[᭔᭘ 48 B]
᭔᭘
ᬭ᭞ᬳᬸᬫᬓᬸᬮ᭄ᬭᬳᬤᬾᬦ᭄ᬱᬶᬯᬶ᭞ᬮᬄᬢᬵᬲᬶᬭᬵᬚᬬᬾᬂᬋᬡᬵ᭞ᬤᬾᬦᬶᬂᬲᬢ᭄ᬭᬸᬦᬾᬯᬸᬲ᭄ᬳᭂᬦ᭄ᬢᬶ᭞ᬩ᭄ᬘᬶᬓ᭄ᬧᬫᬦ᭄ᬢᬸᬓ᭄ᬱᬶᬭᬾᬓᬶ᭞ᬫᬭᬶᬂᬚ᭄ᬭᭀᬦᬶᬂᬦᬵᬕᬦ᭄ᬢᬸᬦ᭄᭞ᬫᬗ᭄ᬕᬸᬢ᭄ᬲᬶᬭᬫ᭄ᬱ᭄ᬬᬄ᭞ᬫᬗ᭄ᬓᬾ ᬳ
ᬦᬸᬮᬶᬄᬯᬸᬲ᭄ᬧᬫᬶᬢ᭄᭞ᬯᬶᬭᬵᬬᬸᬤᬵ᭞ᬲᬸᬦ᭄ᬕᬯᬵᬫ᭄ᬭᬶᬂᬧᬸᬮᭀᬲ᭄ᬓᬃ᭟᭛ᬲ᭄ᬫᬭᬵᬦ᭄ᬥᬦᬵ᭛ᬲᬯᬸᬃᬲᭂᬫ᭄ᬩᬄᬩᬕᬶᬡ᭄ᬥᬫᬶᬃ᭞ᬳᬫ᭄ᬩᬵᬳᬦᬸᬯᬸᬦ᭄ᬯᬘᬦᬵ᭞ᬫᬶᬯᬄᬳᬸᬫᬃᬫᬬᬵᬋᬓᭀ᭞ᬲᬫᬵ ᬲᬶ
ᬭᬗᬢᬸᬃᬲᭂᬫ᭄ᬩᬄ᭞ᬳᬗᬶᬭᬶᬂᬳᬓᬬᬸᬦᬦ᭄᭞ᬫᬶᬯᬄᬧᬭᬭᬢᬸᬲ᭄ᬬᬸ᭞ᬯᬸᬲ᭄ᬧ᭄ᬭᬧ᭄ᬢᬵᬫᬭᬶᬂᬦᬵᬕᬭ᭟ᬓᬯᬃᬡ᭄ᬦᬵᬳᬵᬦᬪᬶᬳᬶᬮᬶᬃ᭞ᬯᬸᬲ᭄ᬧ᭄ᬭᬧ᭄ᬢᬵᬳᬶᬂᬧᬸᬮᭀᬲ᭄ᬓᬃ᭞ᬓᬕ᭄ᬬᬢ᭄ᬲᬂᬧᬡ᭄ᬥᬶᬢᬵ
ᬋᬓᭀ᭞ᬦᬵᬪᬶᬳᬶᬮᬶᬃᬳᬗᬦ᭄ᬤᬶᬓᬵ᭞ᬮᬄᬢᬵᬲᬶᬭᬵᬲᬂᬧᬡ᭄ᬥᬶᬢᬵ᭞ᬳᬶᬓᬶᬧᬸᬢ᭄ᬭᬦᬾᬲᬶᬭᬾᬓᬸ᭞ᬳᬶᬗ᭄ᬲᬸᬦ᭄ᬱ᭄ᬬᬄᬫᬭᬳᬶᬂᬲᬶᬭᬵ᭟ᬦᬪᬶᬳᬶᬮᬶᬃᬫᬦ᭄ᬢᬸᬓ᭄ᬦᬸᬮᬶᬄ᭞ᬧᬡ᭄ᬥᬶᬢᬵᬳᬾ
[᭔᭙ 49 A]
