[᭔᭑ 41 B]
᭔᭑
ᬢᬵᬦᬸᬮᬶᬄᬲᬶᬭᬳᬕᬸᬮᬶᬂ᭞ᬓᬮᬶᬦ᭄ᬢᬂᬓᬾᬦᬓᬶᬂᬓᬳ᭄ᬬᬸᬦ᭄᭞ᬓᭀᬘᬧ᭄ᬭᬳᬤᬾᬦ᭄ᬭᬸᬲ᭄ᬢᬫ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬫᬭᬶᬂᬧᬺᬦᬳᬾᬲᬗᬬᬸ᭞ᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬡᬵᬲ᭄ᬫᬭᬵ᭞ᬳᬦᬸᬮᬶᬄᬳᬸ
ᬫᬢᬸᬃᬳᬭᬶᬲ᭄᭟ᬲᬶᬗ᭄ᬕᬶᬄᬓᬓᬂᬫᬺᬢ᭄ᬣᬵᬳᬸᬮᬦ᭄᭞ᬮᬄᬯᬗᭂᬦ᭄ᬳᬶᬗ᭄ᬲᬸᬦ᭄ᬧᬶᬦ᭄ᬤᬸᬤᬾᬦ᭄ᬳᬕ᭄ᬮᬶᬲ᭄᭞ᬫᬺᬢ᭄ᬣᬵᬳᬸᬮᬦ᭄ᬳᬮᭀᬦ᭄ᬫᬸᬯᬸᬲ᭄᭞ᬳᬧᬕᬯᬾᬦᬾᬲᬶᬭᬵ᭞ᬕᬗ᭄ᬕᬵ ᬲ᭄ᬫᬭᬵᬩ᭄ᬭᬸᬡᬵᬲ᭄ᬫᬭ
ᬳᬭᬶᬲ᭄ᬫᬸᬯᬸᬲ᭄᭞ᬳᬫ᭄ᬩᭂᬓᬶᬦᬾᬦ᭄ᬤᬾᬦᬶᬂᬭᬫᬵ᭞ᬗᬢᬸᬭᬡᬵᬫ᭄ᬭᬶᬂᬲᬶᬭᬾᬓᬶ᭟ᬧᬯᬾᬄᬩᬧᬵᬫ᭄ᬭᬶᬂᬓᬓᬂ᭞ᬳᬶᬓᬶᬲ᭄ᬓᬃᬫᬓᬵᬓᬓᬂᬲᬸᬲᬸᬫ᭄ᬧᬶᬂ᭞ᬤᬾᬯᬶᬫᬺᬢᬵᬳᬸᬮᬦ᭄ᬳᬰ᭄ᬭᬸᬄ᭞ᬳᬗ᭄ᬯᬗᭂᬦᬶ
ᬓᬂᬮᬯᬂ᭞ᬕᬗ᭄ᬕᬵᬲ᭄ᬫᬭᬵᬩ᭄ᬭᬸᬡᬵᬲ᭄ᬫᬭᬵᬳᬕ᭄ᬮᬶᬲ᭄ᬫᬦ᭄ᬢᬸᬓ᭄᭞ᬓᬦ᭄ᬢᬸᬦ᭄ᬱᬶᬭᬭᬤᬾᬦ᭄ᬭᬸᬲ᭄ᬢᬫ᭄᭞ᬳᬦᬸᬮᬶᬄᬲᬶᬭᬵᬳᬸᬫᬜ᭄ᬚᬶᬂ᭟ᬓᬕ᭄ᬬᬢ᭄ᬤᬾᬯᬶᬫᬺᬢ᭄ᬣᬵᬳᬸᬮᬦ᭄᭞ᬭᬤᬾᬦ᭄ᬭᬸ
