Kaca:Bali-lontar-gaguritan-parwwa-gangsa-450ppi.pdf/35

Saking Wikisource
Kaca puniki sampun kauji-wacén

[᭓᭔ 34B]
᭓᭔
ᬬᬓ᭄ᬱᬋᬓᭀ᭞ᬓᬺᬱᬦᬾᬫᬗ᭄ᬰᬓᬯᬸᬮᬵ᭞ᬳᬦᬸᬮᬶᬄᬳᬫ᭄ᬩᬵᬳᬬᬸᬤ᭄ᬥᬵ᭞ᬯᬸᬲ᭄ᬓᬩᬦ᭄ᬤᬭᬢᬸᬦᬶᬂᬤ᭄ᬬᬸ᭞ᬓ᭄ᬦᬧᬦᬄᬧᬶᬢᬸᬭᬸᬦᬦ᭄᭟ᬮᬶᬸᬕᬶᬸᬦᬸᬮ᭄ᬬᬭ
ᬯᬸᬄᬓᬂᬲᬯᬶᬚᬶ᭞ᬧᬧᬢᬶᬳᬾᬓᬂᬥᬦᬵᬯ᭞ᬳᬦᬫ᭄ᬩᬸᬢ᭄ᬕᬸᬲ᭄ᬢᬶᬦᬾᬋᬓᭀ᭞ᬦᬸᬮᬶᬄᬧᬶᬦ᭄ᬮᬬ᭄ᬯᬦ᭄ᬲᬂᬦᬵᬣ᭞ᬲᬂᬧ᭄ᬭᬪᬸᬫᬶᬘᬭᬾᬂᬦᬮᬵ᭞ᬳᬾᬕᬃᬢ᭄ᬯᬲᬾ
ᬳᬶᬂᬓᬮ᭄ᬩᬸ᭞ᬳᬧᬦ᭄ᬳᬸᬮᬶᬄᬲᬢ᭄ᬭᬶᬬᬕᬕᬄ᭟ᬲᬂᬦᬵᬣᬗᬦ᭄ᬤᬶᬓᬫᬮᬶᬄ᭞ᬤᬸᬄᬩᬤᬶᬅ᭄ᬳᬸᬲᬫᬦ᭄ᬲᬶᬭ᭞ᬳᬭᬃᬬ᭄ᬬᬦ᭄ᬳᬯᬺᬢ᭄ᬣᬵᬋᬓᭀ᭞ᬦᬸᬮᬶᬄᬮᬸᬫᬶᬦ᭄ᬢᬸ
ᬤᬳᬭᬦ᭄᭞ᬲᬂᬦᬵᬣᬳᬗᬦ᭄ᬤᬶᬓ᭞ᬤᬯᭂᬕ᭄ᬥᬳᬃᬳᬦᬓᬶᬗ᭄ᬲᬸᬦ᭄᭞ᬕᬶᬦᬦ᭄ᬢᬶᬧᬋᬂᬮᬦ᭄ᬭᬫᬵ᭚᭐᭚ᬳᬦᬸᬮᬸᬦ᭄ᬩᬜ᭄ᬚᬭᬦ᭄ᬲᬦ᭄ᬢᬸᬦ᭄᭞

[᭓᭕ 35A]
ᬓᭂᬫ᭄ᬩᬸᬮᬦ᭄ᬱᬶᬭᬵᬫ᭄ᬩᬸᬓ᭄ᬢᬶ᭞ᬲᬋᬂᬮᬦ᭄ᬱ᭄ᬭᬶᬦᬵᬭᬦᬵᬣ᭞ᬫᬓᬫᬶᬯᬄᬲᬶᬭᬧᬢᬶᬄ᭞ᬳᬶᬦᬸᬫᬦ᭄ᬳᬯᬃᬡ᭄ᬦᬵ᭞ᬲᬚᭂᬂᬳᬭᬓ᭄ᬩ᭄ᬭᬦ᭄ᬤᬶᬲᬸᬧᬶ᭟ᬩᬺᬫ᭄ᬢᬧᬾᬕᬶᬦᬾᬯᬾᬃ
ᬳᬗ᭄ᬕᬸᬃ᭞ᬤᬭᬂᬲᬶᬦᬸᬦ᭄ᬤᬸᬭᬦ᭄ᬧ᭄ᬭᬧ᭄ᬢᬶ᭞ᬲᬫᬲᬸᬓᬳᬤᬃᬯᬶᬦᬦ᭄᭞ᬫᬗ᭄ᬓᬾᬯᬸᬲ᭄ᬮᬸᬯᬭᬦ᭄ᬲᬫᬶ᭞ᬤᬸᬮᬂᬦᬭᬾᬯᬸᬲ᭄ᬓᬸᬦ᭄ᬤᬸᬭ᭞ᬳᬗᬶᬦᬂᬫᬗ᭄ᬓᬾᬧ᭄ᬭᬲᬫᬶ᭟ᬭᬳᬤ᭄ᬬᬦ᭄ᬳ
ᬭᬶᬲ᭄ᬳᬸᬫᬢᬹᬃ᭞ᬲᬶᬗ᭄ᬕᬶᬄᬤᬾᬯᬰ᭄ᬭᬶᬪᬹᬧᬢᬶ᭞ᬳᬫ᭄ᬩᬳᬦ᭄ᬥᬢᬸᬮᬸᬗᬦ᭄᭞ᬫᬭᬶᬂᬚᭂᬂᬳᬦ᭄ᬤᬶᬓᬵᬫᬗ᭄ᬓᬶᬦ᭄᭞ᬤᬾᬦᬾᬭᬾᬯᬗᬾᬓᬯᬸᬮ᭞ᬳᬶᬂᬫᬗ᭄ᬓᬾᬓ
ᬭᬶᬳᬚᬸᬭᬶᬢ᭄᭟ᬫᬾᬄᬳᬸᬭᬶᬧ᭄ᬳᬢᬯᬮᬫ᭄ᬧᬸᬲ᭄᭞ᬲᬂᬦᬵᬣᬗᬦ᭄ᬤᬶᬓᬵᬳᬭᬶᬲ᭄᭞ᬳᬤᬸᬄᬤᬾᬯᬵᬳᬦᬓ᭄ᬳᬶᬗ᭄ᬯᬂ᭞ᬲᬓᬺᬱᬦᬾᬲᬶᬭᬫᬗ᭄ᬓᬶᬦ᭄᭞