Kaca:Bali-lontar-gaguritan-parwwa-gangsa-450ppi.pdf/15

Saking Wikisource
Kaca puniki sampun kauji-wacén

[᭑᭔ 14B]
᭑᭔
ᬦᬶᬓᬂᬬᬓ᭄ᬱᬶ᭟ᬯᬸᬲ᭄ᬫᬗ᭄ᬓᬦᬦᬵᬪᬶᬫᬹᬃᬘ᭄ᬘ᭞ᬳᬸᬫᬦ᭄ᬢᬸᬓᬵᬫᬭᬶᬂᬓᬬᬗᬦᬶᬭᬾᬓᬶ᭞ᬋᬧᬢ᭄ᬫᬚᬯᬸᬲ᭄ᬮᬸᬫᬓᬸ᭞ᬲᬋᬮᬯᬦ᭄ᬳᬸᬫᬃᬫᬥ᭄ᬬ᭞ᬲᬵᬫ᭄ᬧᬸ
ᬦᬤᭀᬄᬮᬫ᭄ᬧᬳᬾᬫᬗ᭄ᬓᬾᬲᬶᬭᬾᬓᬸ᭞ᬦᬸᬮ᭄ᬬᬓᬦ᭄ᬤᭂᬕ᭄ᬓᬂᬮᬸᬫᬫ᭄ᬧᬄ᭞ᬯᬸᬲ᭄ᬧᬶᬦᬓᬶᬸᬲᬂᬧᬶᬓᬾᬢ᭄ᬦᬾᬓᬶ᭟ᬳ᭄ᬦᭂᬂᬫᬗ᭄ᬓᬾᬓᭀᬘᬧᬵ᭞ᬳᬦᬫᬮᬶᬄ
ᬓᬯᬗ᭄ᬲᬶᬢᬦ᭄ᬲᬶᬭᬾᬓᬶ᭞ᬦᬶᬤᬾᬯᬶᬧᬸᬱ᭄ᬧᬵᬮᬬᬾᬓᬸ᭞ᬧᬸᬢ᭄ᬭᬦᬾᬰ᭄ᬭᬶᬦᬵᬭᬦᬵᬣ᭞ᬳᬶᬂᬯᬚᬕᬗ᭄ᬱᬦᬵᬕᬭᬦᬾᬧᬸᬦᬶᬓᬸ᭞ᬓᬺᬱᬦᬶᬭᬳ
ᬮᬾᬮᬾᬤᬂ᭞ᬳᬦᬾᬂᬮᬸᬳᬸᬭᬶᬂᬳᬯ᭄ᬬᬢᬶ᭟ᬳᬫᬶᬢ᭄ᬫᬭᬶᬂᬭᬫᬦᬶᬭ᭞ᬲᬶᬗ᭄ᬕᬶᬄᬭᬫᬵᬓᬯᬸᬮᬵᬦ᭄ᬤᬳᬫᬶᬢ᭄᭞ᬳᬮᬾᬮᬾᬤᬂᬫᬭᬶᬂᬮᬸᬳᬸᬃ᭞ᬲᬃᬯᬶᬦᭀ

[᭑᭕ 15A]
ᬦ᭄ᬢᭀᬦ᭄ᬩᬮᬬᬸᬤᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬵᬯᬘᬦᬵᬳᬭᬹᬫ᭄᭞ᬮᬄᬮᬸᬗᬳᬵᬧᬸᬢ᭄ᬭᬦᬶᬗ᭄ᬯᬂ᭞ᬳᬗᬶᬂᬧᭀᬫᬤᬾᬦᬩ᭄ᬘᬶᬓ᭄᭟ᬫᬼᬲᬢ᭄ᬤᬾᬯᬶᬧᬸᬱ᭄ᬧᬵᬮᬬ᭞
ᬳᬯᭀᬃᬮᬯᬦ᭄ᬫᬾᬕ᭄ᬕᬵᬧ᭄ᬢᬓ᭄ᬲᬶᬭᬾᬓᬶ᭞ᬳᬗᬶᬫ᭄ᬩᬂᬳᬶᬫ᭄ᬩᬂᬳᬶᬂᬮᬸᬳᬸᬃ᭞ᬓᬢᭀᬦ᭄ᬲᬓᬾᬳᬶᬂᬯᬦᬵ᭞ᬤᬦ᭄ᬓᬤᬸᬮᬸᬲᬓᬶᬂᬢᬯᬂᬫᬗ᭄ᬓᬾᬧᬸᬦᬶᬓᬸ᭞ᬢᬸᬫᬸᬭᬸᬦ᭄ᬫᬗ᭄ᬓᬾ
ᬢᬲᬶᬭ᭞ᬦᬸᬚᬸᬫᬭᬶᬂᬯᬮᬦ᭄ᬢᬕᬶ᭟ᬓᬢᭀᬦ᭄ᬭᬤᬾᬦ᭄ᬭᬤᬾᬦ᭄ᬋᬧᬢ᭄ᬫᬚᬵ᭞ᬤᬾᬦᬶᬭᬫᬲ᭄ᬤᬾᬯᬶᬧᬸᬱ᭄ᬧᬮᬬᬢᬾᬓᬶ᭞ᬓᬸᬫ᭄ᬜᬸᬢ᭄ᬲᬂᬭᬢ᭄ᬦᬳᬬᬸ᭞ᬤᬾᬦᬾ
ᬩᬕᬸᬲᬾᬓᬮᬶᬦ᭄ᬢᬂ᭞ᬩᬬᬲᬓᬶᬂᬳᭂᬦ᭄ᬤᬶᬲᬗ᭄ᬓᬦᬾᬯᭀᬂᬳᬶᬓᬸ᭞ᬲᬃᬯᬶᬲᬶᬭᬳᬧᬶᬧᬶᬓᬢ᭄᭞ᬫᬗ᭄ᬓᬾᬲᬸᬦ᭄ᬘᭀᬩᬦᬵᬳᬶᬓᬶ᭟ᬳᬦᬸᬮ᭄ᬬᬲᬂᬭ