ᬕᬃᬓᬂᬫᬦᬄ᭞ᬫᬶᬯᬄᬭᬤᬾᬦ᭄ᬭᬸᬲ᭄ᬢᬫ᭄ᬋᬓᭀ᭞ᬮᬦ᭄ᬲᬶᬭᬵᬦᬶᬫᬺᬢ᭄ᬣᬵᬳᬸᬮᬦ᭄᭞ᬲᬓᬶᬂᬕ᭄ᬮᬶᬲᬶᬂᬘᬭᬶᬢᬵ᭞ᬢᬦ᭄ᬧ᭄ᬕᬢ᭄ᬳᬲᬸᬓᬦ᭄ᬋᬓᭀ᭞ᬓᭀᬘᬧᬵᬭᬳᬤᬾᬦ᭄ᬭᬸᬲ᭄ᬢᬫ᭄᭟ᬫᬦ᭄ᬢᬸ
ᬓ᭄ᬫᬭᬶᬂᬧᬸᬲᭂᬃᬪᬹᬫᬶ᭞ᬯᬸᬲ᭄ᬧ᭄ᬭᬧ᭄ᬢᬵᬭᬶᬂᬚ᭄ᬭᭀᬧᬸᬭᬵ᭞ᬳᬫᬋᬓ᭄ᬱᬂᬚᬬᬾᬂᬢᬶᬦᭀᬦ᭄᭞ᬯᭀᬂᬫᬾᬦᬓ᭄ᬳᬾᬕᬃᬭᬶᬂᬫᬦᬄ᭞ᬢᬦ᭄ᬧ᭄ᬕᬢ᭄ᬳᬓᬵᬲᬸᬓᬦ᭄᭞ᬫᬓᬵᬫᬶᬯᬄᬢᬫ᭄ᬩᬓ᭄ᬮᬬᬸᬂ᭞ᬮ
ᬯᬦ᭄ᬭᬢᬸᬲ᭄ᬬᬸᬦᬵᬕᬭ᭟ᬲᬫᬢᬾᬦᬶᬦ᭄ᬓ᭄ᬩᭀᬲᬫ᭄ᬧᬶ᭞ᬳᬗᬶᬗᭀᬦᬶᬩᬮᬦᬶᬭ᭞ᬧᬺᬱᬫᬵᬲᬸᬓᬵᬫᬦᬳᬾ᭞ᬍᬯᬶᬄᬢᬵ ᬩᬕᬶᬡ᭄ᬥᬵ ᬳᬫ᭄ᬱ᭄ᬬᬄ᭞ᬦᭀᬭᬲ᭄ᬓᭂᬮ᭄ᬳᬶᬂᬯᬺᬤ
ᬬᬵ᭞ᬢᬦ᭄ᬧ᭄ᬕᬢ᭄ᬳᬲᬸᬓᬦ᭄ᬳᬶᬓᬸ᭞ᬲᬤᬶᬦᬵᬤᬶᬦᬵᬫᬗ᭄ᬓᬦᬵ᭟ᬓᭀᬘᬧ᭄ᬮᬫᬶᬦᬾᬲᬶᬭᬫᬶᬃ᭞ᬳᬗ᭄ᬮᬫ᭄ᬧᬄᬧᬗ᭄ᬓᭀᬦᬶᬂᬳ᭄ᬬᬂ᭞ᬳᬲᬸᬲᬸᬭᬸᬄᬫ᭄ᬭᬶᬂᬧᬺᬓᬢᭀᬦ᭄᭞ᬫᬶᬯᬄᬫ᭄ᬭᬶᬂᬧᬸᬢᬺᬧᭀ
Kaca:Bali-lontar-gaguritan-parwwa-danta-350ppi.pdf/49
Kaca puniki sampun kauji-wacén
