Kaca:Bali-lontar-gaguritan-parwwa-gangsa-450ppi.pdf/112

Saking Wikisource
Kaca puniki sampun kauji-wacén

[᭑᭑᭑ 111B]
᭑᭑᭑
ᬳᬭᬩ᭄ᬗᬸᬗ᭄ᬲᬶᬭᬳᬤ᭄ᬬᬦ᭄᭞ᬲᬃᬯ᭄ᬯᬶᬫ᭄ᬩᬓ᭄ᬢᬭᭀᬯᬂᬫᬢᬶ᭞ᬗᬦ᭄ᬤᬶᬓᬵᬭᬳᬤ᭄ᬬᬦ᭄᭞ᬲᬧᬵᬩᬬᬫ᭄ᬩᬸᬭᬸᬲᬶᬭ᭞ᬓᬭᬦᬾᬲᬶᬭᬳᬮᬭᬶ᭞ᬲ᭄ᬓᬃᬤ᭄ᬬᬸᬗᬸᬘᬧ᭄‌᭞ᬕᭂ
ᬦ᭄ᬢᭂᬃᬩᬸᬫᬶᬳᬗᬫᬸᬓᬶ᭟ᬲᬶᬕ᭄ᬭᬫ᭄ᬢᬸᬭᬳᬤ᭄ᬬᬦ᭄‌ᬫ᭄ᬩᬓ᭄ᬢᬵᬢᬶᬃᬢ᭄ᬣᬕ᭄ᬲᬂ᭞ᬲᬶᬦᬶᬭᬫ᭄ᬩᬮᬦᬾᬫᬢᬶ᭞ᬲᬓ᭄ᬯᬾᬳᬾᬓᬂᬧ᭄ᬚᬄ᭞ᬦᬸᬮ᭄ᬬᬫᬮᬶᬄᬳᬸᬭᬶᬧᬵ᭞ᬯᬮᬸᬬᬓᬤᬶ
ᬭᬸᬫᬳᬶᬦ᭄᭞ᬭᬵᬤ᭄ᬬᬦ᭄ᬗᬦ᭄ᬤᬶᬓᬵ᭞ᬫᬭᬶᬂᬲᬶᬭᬵᬲ᭄ᬓᬃᬬᬓ᭄ᬱᬶ᭟ᬳᬾᬄᬢᬲ᭄ᬓᬃᬬᬓ᭄ᬱᬶᬧᬋᬂᬳᬸᬕᬫ᭄ᬢᬸᬯ᭞ᬫᬗ᭄ᬓᬾᬓᬮᬯᬦ᭄ᬲᬸᬦᬾᬓᬶ᭞ᬫᬶᬯᬄᬩᬮᬓ
ᬢᬄ᭞ᬲ᭄ᬓᬃᬬᬓ᭄ᬱᬳᬸᬫᬢᬸᬭ᭞ᬓᬯᬸᬮᬦ᭄ᬥᬵᬳᬗᬶᬭᬶᬂ᭞ᬲᬶᬕ᭄ᬭᬭᬳᬤ᭄ᬬᬦ᭄᭞ᬳᬜᬶᬧ᭄ᬢᬲᬜ᭄ᬚᬢᬦᬾᬓᬶ᭟ᬤᬦ᭄ᬳᬸᬫ᭄ᬢᬸᬧᬦᬄᬘᬸᬭᬶᬕ᭄ᬖᬫ᭄ᬭᬶᬂᬳᬶᬓ᭄ᬫ

[᭑᭑᭒ 112A]
ᬢ᭄᭞ᬲᬶᬕ᭄ᬭᬭᬳᬤ᭄ᬬᬦᬶᬢᬶᬳᬶᬦ᭄᭞ᬫᬭᬶᬂᬲ᭄ᬓᬃᬬᬓ᭄ᬱᬵ᭞ᬦᬸᬮ᭄ᬬᬫᬗ᭄ᬓᬾᬮᬸᬫᬫ᭄ᬧᬳ᭞ᬦᬸᬚᬾᬂᬢ᭄ᬕᬮ᭄ᬲᬦᬹᬃᬢᬾᬓᬶ᭞ᬮᬦ᭄ᬩᬮᬦᬶᬭ᭞ᬯᬸᬲ᭄ᬧ᭄ᬭᬧ᭄ᬢᬳᬶᬂᬢ᭄ᬕᬵ
ᬮ᭄ᬢᬾᬓᬶ᭟ᬤᬦ᭄ᬓᬘᬸᬦ᭄ᬤᬸᬓ᭄ᬩᬮᬳᬭᬩ᭄ᬮᬦ᭄ᬳᬦ᭄ᬤᬃᬮᬯ᭄ᬬ᭞ᬦᬸᬮ᭄ᬬᬲᬫᬢᭂᬫ᭄ᬧᬸᬄᬚᬸᬭᬶᬢ᭄᭞ᬩ᭄ᬤᬶᬮ᭄ᬩᬶᬦᭂᬤᬶᬮᬦ᭄᭞ᬮᬶᬦ᭄ᬢᬂᬭᬫᬾᬦᬶᬗᬬᬸᬤᬵ᭞ᬯᬗ᭄ᬓᬾᬦᬾᬲᬸ
ᬲᬸᬦᬦ᭄ᬢᬶᬦ᭄ᬤᬶᬄ᭞ᬦᬸᬮ᭄ᬬᬭᬳᬤ᭄ᬬᬦ᭄᭞ᬳᬗᬫᬸᬓ᭄ᬢᭂᬗᬳᬶᬂᬚᬸᬭᬶᬢ᭄᭟ᬤᬦ᭄ᬧ᭄ᬭᬧ᭄ᬢᬭᬵᬤᬾᬦ᭄ᬲᬳᬶᬤ᭄ᬮᬦ᭄ᬤᬾᬯᬶᬘᬓ᭄ᬭ᭞ᬫ᭄ᬯᬂᬭᬵᬤᬾᬦ᭄ᬲᬸᬃᬲᬶᬮᬫ᭄ᬢᬾᬓᬶ᭞ᬮᬦ᭄ᬚᬬᬾᬂ
ᬍᬗ᭄ᬓᬭᬵ᭞ᬫᬓ᭄ᬢᬮ᭄ᬫᬶᬯᬄᬭᬸᬫ᭄ᬭᬚᬵ᭞ᬧ᭄ᬭᬲᬫᬦᬫ᭄ᬩᬸᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬕᬶᬦᬯᬫᬸᬦ᭄ᬤᬸᬭ᭞ᬫ᭄ᬭᬶᬂᬓᬸᬓᬸᬯᬸᬂᬳᬶᬭᬕ᭄ᬮᬶᬲ᭄᭟ᬫᬶᬯᬄᬩᬮᬳᬭᬩ᭄ᬧ᭄ᬭᬲᬫ᭄ᬬᬓᬸᬦ᭄ᬤᬸᬭᬸ᭞