Kaca:Bali-lontar-gaguritan-parwwa-gangsa-450ppi.pdf/78

Saking Wikisource
Kaca puniki sampun kauji-wacén

[᭗᭗ 77B]
᭗᭗
ᬤᬬᬵ᭞ᬓᬂᬮᬸᬗ᭄ᬕᬸᬄᬳᬃᬱᬲᬗᬵᬚᬶ᭞ᬦᭀᬭᬮᬶᬬᬦ᭄‌ᬫᬸᬂᬧᬢᬶᬄᬳᬶᬭᬓᬂᬓᬭ᭄ᬯ᭟ᬓᬂᬧᬗᬸᬮᬸᬩᬶᬱᬾᬓᬦ᭄ᬬ᭞ᬭᬓ᭄ᬭ᭄ᬬᬦ᭄ᬢᬸᬗ᭄ᬕᬸᬮ᭄ᬧᬭᬧᬢᬶᬄ᭞ᬧᬶᬦ᭄ᬢᭂᬃ
ᬮᬯᬸᬢ᭄ᬳᬭᬶᬦᬶᬭ᭞ᬓᬮᬦ᭄ᬬᬭᬭᬲᬦ᭄ᬢᬾᬓᬶ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬯᭀᬂᬧᬦ᭄ᬧᬶ᭞ᬳᬸᬫ᭄ᬥᭂᬓ᭄ᬫᬭᬶᬂᬲᬂᬧ᭄ᬭᬪᬸ᭞ᬲᬃᬯ᭄ᬯᬶᬲᬶᬭᬵᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬤᬾᬯᬰ᭄ᬭᬶᬪᬹᬧᬢᬶ᭞
ᬯᬾᬦ᭄ᬢᭂᬦ᭄‌ᬕ᭄ᬭᭀᬩᬕ᭄ᬯᬳᬸᬭᬸᬦ᭄ᬢᬸᬄᬲᬓᬶᬂᬤᬸᬦ᭄ᬬ᭟ᬲᬂᬦᬵᬣᬳᬭᬶᬲ᭄ᬗᬦ᭄ᬤᬶᬓ᭞ᬳᬾᬄᬧᬢᬶᬄᬢᬸᬗ᭄ᬕᬸᬮ᭄ᬧᬸᬭᬾᬓᬶ᭞ᬮᬸᬗᬳᬵᬲᬶᬭᬤᬾᬦ᭄ᬳᬾᬗ᭄ᬕᬮ᭄᭞ᬳᬸᬗ᭄ᬓᬵ
ᬩ᭄ᬦᬳᬩ᭄ᬮᬵᬕ᭄ᬮᬶᬲ᭄᭞ᬧᬭᬦ᭄ᬳᬶᬲᬶᬦᬾᬓᬂᬧ᭄ᬢᬶ᭞ᬲᬶᬭᬧᬢᬶᬄᬲᬶᬕ᭄ᬭᬫᬢᬸᬃ᭞ᬲᬶᬗ᭄ᬕᬶᬄᬓᬯᬸᬮᬳᬫᬶᬢ᭞ᬲᬂᬦᬵᬣᬗᬦ᭄ᬤᬶᬓᬵᬳᬭᬶᬲ᭄᭞ᬮᬄᬮᬸᬗᬳᬵ

[᭗᭘ 78A]
ᬲᬶᬭᬫᬗ᭄ᬓᬾᬤᬾᬫᬳᬾᬗ᭄ᬕᬮ᭄᭟ᬓᬶᬧᬢᬶᬄᬲᬶᬕ᭄ᬭᬮᬸᬫᬫ᭄ᬧᬄ᭞ᬦᬸᬚᬸᬧᬺᬦᬄᬢᬩ᭄ᬮᬳᬾᬓᬶ᭞ᬢᬦ᭄ᬓᬯᬃᬡ᭄ᬦᬮᬫ᭄ᬧᬄᬳᬶᬭ᭞ᬯᬸᬲ᭄ᬧ᭄ᬭᬧ᭄ᬢᬳᬶᬂᬗ᭄ᬕᭀᬦᬶᬂᬧ᭄ᬢᬶ᭞ᬤᬦ᭄ᬩᬶ
ᬦᬸᬓᬵᬕ᭄ᬭᭀᬩᬕ᭄ᬮᬶᬲ᭄᭞ᬦᬸᬮ᭄ᬬᬫ᭄ᬢᬸᬧ᭄ᬭᬭᬢᬸᬲ᭄ᬬᬸ᭞ᬫᬶᬯᬄᬲᬶᬭᬚᬬᬾᬂᬭᬦ᭞ᬲᬶᬭᬧᬢᬶᬄᬢᬦ᭄ᬬᬕ᭄ᬮᬶᬲ᭄᭞ᬩᬬᬲᬧᬵᬳᬶᬓᬶᬮᬶᬦ᭄ᬢᬂᬳᬓᬾᬄᬳᬶᬭ᭟ᬯᭀᬂ
ᬳᬭᬩ᭄ᬦᬸᬳᬗᬸᬘᬧ᭄᭞ᬫᬦᬶᬭᬳᬶᬓᬶᬯᭀᬂᬳᬃᬩᬶ᭞ᬩᬦ᭄ᬢᬸᬦᬾᬯᬶᬮᬱ᭄ᬝᬶᬲ᭄ᬫᬭ᭞ᬩ᭄ᬮᬸᬭᬸᬕ᭄ᬦᬵᬕᬭᬫᬸᬳᬾᬓᬶ᭞ᬓᬶᬧᬢᬶᬄᬫᬗ᭄ᬓᬾᬳᬗ᭄ᬮᬶᬂ᭞ᬧᬦ᭄ᬲᬢ᭄ᬭᬸ
ᬦᬶᬗ᭄ᬲᬸᬦ᭄ᬲᬶᬭᬾᬓᬹ᭞ᬫᬗ᭄ᬓᬾᬚᬜ᭄ᬚᬶᬦᬶᬭᬧ᭄ᬚᬄ᭞ᬦᬸᬮ᭄ᬬᬲᬶᬭᬫᬗ᭄ᬓᬾᬚᬸᬭᬶᬢ᭄᭞ᬓᬕᬾᬕᬾᬭᬦ᭄‌ᬯᭀᬗᬶᬂᬳᬦ᭄ᬤᬃᬮᬯᬾᬳᬶᬓᬵ᭟ᬤᬦ᭄ᬫᭂᬢᬸ