥ᭞ᬲᬓᬶᬗᬓᬲ᭄ᬧᬗ᭄ᬮᬭᬕᬾ᭞ᬢ᭄ᬓᬃᬲᬳᬲᬵᬗᭂᬩ᭄ᬬᬸᬓ᭄᭞ᬫᬸᬲᬸᬄᬓᬮᬄᬲᬵᬫᬵᬧᬸᬦ᭄ᬓᬮᬶᬦ᭄ᬥᬶᬄ᭞ᬭᬶᬯᬸᬲ᭄ᬫᬯᬱ᭄ᬝᬵᬫ᭄ᬦᬂ᭞ᬫᬸᬲᬸᬳᬾᬫᬗᬶᬩᬸᬮ᭄᭞ᬫᬫ᭄ᬩᬮᬶᬓᬶᬦ᭄ᬫᬦᬭᬚᬂ᭞ᬭᬢᬸᬳᬶᬓᬵ᭞ᬫᬢᬶᬯ
Kaca:Bali-lontar-gaguritan-prasrddha-niti-300ppi.pdf/10
Kaca puniki sampun kauji-wacén
