[᭑᭕ 15B]
᭑᭕
ᬳᬶᬦᬵᬃ᭟᭚᭐᭚ᬤ᭄ᬫᬸᬂ᭚᭐᭚ᬦᬶᬢ᭄ᬬᬲᬶᬭᬵᬦᬗᬹᬦ᭄ᬓᬶᬃᬢ᭄ᬢᬶᬤᬦᬧᬸᬖ᭄ᬬᬭᬶᬓᬵᬮᬯᬾᬂᬭᬢᬬᬸ᭞ᬭᬶᬲᬂᬯᬭᬯᬶᬓᬸᬲᬳᬦᬾᬗᬘ
ᬮᬰ᭄ᬭᬫᬶᬲᬶᬦᬵᬃᬬ᭄ᬬᬘᬗ᭄ᬓ᭄ᬭᬫᬫᬳᬲᬾᬂᬲᬕᬭᬵᬕᬸᬦᬸᬂᬫᬯᬓᬭᬲ᭄ᬢᬶᬦᬄᬕᬭᬸᬗᬶᬯᬸᬦ᭄ᬢᬦ᭄ᬓᬭᬶᬲᬶᬭᬲᬂᬤ᭄ᬬᬄᬦᬯᬂᬯᬸᬮᬦ᭄ᬢᬸᬫᬸᬮ᭄ᬲᬶᬭᬵᬳ
ᬗ᭄ᬭᬵᬧ᭄ᬢᬵᬓᬶᬤᬸᬂ᭞ᬳᬦᬯᬢᬸᬫᬮ᭄ᬯᬵᬭᬤᬶᬦ᭄ᬲᬸᬫᬬᬖᬢᬶᬭᬖᬶᬲᬵᬕᬭᬵᬭᬹᬫ᭄᭞ᬭᬶᬦᭂᬋᬩ᭄ᬦᬶᬂᬢᬭᬸᬳᬲᭀᬓᬳᬲ᭄ᬤᭂᬦ᭄ᬲᬭᬷᬭᬶᬓᬵᬳᬸᬗ᭄ᬯᬦᬶᬭ
ᬳᬮᬶᬗ᭄ᬕᬶᬄᬭᬸᬳᬸᬭᬶᬂᬯᬢᬸᬳᬫᬃᬡ᭄ᬦᬓᬮᬗ᭄ᬯᬦ᭄ᬓᭀᬗᬂᬭᬹᬫ᭄ᬦᬶᬂᬲᬓᬓ᭄ᬱᬶᬭᬶᬲᬶᬮᬸᬓᬶᬗᬘᬮᬵᬮᬗᬹᬭᬶᬦᭂᬗ᭄ᬕᬾᬂᬲᬵᬃᬯ᭄ᬯᬲᬦ᭄ᬢᬸᬦ᭄᭟ᬭᬶᬓᬵᬲᬶᬭᬵ
[᭑᭖ 16A]
᭑᭖
ᬦᬯᬂᬰᬰᬶᬄᬳᬗ᭄ᬭᬘᬦᬮᬗᭂᬦᬶᬂᬲᬓᬘᬓ᭄ᬱᬸᬫ᭄ᬯᬂᬲᬵᬕᬭᬵᬕᬸᬦᬸᬂᬯᬸᬲ᭄ᬢᬶᬦᬢᬦᬶᬭᬾᬂᬕᬸᬭᬶᬢ᭄ᬮ᭄ᬯᬶᬃᬭᬲᬢᬦᬶᬭᬵᬢ᭄ᬘᬶᬢ᭄ᬢᬦᬶᬭᬵᬤ᭄ᬯᬶᬚ
ᬲᬸᬦᬸᬢᬫᬘᬯᬓᬯ᭄ᬬᬦᬶᬭᬵᬤ᭄ᬬᬄᬦᬯᬂᬰᬰᬶᬄᬧᬢᬧ᭄ᬦᬶᬂᬯᬶᬭᬲ᭄ᬢᬦᬶᬦ᭄ᬮ᭄ᬬᬕᬶᬦ᭄ᬮᬭᬶᬂᬓᬭᬲᬮᬗᬹ᭟ᬲᬬᬾᬫ᭄ᬩᭂᬄᬲᬸᬓᬵᬃᬱᬦᬶᬭᬂᬤ᭄ᬯᬶᬚᬧᬸ
ᬢ᭄ᬭᬫᬃᬫᬭᬵᬳᬗ᭄ᬤᬶᬗᬭᬹᬫ᭄ᬥᬹᬄᬥᬥᬶᬫᬵᬲ᭄ᬓ᭄ᬯᬶᬦ᭄ᬤᬸᬂᬫᬗ᭄ᬓ᭄ᬬᬯᬸᬲ᭄ᬮᬶᬗ᭄ᬰᬶᬭᬶᬂᬭᬯᬶᬤᬭᬦ᭄ᬤᬸᬫᬵᬦ᭄ᬢᬸᬓᬵᬫᬦᬯ᭄ᬬᬓᬓᬦ᭄ᬢᬫᬵᬲ᭄ᬓᬸᬳᬾᬃᬋᬦᬗ
ᬚᬧ᭄ᬭᬶᬥᬢᭂᬂᬓ᭄ᬯᬫᬵᬲ᭄ᬓ᭄ᬯᬭᬶᬢᬦᬲᬃᬬ᭄ᬬᬵᬤᬤ᭄ᬮᬸᬫᬫ᭄ᬧᬄᬧ᭄ᬭᬧ᭄ᬢᬂᬕᬺᬳᬭᬫ᭄ᬬᬲᬶᬦᬸᬗ᭄ᬲᬸᬂ᭟ᬯᬶᬦ᭄ᬢᭂᬦ᭄ᬧᬶᬭᬶᬂᬤᬶᬦᬭᬢ᭄ᬭᬶᬤ᭄ᬯᬶᬚᬧᬸᬢ᭄ᬭᬲᬲ᭄ᬯᬢᬵᬦᬸ