[᭔᭒ 42 A]
ᬲ᭄ᬢᬫ᭄ᬦᬸᬮᬶᬄᬳᬦᬫ᭄ᬩᬸᬢ᭄ᬳᬕ᭄ᬮᬶᬲ᭄᭞ᬲᬃᬯ᭄ᬯᬶᬲᬶᬭᬳᬮᭀᬦ᭄ᬫᬸᬯᬸᬲ᭄᭞ᬳᬤᬸᬄᬬᬬᬶᬫᬲ᭄ᬳᬶᬗ᭄ᬯᬂ᭞ᬤᬾᬦ᭄ᬢᬸᬫᬸᬮᬸᬲᬶᬭᬵᬬᬬᬶᬫᬸᬧᬸᬳᬶᬗ᭄ᬲᬸᬦ᭄᭞ᬮᬄᬤᬯᭂᬕ᭄ᬬᬬᬶᬢᬦᬶᬤᬺ᭞ᬲᬂᬤᬾᬯᬶᬦᭀᬭ
ᬦᬳᬸᬭᬶᬦ᭄᭟ᬓᬾᬯᬮᬵᬗᭂᬫ᭄ᬩᭂᬗᬶᬂᬯᬲ᭄ᬧᬵ᭞ᬭᬤᬾᬦ᭄ᬭᬸᬲ᭄ᬢᬫ᭄ᬳᬦᬸᬮᬶᬄᬳᬫᬸᬯᬸᬲ᭄ᬳᬭᬶᬲ᭄᭞ᬳᬚᬵᬦᬗᬶᬲ᭄ᬳᬭᬶᬦᬶᬗ᭄ᬲᬸᬦ᭄᭞ᬦᬸᬮᬶᬄᬳᬗᬭᬲᬭᬲ᭄᭞ᬮ᭄ᬯᬶᬃᬓᬸᬫ᭄ᬩᬂᬢᭂᬫ᭄ᬩᬾᬫᬗ᭄ᬕᬶᬄᬲᬭᬶᬡᬶᬂ
ᬲᬦ᭄ᬢᬸᬦ᭄᭞ᬳᬦᬸᬮᬶᬄᬲᬶᬭᬵᬗ᭄ᬭᬸᬫ᭄ᬭᬸᬫᬵ᭞ᬫᬗ᭄ᬓᬾᬯᬸᬲ᭄ᬢᬶᬩᬵᬓᬭᬲ᭄ᬫᬶᬦ᭄᭟ᬲᬓᬶᬂᬕ᭄ᬮᬶᬲᬶᬂᬘᬭᬶᬢᬵ᭞ᬲᬫ᭄ᬧᬸᬦ᭄ᬮᬫᬶᬭᬤᬾᬦ᭄ᬭᬸᬲ᭄ᬢᬫ᭄ᬳᬲ᭄ᬯᬫᬶ᭞ᬫᬾᬄᬯᬾᬦ᭄ᬢᭂᬦ᭄ᬢ᭄ᬭᬶᬳᬸᬮᬦ᭄ᬳᬶᬓᬸ᭞ᬩᭀ
ᬩᭀᬢ᭄ᬦᬶᬫᬺᬢ᭄ᬣᬵᬳᬸᬮᬦ᭄᭞ᬓᬯᬃᬡ᭄ᬦᬵᬳᬭᬚᬵᬧᬡ᭄ᬥᬶᬢᬵᬳᬫᬸᬯᬸᬲ᭄᭞ᬮᬄᬢᬵᬲᬶᬭᬕᬗ᭄ᬕᬵᬲ᭄ᬫᬭᬵ᭞ᬫᬶᬯᬄᬩ᭄ᬭᬸᬡᬵᬲ᭄ᬫᬭᬾᬓᬶ᭟ᬧᬮᬶᬗ᭄ᬕᬭᬵᬳᬦᬔᬶᬗ᭄ᬯᬂ᭞
Kaca:Bali-lontar-gaguritan-parwwa-danta-350ppi.pdf/42
Kaca puniki sampun kauji-wacén
