Kaca:Bali-lontar-gaguritan-parwwa-danta-350ppi.pdf/5

Saking Wikisource
Kaca puniki sampun kauji-wacén

[᭔ 4B]

ᬦᬶᬭᬦᬺᬧᬢᬶ᭞ᬬᬢᬵᬳᬗᭂᬧᭂᬦᭂᬕ᭄ᬭᬶ᭞ᬫᬭᬳᬶᬂᬳᬭᬩ᭄‌ᬦᬕᬦ᭄ᬢᬸᬦ᭄᭞ᬳᬗᬶᬂᬳᬗᬦ᭄ᬢᭀᬲᬂᬦᬵᬣ᭞ᬳᬶᬂᬧᬫᬶᬗ᭄ᬕᬶᬃᬧᬃᬯ᭄ᬯᬵᬤᬦ᭄ᬢᬶ᭞ᬲ᭄ᬭᬶᬦᬭᬾᬦᬵᬤ᭄ᬭ᭞ᬳᬃᬱᬵᬲᬸᬫᬶᬫ᭄ᬧᬂᬗᬶᬭᬶᬓᬵ᭟ᬲᬂᬩᬮᬵ
ᬳᬫᬶᬢ᭄ᬮᬸᬫᬫ᭄ᬧᬄ᭞ᬕᬕᬜ᭄ᬘᬗᬦ᭄ᬢᬶᬦ᭄ᬤᬓ᭄ᬦᬾᬦᬶ᭞ᬲᬶᬭᬵᬧᬢᬶᬄᬓᬮᬶᬄᬲᬶᬕ᭄ᬭᬄ᭞ᬳᬸᬫᬢᬸᬃᬭᬶᬂᬰ᭄ᬭᬶᬪᬸᬧᬢᬶ᭞ᬲᬶᬗ᭄ᬕᬶᬄᬤᬾᬯᬲᬗᬚᬶ᭞ᬓᬂᬯᬯ᭄ᬯᬵᬲᬫ᭄ᬧᬸᬦ᭄ᬮᬸᬫᬓᬸᬄ᭞ᬓᬶᬦᬾᬦ᭄ᬳᬫ᭄ᬩᬵᬗ
ᬦ᭄ᬢᭀᬲᬵ᭞ᬳᬶᬂᬧᬫᬶᬗ᭄ᬕᬶᬃᬧᬃᬯ᭄ᬯᬵᬤᬦ᭄ᬢᬶ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬮᭀᬦ᭄‌ᬤᬾᬦᬶᬭᬵ ᬗᬦ᭄ᬤᬶᬓᬵ᭟ᬮᬄᬢᬲᬶᬭᬵᬧᬢᬶᬄᬓᬃᬯ᭄ᬯᬵ᭞ᬯᬗ᭄ᬕᬵᬯᬚᬵᬯᬗ᭄ᬕᬯ᭄ᬲᬶ᭞ᬧᬬᬸᬢᬫᬗ᭄ᬓᬾ ᬮᬸᬫᬫ᭄ᬧᬄ
᭞ᬳᬗᬫ᭄ᬩᬄᬳᬦᬾᬂᬳᬯ᭄ᬬᬢᬶ᭞ᬦᬸᬮᬶᬄᬫᬫ᭄ᬩᬸᬃᬲᬗᬚᬶ᭞ᬲᬋᬂᬮᬦ᭄ᬓᬶᬧᬢᬶᬄᬳᬶᬓᬸ᭞ᬳᬦ᭄ᬤᬸᬭᬸᬂᬭᬶᬢᬶᬦ᭄ᬤᬓ᭄ᬳᬶᬭ᭞ᬦᬸᬚᬸᬳᬦᬾᬂᬧᬃᬯ᭄ᬯᬵᬤᬦ᭄ᬢᬶ᭞ᬮᬫᬶᬦᬶᬭᬵ᭞ᬳᬶᬂᬤᬮᬦ᭄ᬲᬧᬜ᭄ᬘ
[᭕ 5A]
ᬤᬶᬦᬵ᭟ᬳ᭄ᬦᭂᬗᬓ᭄ᬦᬵᬲᬓ᭄ᬱᬡᬵ᭞ᬢᬸᬗ᭄ᬕᬮ᭄ᬫᬮᬾᬮᬵᬮᬸᬫᬭᬶᬲ᭄᭞ᬕᭂᬦ᭄ᬢᬶᬦᬶᬦ᭄ᬫᬗ᭄ᬓᬾ ᬕᭀᬧᬶᬢᬵ᭞ᬧᬫᬸᬢᭂᬭᬦ᭄ᬧᬃᬯ᭄ᬯᬵ ᬤᬦ᭄ᬢᬶ᭞ᬲᬶᬭᬵᬭᬚᬵ ᬪᭀᬫᬵᬕ᭄ᬦᬶ᭞ᬤᬸᬓ᭄ᬢᬶᬦᬗ᭄ᬓᬶᬮ᭄ᬳᬶᬂᬫᬗᬸᬢᬸᬃ᭞ᬤᬾ
ᬦᬶᬂᬓᬶᬧᬢᬶᬄᬢᬶᬕᬵ᭞ᬲ᭄ᬮᭀᬓᬵᬢᬓᬵᬲ᭄ᬮᭀᬓᬵ ᬧᬢᬶ᭞ᬯᬶᬭᬢ᭄ᬚᬬᬵᬳᬮᬸᬗ᭄ᬕᬸᬄᬳᬦᬾᬗᬬᬸᬦᬦ᭄᭟ᬲᬂᬪᭀᬫᬵᬕ᭄ᬦᬶᬗᬦ᭄ᬤᬶᬓᬵ᭞ᬤᬢᭂᬗᬶᬂᬲᬶᬭᬓᬶᬧᬢᬶᬄ᭞ᬳᬾᬄᬢᬵᬲᬶᬭᬵ
ᬯᬶᬭᬢ᭄ᬚᬬᬵ᭞ᬫᬓᬵ ᬫᬶᬯᬄᬲ᭄ᬮᭀᬓᬧᬢᬶ᭞ᬲ᭄ᬮᭀᬓᬵ ᬢᬓᬵᬫᬓᬤᬶ᭞ᬮᬄᬭᬸᬗᬸᬦᭂᬦ᭄ᬳᬸᬚᬃᬳᬶᬗ᭄ᬲᬸᬦ᭄᭞ᬫᬭᬳᬶᬂᬲᬶᬭᬵᬢᬶᬕ᭄ᬕᬵ᭞ᬧᬭᬦ᭄ᬲ᭄ᬯᬓᬃᬬ᭄ᬬᬦᬾ ᬧᬢᬶᬄ᭞ᬧ᭄ᬭᬧ᭄ᬢᬾᬂᬓ
ᬦᬾᬓᬧᬗ᭄ᬕᬶᬄᬓᬮᬯᬦ᭄ᬳᬶᬗ᭄ᬯᬂ᭟ᬧᬭᬦ᭄ᬢᬵ ᬓᬶᬢᬵᬓᬶᬭᬗᬦ᭄᭞ᬲ᭄ᬮᬓᬵᬓᭂᬜ᭄ᬘᬦᬵ ᬳᬤᬶ᭞ᬩᬾᬩᬾᬓ᭄ᬳᬬᬫ᭄ᬓᭂᬩᭀᬩᬦ᭄ᬢᬾᬂ᭞ᬮᬄᬯᬭᬳᭂᬦᬶᬗ᭄ᬲᬸᬦ᭄ᬧᬢᬶᬄ᭞ᬯᬃᬡ᭄ᬦᬵ