[᭒᭖ 26 B]
᭒᭖
ᬫᬦ᭄ᬳᬦᬯᬸᬭᬶᬦ᭄᭞ᬲᬧᬵᬢᬵᬲᬶᬭᬵ ᬦᬾᬂᬚᬩᬵ᭞ᬳᬃᬱᬯᬶᬦᬗᭂᬓᬦ᭄ᬓᬸᬭᬶ᭞ᬲᬂᬦᬣᬳᬮᭀᬦ᭄ᬳᬗᬸᬘᬧ᭄᭞ᬳᬫ᭄ᬩᬳᬶᬓᬶᬪᭀᬫᬵ ᬕ᭄ᬦᬶ᭟ᬲᬸᬫᬤ᭄ᬬᬳᬃᬱᬵᬳᬢ᭄ᬫᬸ᭞ᬧᬸᬦ᭄ᬓᬓᬂᬮ
ᬦ᭄ᬲᬶᬭᬵᬬᬬᬶ᭞ᬲᬂᬲᬶᬮᬸᬫᬦ᭄ᬲᬸᬫᬳᬸᬭᬵ᭞ᬢᬦ᭄ᬳᬋᬧ᭄ᬳᬶᬗ᭄ᬲᬸᬦ᭄ᬳᬫᬶᬚᬶᬮ᭄᭞ᬲᬂᬧ᭄ᬭᬪᬸᬳᬮᭀᬦ᭄ᬳᬗᬸᬘᬧ᭄᭞ᬳᬚᬵᬫᬗ᭄ᬓᬦᬵ ᬫᬲ᭄ᬬᬯᬶ᭟ᬤᬾᬦᬵᬧᬶᬂᬲᬶᬗ᭄ᬕᬶᬄᬳᬸᬚᬃᬳᬶᬗ᭄ᬲᬸᬦ᭄᭞
ᬲᬶᬭᬵᬆᬫᬓᬵ ᬳᬶᬗ᭄ᬲᬸᬦ᭄ᬕᬸᬲ᭄ᬢᬶ᭞ᬳᬗᬤᭂᬕ᭄ᬫᬭᬶᬂᬓᬤᬢ᭄ᬯᬦ᭄᭞ᬳᬗ᭄ᬕ᭄ᬭᬾᬄᬲᬚ᭄ᬭᭀᬤᬕᬶᬂᬧᬸᬭᬶ᭞ᬲᬂᬲᬶᬮᬸᬫᬦ᭄ᬲᬸᬫᬳᬸᬭᬵ᭞ᬢᬦ᭄ᬲᬸᬓᬵ ᬳᬯᬓ᭄ᬲᬸᬦ᭄ᬳᬶᬓᬶ᭟ᬲᬂᬧ᭄ᬭᬪᬸᬳᬮᭀᬦ᭄ᬳᬫᬸᬯᬸ
ᬲ᭄᭞ᬫᬭᬳᬶᬂᬲᬶᬭᬓᬶᬧᬢᬶᬄ᭞ᬮᬄᬢᬵ ᬲᬶᬭᬯᬶᬭᬢ᭄ᬚᬬᬵ᭞ᬫᬓᬵ ᬫᬶᬯᬄᬲ᭄ᬮᭀᬓᬵ ᬧᬢᬶ᭞ᬧᬭᬦ᭄ᬫᬗ᭄ᬓᬾ ᬓᬾᬤᬄᬳᬶᬗ᭄ᬯᬂ᭞ᬤᬶᬤᬶᬦᬾᬳᭀᬮᬶᬄᬳᬸᬫᬜ᭄ᬚᬶᬂ᭟ᬓᬶᬧᬢᬶᬄ
[᭒᭗ 27 A]
ᬓᬮᬶᬄᬳᬸᬫᬢᬸᬃ᭞ᬲᬶᬗ᭄ᬕᬶᬄᬤᬾᬯᬵᬰ᭄ᬭᬶᬪᬸᬧᬢᬶ᭞ᬩ᭄ᬘᬶᬓ᭄ᬕ᭄ᬲᭂᬂᬳᬶᬓᬶᬢ᭄ᬯᬦ᭄᭞ᬲᬂᬧ᭄ᬭᬪᬸᬮᬶᬗᬶᬭᬵᬳᬭᬶᬲ᭄᭞ᬳᬩᭂᬦᭂᬳᬃᬱᬵᬦᬾ ᬧᬢ᭄ᬬ᭞ᬦᬸᬮᬶᬄᬲᬶᬭᬵᬧᬢᬶᬄᬓᬮᬶᬄ᭟ᬓ
ᬯᬶᬲ᭄ᬫᬵᬦᬶᬦᭂᬲᭂᬂᬳᬶᬓᬸ᭞ᬓᬮᬶᬦ᭄ᬢᬗᬕᭂᬗᬕ᭄ᬦᬶ᭞ᬗᬫ᭄ᬩᬭᬵᬫᬗ᭄ᬓᬾᬗᬯ᭄ᬬᬢ᭞ᬲᬶᬭᬭᬤᬾᬦ᭄ᬧᬓᬸᬯᬚᬶ᭞ᬲᬂᬦᬵᬣᬳᬯᬲ᭄ᬢᬸᬫᬶᬗᬮ᭄᭞ᬫᬓᬫᬶᬯᬄᬲᬶᬭᬵᬧᬢᬶᬄ᭟
ᬳᬦᬸᬮᬶᬄᬫᬗ᭄ᬓᬾ ᬮᬶᬦᬸᬭᬸᬄ᭞ᬫᬃᬫ᭄ᬫᬬᬵ ᬤᬾᬦᬵᬳᬶᬂᬲᬗᬚᬶ᭞ᬓᬶᬧᬢᬶᬄᬫᬶᬯᬄᬓᬂᬩᬮᬵ᭞ᬲᬧᬭᬦ᭄ᬧᬭᬦ᭄ᬳᬶᬗᬸᬲᬶ᭞ᬢᬦ᭄ᬓᭀᬘᬧ᭄ᬲᬶᬭᬲᬂᬦᬵᬣ᭞ᬓᬯᬸᬯᬸᬲᭂᬦ᭄ᬧ
ᬓᬸᬯᬚᬶ᭟ᬯᬸᬲ᭄ᬳᬲᬮᬶᬦ᭄ᬯᬃᬡ᭄ᬦᬦ᭄ᬳᬶᬧᬸᬦ᭄᭞ᬓᬤᬶᬯᬃᬡ᭄ᬦᬦᬾᬭᬶᬂᬗᬸᬦᬶ᭞ᬯᬸᬲ᭄ᬳᬦ᭄ᬤᬤᬶᬯᬦᬶᬢᬵ᭞ᬦ᭄ᬤᬭᬸᬂᬫᬗ᭄ᬓᬾ ᬢᬶᬦ᭄ᬤᬓ᭄ᬦᬾᬓᬶ᭞ᬳᬦᬸᬚᬸᬳᬦᬾᬂᬦᬵᬕᬭᬵ᭞ᬯᬸ
Kaca:Bali-lontar-gaguritan-parwwa-danta-350ppi.pdf/27
Kaca puniki sampun kauji-wacén
