Kaca:Bali-lontar-gaguritan-parwwa-gangsa-450ppi.pdf/116

Saking Wikisource
Kaca puniki sampun kauji-wacén

[᭑᭑᭕ 115B]
᭑᭑᭕
ᬓᬗᭂᬦ᭄ᬫᬭᬶᬂᬳᬶᬩᬸᬦᬶᬭ᭟ᬳᬤᬸᬄᬳᬶᬩᬸᬧᬭᬦ᭄ᬩᬬᬭᬸᬧᬦᬾᬓᬶ᭞ᬳᬧ᭄ᬭᬂᬲᭀᬃᬧᬺᬢᬮᬵ᭞ᬫᬾᬄᬧ᭄ᬚᬄᬳᬢᬯᬵᬳᬸᬭᬶᬧ᭄᭞ᬧᬶᬭᬂᬫᬮᬶᬄᬓᬂᬓᬢᭂᬫ᭄ᬯ᭟
ᬩᬶᬸᬧᬭᬦ᭄ᬩᬬᬫᬸᬮᬤᭀᬱᬳᬯᬓ᭄ᬫᬫᬶ᭞ᬓ᭄ᬭᬡᬤᬸᬓᬳᬮᬄ᭞ᬢᭀᬦ᭄ᬢᭀᬦᬵᬦᬳᬯᬓ᭄ᬫᬫᬶ᭞ᬢᬦ᭄ᬓᬯᬱᬵᬳᬯᬓᬶᬗ᭄ᬯᬂ᭟ᬦᬸᬮ᭄ᬬᬫᬢᬸᬃᬲ᭄ᬓᬃᬬᬓ᭄ᬱᬵ
ᬲᬃᬯᬶᬦᬗᬶᬲ᭄᭞ᬤᬸᬄᬤᬾᬯᬵᬭᬳᬤ᭄ᬬᬦ᭄᭞ᬓᬯᬶᬢᬦ᭄ᬓᬧ᭄ᬬᬃᬱᬵᬕᬸᬲ᭄ᬢᬶ᭞ᬤᬾᬦᬶᬂᬩ᭄ᬬᬂᬳᬦ᭄ᬤᬶᬓᬵᬤᬾᬯ᭄ᬯ᭟ᬤᬯᭂᬕ᭄ᬫᬗ᭄ᬓᬾᬳᬲᬸᬭᬓ᭄ᬳᬦ᭄ᬤᬶᬓᬵᬕᬸᬲ᭄ᬢᬶ᭞ᬫ
ᬗ᭄ᬤᬦᬾᬓᬧ᭄ᬬᬃᬱᬵ᭞ᬤᬾᬦᬶᬂᬩ᭄ᬬᬂᬳᬦ᭄ᬤᬶᬓᬵᬕᬸᬲ᭄ᬢᬶ᭞ᬫᬭᬶᬂᬧᬺᬦᬳᬾᬳᬦ᭄ᬤᬶᬓᬵ᭟ᬦᬸᬮ᭄ᬬᬲᬸᬭᬓ᭄ᬫᬗ᭄ᬓᬾᬭᬵᬤᬾᬦ᭄ᬯᬱ᭄ᬝᬫ᭄ᬢᬾᬓᬶ᭞ᬲ᭄ᬯᬭᬮ᭄ᬯᬶᬃᬕ᭄ᬭᬄᬓᬯ

[᭑᭑᭖ 116A]
ᬢ᭄᭞ᬲᬓ᭄ᬯᬾᬄᬫᬮᬾᬓᬢ᭄ᬥᬤᬭᬶ᭞ᬲᬫ᭄ᬬᬢᬸᬫᬗ᭄ᬓᭂᬩᬶᬂᬳᬭᬲ᭄᭟ᬤᬦ᭄ᬗᬦ᭄ᬤᬶᬓᬲᬂᬳ᭄ᬬᬂᬯᬶᬥᬶᬫᬗ᭄ᬓᬾᬳᬕ᭄ᬮᬶᬲ᭄᭞ᬫ᭄ᬭᬶᬂᬚᬩ᭄ᬭᬅ᭄ᬳᬶᬮ᭄ᬳᬶᬓᬵ᭞ᬮᬸᬗ᭄ᬳᬵᬲᬶᬭ
ᬤᬾᬦᬕ᭄ᬮᬶᬲ᭄᭞ᬩᬓ᭄ᬢᬦᭂᬦ᭄ᬧᬸᬦᬂᬓᭀᬜ᭄ᬘᬭ᭟ᬤᬾᬦᬦᬸᬚᬸᬮᬸᬳᬸᬃᬳᬸᬓᬶᬃᬩᬦ᭄ᬤᬃᬯ᭄ᬲᬶ᭞ᬢᬶᬩᬩᭀᬜ᭄ᬘᬄᬳᬶᬓᬵ᭞ᬚᬩ᭄ᬭᬅ᭄ᬳᬶᬮ᭄ᬳᬫᬶᬢᬶᬂᬯᬶᬥᬶ᭞
ᬲᬃᬯᬶᬲᬶᬭᬓᬂᬫᬍᬲᬢ᭄᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬚᬩ᭄ᬭᬅ᭄ᬳᬶᬮ᭄ᬫᬗ᭄ᬓᬾᬳᬕ᭄ᬮᬶᬲ᭄᭞ᬳᭂᬗ᭄ᬕᭀᬦᬶᬂᬓᭀᬜ᭄ᬘᬭ᭞ᬕ᭄ᬮᬶᬲ᭄ᬚᬩ᭄ᬭᬅ᭄ᬳᬶᬮ᭄ᬦᬫ᭄ᬩᬸᬢᬶᬦ᭄᭞ᬦᬸᬮ᭄ᬬᬩᬶᬦᬸ
ᬯᬂᬓᭀᬜ᭄ᬘᬭ᭟ᬮᬬᬂᬮᬬᬂᬓᭀᬜ᭄ᬘᬭᬲᬓᬶᬂᬳᬯ᭄ᬬᬢᬶ᭞ᬢᬶᬩᬩᬦ᭄ᬤᬃᬯ᭄ᬱ᭄ᬬ᭞ᬢᬦ᭄ᬭᬃᬬ᭄ᬬᬦ᭄ᬓᭀᬜ᭄ᬘᬭᬦᬸᬮᬶᬄ᭞ᬢᬶᬩᬫᬭᬶᬂᬤᬲᬃᬦᬾᬓ᭟