Kaca:Bali-lontar-gaguritan-parwwa-danta-350ppi.pdf/46

Saking Wikisource
Kaca puniki sampun kauji-wacén

[᭔᭕ 45 B]
᭔᭕
ᬧᬸᬢᬺᬓᬶᬭᬸᬲ᭄ᬢᬫ᭄᭞ᬯᬶᬭᬵᬬᬸᬤᬵᬳᬶᬓᬂᬦᬫᬶ᭞ᬲᬶᬭᬧᬢᬶᬄᬓᬂᬩᭀᬜ᭄ᬘᭀᬄᬫᬮᬶᬄᬩᬶᬦᬮᬂ᭟ᬲᬶᬩᭀᬜ᭄ᬘᬄᬯᬶᬱᬵᬮᬸᬗ᭄ᬕᬸᬳᬵ᭞ᬲᬂᬧ᭄ᬭᬪᬸᬫᬮᬶᬄᬳᬫ᭄ᬩᬦ᭄ᬢᬶᬂ᭞ᬩᭀᬜ᭄ᬘᬄᬯᬶᬱᬬᬵᬭᬸᬫ
ᬜ᭄ᬚᬶᬗ᭄ᬓᬂ᭞ᬓᬶᬧᬢᬶᬄᬫᬮᬶᬄᬳᬫ᭄ᬩᬦ᭄ᬢᬶᬂ᭞ᬓᬂᬭᬭᬾᬗᬤᭂᬕ᭄ᬦᬸᬮᬶᬄ᭞ᬲᬂᬧ᭄ᬭᬪᬸᬳᬸᬫ᭄ᬩᬦ᭄ᬢᬶᬳᬶᬓᬸ᭞ᬩᭀᬜ᭄ᬘᬄᬩᬶᬱᬮᬸᬫᬫ᭄ᬧᬄ᭞ᬫᬮᬶᬄᬓᬶᬧᬢᬶᬄᬳᬫ᭄ᬩᬦᬶᬂ᭞ᬳᬶᬓᬂᬩᭀᬜ᭄ᬘᬄ᭞ᬦᬸᬮᬶᬄᬯᬶᬲᬬᬵ
ᬳᬗᬸᬘᬧ᭄᭟ᬲᬂᬧ᭄ᬭᬪᬸᬯᬸᬯᬸᬄᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬳᬗ᭄ᬭᬱᬵᬭᬱᬵᬳᬶᬗᬢᬶ᭞ᬲᬮᬫᬶᬦᬾᬳᬯᬓ᭄ᬳᬶᬗ᭄ᬯᬂ᭞ᬦᭀᬭᬵᬳᬦᬳᭂᬦ᭄ᬳᬫᬗ᭄ᬕᬶᬄ᭞ᬩᭀᬜ᭄ᬘᬄᬓᬂᬓᬤᬶᬳᬶᬓᬶ᭞ᬩᬶᬦᬦ᭄ᬢᬶᬗᬵ
ᬦ᭄ᬲᬬᬦ᭄ᬮᬸᬳᬸᬃ᭞ᬦᬸᬮᬶᬄᬲᬶᬭᬵᬲᬂᬦᬵᬣ᭞ᬳᬜᬦ᭄ᬤᬓ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬯᬶᬭᬵᬬᬸᬤ᭄ᬥᬵ᭞ᬳᬶᬦᬸᬮᬶᬄᬩᬶᬱᬵᬦᬵᬭᬚᬂ᭟ᬘᬶᬦᬦ᭄ᬤᬓ᭄ᬱᬶᬭᬲᬂᬦᬵᬣ᭞ᬫᬓᬵᬫᬶᬯᬄᬲᬶᬭᬧᬢᬶᬄ
[᭔᭖ 46 A]
᭞ᬩᬶᬦᬦ᭄ᬢᬶᬂᬫᬭᬳᬶᬂᬍᬫᬄ᭞ᬕᬸᬮᬸᬦᬾᬳᬯᭀᬃᬮᬦ᭄ᬲᬶᬢᬶ᭞ᬲᬂᬦᬵᬣᬦᬸᬮᬶᬄᬗ᭄ᬫᬲᬶᬦ᭄᭞ᬫ᭄ᬯᬄᬲᬶᬭᬧᬢᬶᬄᬯᬸᬲ᭄ᬮᬫ᭄ᬧᬸᬲ᭄᭞ᬲᬩᬮᬦᬾᬲᬂᬦᬣᬵᬰᬾᬱᬦᬶᬂᬧ᭄ᬚᬄᬳᬮᬭᬶ᭞ᬓᬜ᭄ᬘᬶ
ᬢ᭄ᬧ᭄ᬭᬧ᭄ᬢᬵ᭞ᬦᬪᬶᬳᬶᬮᬶᬃᬳᬦᬾᬂᬢᬯᬂ᭟ᬯᬶᬭᬵᬬᬸᬤᬵᬦᬸᬮᬶᬄᬦᭂᬫ᭄ᬩᬄ᭞ᬬᬗᬶᬮᬶᬃᬗᬦ᭄ᬤᬶᬓᬵᬳᬭᬶᬲ᭄᭞ᬮᬄᬢᬵᬲᬶᬭᬵᬯᬶᬭᬵᬬᬸᬤᬵ᭞ᬩᬬᬵᬲᬶᬭᬵᬢᬦ᭄ᬳᬸᬤᬤᬶ᭞ᬫᬭᬳᬶᬂᬓ
ᬯᬶᬢᬦᬶᬓᬶ᭞ᬯᬶᬭᬵᬬᬸᬤᬵᬳᬯᭀᬢ᭄ᬲᬸᬦ᭄ᬢᬸᬦ᭄᭞ᬢᬸᬳᬸᬳᬫ᭄ᬩᬵᬢᬦ᭄ᬯᬶᬓᬦ᭄᭞ᬫᬭᬶᬂᬳᬶᬓᬂᬬᬬᬄᬩᬶᬩᬶ᭞ᬲᬶᬗ᭄ᬕᬶᬄᬦᬪᬶ᭞ᬳᬶᬮᬶᬃᬲᬧᬵᬭᬫᬦ᭄ᬳᬫ᭄ᬩᬵ᭟ᬩᬕᬶᬡ᭄ᬥᬵᬳᬶᬮᬶᬃᬗ
ᬦ᭄ᬤᬶᬓᬵ᭞ᬫᬗ᭄ᬓᬾᬲᬸᬦ᭄ᬳᬲᬸᬂᬳᬸᬤᬤᬶ᭞ᬭᬫ᭄ᬢᬵᬳᬶᬗᬭᬦ᭄ᬭᬸᬲ᭄ᬢᬫ᭄᭞ᬧᬸᬢ᭄ᬭᬦᬾ ᬲᬂᬚᬬᬾᬂᬧᬢᬶ᭞ᬭᬢᬸᬳᬶᬂᬧᬸᬲᭂᬃᬩᬸᬫᬶ᭞ᬧᬺᬦᬄᬳᬶᬩᬸᬦᬾᬲᬶᬭᬾᬓᬸ᭞ᬦᬶᬤᬾᬯᬶᬫᬺᬢ᭄ᬣᬵ