Kaca:Bali-lontar-gaguritan-parwwa-gangsa-450ppi.pdf/55

[᭕᭔ 54B]
᭕᭔
ᬰ᭄ᬯᬫᬶᬦᬶᬭ᭞ᬳ᭄ᬦᭂᬗᬵᬓᬂᬤᬮᬸᬫᬗ᭄ᬓᬾ᭞ᬳᬾᬜ᭄ᬚᬂᬫᬮᬶᬄᬓᬂᬓᬯᬸᬯᬸᬲ᭄᭞ᬲᬂᬲᬸᬧᬸᬢ᭄ᬭᬶᬯᬸᬲ᭄ᬳᬘᬯᬶᬲ᭄᭞ᬧᬗᬗ᭄ᬕᬾᬦᬶᬂᬳᬬᬸᬤ᭄ᬥᬵ᭞ᬘᬶᬧ᭄ᬢᬦᬾᬳᬗ᭄ᬮ
ᬫ᭄ᬧᬸᬲ᭄᭞ᬢᬦ᭄ᬳᬗᬾᬫᬦ᭄ᬚᬶᬯᬵᬭᬕ᭞ᬲᬸᬓᬵᬧ᭄ᬚᬄ᭞ᬲᬳᬸᬭᬶᬧᬾᬦᬦ᭄ᬤᬂᬲ᭄ᬥᬶᬄ᭞ᬮ᭄ᬯᬶᬃᬓᬸᬫ᭄ᬩᬂᬢᬦ᭄ᬳᭀᬮᬶᬄᬲ᭄ᬓᬃ᭟᭚᭐᭚ᬳᬩᬩᬤᭀᬂ
ᬲᬸᬢ᭄ᬭᬓᬫᬥᬶᬳᬗ᭄ᬭᬯᬶᬢ᭄᭞ᬧᬜ᭄ᬚᬂᬲ᭄ᬮᬯᬾᬤᭂᬧ᭞ᬮᬧᬶᬲ᭄ᬢᬶᬕᬵᬓᭂᬦ᭄ᬤᬶᬢ᭄ᬯᬶᬮᬶᬲ᭄᭞ᬳᬩᬩᭂᬦ᭄ᬢᬶᬮᬧᬶᬲᬧ᭄ᬢᬵ᭟ᬳᬶᬲ᭄ᬢ᭄ᬭᬶᬚ᭄ᬭᬢ᭄ᬧᬗᬗ᭄ᬕᬾᬦᬾ
ᬲᬂᬲᬸᬤᬾᬯᬶ᭞ᬯᬕᭂᬤ᭄ᬳᬗᬫ᭄ᬩᬭ᭞ᬲᬓᬶᬂᬮᬸᬳᬸᬃᬫᬡᬶᬓ᭄ᬯᬭᬶᬄ᭞ᬳᬚᬶᬫᬢ᭄ᬳᬫ᭄ᬩᬮ᭄ᬳᬫ᭄ᬩᬮᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌ᬭᬶᬦᬗ᭄ᬲᬸᬓ᭄ᬧᬗᬗ᭄ᬕᬾᬦᬾ

[᭕᭕ 55A]
ᬓᬶ᭞ᬦᬸᬮᬶᬄᬲᬶᬭᬵᬫᬼᬲᬢ᭄᭞ᬫᬸᬮᬸᬓ᭄ᬫᬭᬶᬂᬳᬯᬶᬬᬓ᭄ᬢᬶ᭞ᬳᬯᭀᬃᬮᬯᬦ᭄ᬫᬾᬕᬵᬧ᭄ᬝᬓ᭄᭟ᬲ᭄ᬬᬂᬤᬮᬸᬢᬦ᭄ᬧ᭄ᬕᬢ᭄ᬤᬾᬦᬶᬭᬦᬵᬗᬶᬲ᭄᭞ᬳᬦᬾᬂᬮᬸᬳᬸᬃᬢ
ᬯᬂ᭞ᬦᭀᬭᬮ᭄ᬬᬦ᭄ᬲᬶᬦᬫ᭄ᬩᬢᬶᬂᬲᬶᬄ᭞ᬫᬸᬂᬭᬤᬾᬦ᭄ᬩᬤᬶᬅ᭄ᬳᬸᬲᬫᬦ᭄᭟ᬯᬸᬲ᭄ᬳᬤᭀᬄᬮᬫ᭄ᬧᬳᬾᬓᬂᬳᬦᬾᬂᬦᬵᬕᬭᬶ᭞ᬳᬧᬦᭀᬭᬯ᭄ᬭᬸᬳᬵ᭞ᬧᬺᬦᬳᬾ
ᬳᬭᬩ᭄ᬦᬵᬕᬭᬶ᭞ᬳᬗᬹᬃᬧ᭄ᬚᬄᬳᬶᬂᬓᬲ᭄ᬫᬭᬦ᭄᭟ᬳ᭄ᬦᭂᬂᬫᬗ᭄ᬓᬾᬳᬦᬫᬮᬶᬄᬓᬂᬓᬯᬃᬡ᭄ᬦᬶ᭞ᬭᬤᬾᬦ᭄ᬳᬸᬫᬃᬫ᭄ᬫᬬᬵ᭞ᬲᬋᬂᬤᬾᬯᬶᬳᬋᬗ᭄ᬕᬦᬶᬲ᭄᭞ᬳᬦᬾᬂᬮᬸ
ᬳᬸᬃᬳᬯᬂᬳᬯᬂ᭟ᬫᬸᬭᬂᬫᬸᬭᬂᬮᬫ᭄ᬧᬳᬾᬤᬤᬶᬫ᭄ᬬᬃᬱ᭞ᬲ᭄ᬯᬭᬦ᭄ᬢᬗᬶᬲ᭄ᬳᬶᬓᬵ᭞ᬳᬶᬂᬮᬸᬳᬸᬃᬧᬺᬦᬳᬾᬭᬶᬓᬶ᭞ᬤᬦ᭄ᬓᬤᬸᬮᬸᬫᬗ᭄ᬓᬾᬲᬶᬭᬵ᭟ᬤᬾᬦᬶᬂᬳᬸᬫᬃᬫ᭄ᬫᬬᬦᬸ