Kaca:Bali-lontar-gaguritan-parwwa-danta-350ppi.pdf/33

Saking Wikisource
Kaca puniki sampun kauji-wacén

[᭓᭒ 32 B]
᭓᭒
ᬦᬶᬂᬓᭀᬜ᭄ᬘᬭᬵ᭞ᬦᬢᬾᬂᬬᬸᬦ᭄ᬳᬦᬸᬮᬶᬄᬫᬶᬚᬶᬮ᭄᭞ᬢᬧ᭄ᬢᬦᬸᬲ᭄ᬓᬃᬯ᭄ᬯᬵ᭞ᬯᬸᬲ᭄ᬓᬧᬗ᭄ᬕᬶᬄᬮᬦ᭄ᬳᬶᬧᬢᬶᬄ᭟ᬯᬶᬭᬢ᭄ᬚᬬᬵ ᬳᬰ᭄ᬭᬸᬄᬤᬾᬦᬶᬭᬳᬗᬸᬘᬧ᭄᭞ᬳᬾᬄᬲᬧᬵᬫᬮᬶᬄᬧ᭄ᬭᬧ᭄ᬢᬶ᭞
ᬤᭂᬤᭂᬕᬾᬳᬧᬜ᭄ᬚᬂ᭞ᬳᬓᭂᬫ᭄ᬩᬃᬭᬸᬧᬦᬶᬭ᭞ᬢᬧ᭄ᬢᬦᬸᬲ᭄ᬓᬮᬶᬄᬗᬢᬸᬭᬶᬦ᭄᭞ᬳᬾᬄᬯᭀᬂᬓᬸᬧᬃ᭞ᬗᭀᬂᬧ᭄ᬭᬚᬸᬭᬶᬢᬾ ᬳᬫᬶᬃ᭟ᬳᬩᬶᬱᬾᬓᬵᬢᬧ᭄ᬢᬦᬸᬲᭂᬦ᭄ᬢᬦᬸᬲ᭄ᬳᬶᬗ᭄ᬯᬂ᭞ᬳᬶ
ᬬᬸᬦᬦ᭄ᬓᬂᬦᬵᬕ᭄ᬭᬶ᭞ᬩᬮᬶᬓ᭄ᬲᬶᬭᬵᬲᬧᬵ᭞ᬓᬶᬧᬢᬶᬄᬳᬗᬸᬘᬧ᭄᭞ᬯᬶᬭᬢ᭄ᬚᬬᬵᬳᬶᬗ᭄ᬲᬸᬦᬶᬓᬶ᭞ᬧᬧᬢᬶᬄᬳᬶᬭᬵᬤᬾᬦᬶᬂᬰ᭄ᬭᬶᬪᭀᬫᬵ ᬕ᭄ᬦᬶ᭟ᬲᬢ᭄ᬬᬾᬂᬬᬸᬦᬦ᭄‌ᬳᬰ᭄ᬭᬸᬄ
ᬤᬾᬦᬶᬭᬳᬗᬸᬘᬧ᭄᭞ᬮᬄᬬᬧᬬᬸᬳᬚᬸᬭᬶᬢ᭄᭞ᬳᬦᬸᬮᬶᬄᬳᬬᬸᬤᬵ᭞ᬲᬫᬵᬯᬶᬭᬵᬧ᭄ᬭᬓᭀᬱᬵᬓᬶᬦᭂᬫ᭄ᬩᬸᬮᬦ᭄ᬲᬶᬭᬵᬓᬶᬧᬢᬶᬄ᭞ᬲ᭄ᬯᬾᬳᬬᬸᬤᬵ᭞ᬕ᭄ᬮᬶᬲ᭄ᬯᬶᬭᬢ᭄ᬚᬬᬵ
[᭓᭓ 33 A]
ᬧᬢᬶᬄ᭟ᬤᬦ᭄ᬘᬶᬦᬦ᭄ᬥᬓ᭄ᬯᬗ᭄ᬓᬶᬗᬦᬾᬦᬣᬾᬂᬬᬸᬤᬦ᭄᭞ᬲᬓᬭᭀᬦᬾᬘᬶᬦᬗ᭄ᬓᬶᬗ᭄᭞ᬯᬸᬲ᭄ᬮᬶᬦᭂᬩᭀᬓᬦ᭄᭞ᬫᬭᬶᬂᬚ᭄ᬭᭀᬦᬶᬂᬓᭀᬜ᭄ᬘᬭᬵ᭞ᬲᬢ᭄ᬬᬾᬗᬮᬪᬕ᭄ᬮᬶᬲ᭄ᬫᬶᬚᬶᬮ᭄᭞ᬳᬜ
ᬗ᭄ᬓᬶᬂᬧ᭄ᬤᬂ᭞ᬭᬲ᭄ᬧᬢᬶᬧ᭄ᬭᬯᬶᬭᬾᬂᬚᬸᬭᬶᬢ᭄᭟᭛ᬲ᭄ᬫᬭᬦ᭄ᬥᬦᬵ᭛ᬓᬢ᭄ᬫᬸᬮᬯᬦ᭄ᬓᬶᬧᬢᬶᬄ᭞ᬯᬶᬭᬢ᭄ᬚᬬᬵᬳᬰ᭄ᬭᬸᬄᬗᬸᬘᬧ᭄᭞ᬮᬄᬲᬧᬵᬯᭀᬗᬭᬩ᭄ᬱᬓᭀ᭞ᬭᬤᬾᬦ᭄ᬫᬓ᭄ᬢᬮ᭄ᬲᬸᬫ
ᬳᬸᬭᬵ᭞ᬳᬶᬗ᭄ᬲᬸᬦ᭄ᬧᬢᬶᬳᬶᬗᬭᬩ᭄᭞ᬫᬓ᭄ᬢᬮ᭄ᬓᬂᬩᬶᬰᬾᬓᬦ᭄ᬳᬶᬂᬱᬸᬦ᭄᭞ᬳᬶᬗᬮᬩ᭄ᬢᬵᬯᬶᬲ᭄ᬫᬦ᭄ᬓᬶᬗ᭄ᬯᬂ᭟ᬬᬦ᭄ᬲᬶᬭᬲᬧᬾᬓᬶᬓᬧᬶᬃ᭞ᬲᬶᬭᬵᬧᬢᬶᬄᬳᬭᬶᬲ᭄ᬗᬸᬘᬧ᭄᭞ᬯᬶᬭᬢ᭄ᬚᬬᬵᬳᬶᬓᬶ
ᬳᬶᬗᭀᬂ᭞ᬧᬵᬫᬤᬾᬦᬾᬩᭀᬫᬵᬕᭂᬦ᭄ᬬ᭞ᬩ᭄ᬘᬦᬵᬳᬶᬂᬧᬃᬯ᭄ᬯᬵᬤᬦ᭄ᬝᬵ᭞ᬭᬤᬾᬦ᭄ᬫᬓ᭄ᬢᬮ᭄ᬳᬰ᭄ᬭᬸᬄᬫᬸᬯᬸᬲ᭄᭞ᬬᬦ᭄ᬫᬗ᭄ᬓᬦᬵᬧᬬᬸᬳᬧ᭄ᬭᬂ᭟ᬳᬦᬸᬮᬶᬄᬫᬗ᭄ᬓᬾᬳᬚᬸᬭᬶᬢ᭄᭞ᬲᬫ