[᭔᭗ 47B]
᭔᭗
ᬳᬦᬸᬗ᭄ᬓᬸᬮᬵ᭞ᬳᬸᬮᬢ᭄ᬦᬫᬗ᭄ᬓᬾᬯᭀᬃᬳᬃᬩᬶ᭟ᬧᬢᬶᬄᬩᬂᬳᬸᬮᬸᬂᬢᬹᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬤᬾᬯᬵᬓᬯᬸᬮᬳᬦ᭄ᬥᬗᬶᬭᬶᬂ᭞ᬦᬸᬮ᭄ᬬᬧᬶᬦᭀᬦ᭄ᬤᭀᬲᬂᬧ᭄ᬢᬪᬸ᭞
ᬓᬾᬭᬶᬂᬤᬾᬦᬶᬂᬬᬓ᭄ᬱᬓᬢᬄ᭞ᬤᬦ᭄ᬕᬶᬦᬯᬵᬲᬂᬧ᭄ᬭᬪᬹᬫᬗ᭄ᬓᬾᬳᬸᬫᬫ᭄ᬩᬸᬃ᭞ᬢᬦ᭄ᬓᬯᬃᬡ᭄ᬦᬳᬶᬂᬤᬤᬮᬦ᭄᭞ᬯᬸᬲ᭄ᬓᬸᬗ᭄ᬓᬸᬮᬦ᭄ᬯᬚᬵᬕᬗ᭄ᬱᬶ᭟ᬢᬸᬫᬸᬭᬸᬦ᭄ᬲᬓ᭄ᬯᬾᬳᬶᬂ
ᬤᬦᬵᬯ᭞ᬳᬾᬩᭂᬓ᭄ᬳᬦᬾᬂᬢ᭄ᬧᬶᬦᬶᬂᬓᬂᬦᬵᬕᬭᬶ᭞ᬫᬶᬯᬄᬓᬶᬧᬢᬶᬄᬩᬂᬳᬸᬮᬸᬂ᭞ᬕᬶᬦᬯᬫᬗ᭄ᬓᬾᬲᬂᬦᬵᬣ᭞ᬯᬸᬲ᭄ᬓᬸᬓᬸᬯᬸᬂᬲᬓ᭄ᬯᬾᬳᬾᬫᬗ᭄ᬓᬾᬓᬂᬤ᭄ᬬᬸ
᭞ᬢᬦ᭄ᬓᬯᬃᬡ᭄ᬦᬵᬧᬸᬦᬂᬬᬓ᭄ᬱᬵ᭞ᬓᬕᬾᬕᬾᬭᬯᭀᬂᬦᬵᬕᬭᬶ᭟ᬤᬸᬓᬮᬦᬶᬭᬲᬂᬦᬵᬣ᭞ᬲᬗᬵᬧ᭄ᬭᬪᬸᬤᬸᬃᬬᬓᬶᬫ᭄ᬫᬗ᭄ᬓᬾᬲᬶᬭᬾᬓᬶ᭞ᬲᬶ
[᭔᭘ 48A]
ᬦᬾᬩᬳᬦᬾᬂᬫᬗᬸᬦ᭄ᬢᬸᬃ᭞ᬲᬋᬂᬭᬤᬾᬦᬶᬭᬢ᭄ᬫᬵᬚ᭞ᬲᭂᬲᭂᬓ᭄ᬚᭂᬚᭂᬮ᭄ᬧ᭄ᬭᬭᬢᬸᬲ᭄ᬬᬸᬦᬵᬕᬦ᭄ᬢᬸᬦ᭄᭞ᬗᭂᬦ᭄ᬳᬭᬱᬫᬯᬭᬱᬵ᭞ᬫᬮᬄᬲᬸᬫᬸᬭᬸᬧ᭄ᬳ᭄ᬬᬂᬭ
ᬯᬶ᭟ᬲᬂᬦᬵᬣᬲᬵᬫ᭄ᬧᬸᬦᬯᬭᬦ᭄᭞ᬫᬗᬸᬩ᭄ᬤᬫᬭᬳᬶᬂᬓᬦ᭄ᬬᬧᬸᬭᬶ᭞ᬫᬓᬫᬶᬯᬄᬭᬚᬵᬲᬸᬦᬸ᭞ᬯᬸᬲ᭄ᬫᬜ᭄ᬚᬶᬂᬚ᭄ᬭᭀᬓᬤᬢ᭄ᬯᬦ᭄᭞ᬯᬸᬲ᭄ᬳᬧᬗ᭄ᬕᬶᬄᬓ
ᬮᬯᬦ᭄ᬭᬳᬤᬾᬦ᭄ᬕᬮᬸᬄ᭞ᬓᭀᬘᬧᬭᬢᬸᬦᬶᬂᬬᬓ᭄ᬱᬵ᭞ᬗᭂᬦ᭄ᬤᬸᬭᬱᬵᬚᬯᬶᬦᬵᬕᬭᬶ᭟ᬲᬓᬶᬂᬕ᭄ᬮᬶᬲᬶᬂᬘᬭᬶᬢᬵ᭞ᬭᬚᬧᬸᬢ᭄ᬭᬯᬸᬲ᭄ᬮᬫᬶᬳᬓ
ᬭᭀᬦ᭄ᬱᬶᬄ᭞ᬫᬗ᭄ᬓᬾᬳᬫ᭄ᬩᭀᬢ᭄ᬱᬗᬵᬬᬸ᭞ᬲᬫ᭄ᬧᬸᬦ᭄ᬳᬕᭂᬂᬯᬯ᭄ᬭᬢ᭄ᬳᬶᬭ᭞ᬭᬳᬤ᭄ᬬᬦ᭄ᬳᬮᭀᬦ᭄ᬤᬾᬦᬶᬭᬳᬫᬸᬯᬸᬲ᭄᭞ᬤᬯᭂᬕ᭄ᬢᬸᬭᬸᬳᬭᬶᬦᬶᬗ᭄ᬯᬂ
