Kaca:Bali-lontar-gaguritan-parwwa-danta-350ppi.pdf/21

Saking Wikisource
Kaca puniki sampun kauji-wacén

[᭒᭐ 20 B]
᭒᭐
ᬦ᭄ᬤᬃᬳᬸᬲᬶᬦ᭄᭞ᬳᬶᬦᬸᬯᬸᬲ᭄ᬓᬲᭀᬭᬦ᭄᭞ᬲᬶᬭᬵᬢ᭄ᬫᬃᬤ᭄ᬥᬵᬤᬸᬲ᭄ᬱᬸᬓᬵᬭᬤᬶᬲ᭄᭞ᬕᬶᬦ᭄ᬩᭀᬓ᭄ᬳᬦᬾᬦᬵᬕ᭄ᬓᭀᬜ᭄ᬘᬭ᭟ᬫᬸᬂᬲᬳᬶᬓᬵᬯᬺᬢᬦᬾᬧᬸᬦ᭄ᬲ᭄ᬓᬃᬬᬓ᭄ᬱᬶ᭞ᬤᬢᭂᬗᬾᬓ
ᬳᬸᬮᬵ᭞ᬓᬕ᭄ᬬᬢ᭄ᬱᬶᬭᬵᬩᬕᬶᬡ᭄ᬥᬵᬫᬶᬃ᭞ᬫᬗᬸᬫᬗᬸᬢᬦ᭄ᬧᬗᬸᬘᬧ᭄᭟᭛ᬲᬶᬦᭀᬫ᭄᭛ᬓᬮᬶᬦ᭄ᬢᬂᬓᬗᭂᬦᬾ ᬳᬫ᭄ᬱ᭄ᬬᬄ᭞ᬫᬶᬯᬄᬭᬢᬸᬲ᭄ᬬᬸᬦᬵᬕᬭᬶ᭞ᬯ᭄ᬓᬲᬦ᭄ᬯᭀᬂᬫᬾ
ᬦᬓ᭄ᬗᬸᬘᬧ᭄᭞ᬳᬾᬄᬢᬵ ᬲᬶᬭᬧᬓᬸᬯᬚᬶ᭞ᬮᬄᬓᬓᬂᬳᬮᬸᬫᬭᬶᬲ᭄᭞ᬢᬶᬮᬶᬓ᭄ᬦᬵᬧᬸᬦᬂᬲᬢ᭄ᬭᬸ᭞ᬬᬦ᭄ᬯᬸᬲ᭄ᬓᬦ᭄ᬢᭂᬦ᭄ᬓᬂᬧᬺᬡᬄ᭞ᬤᬾᬦᬾᬗ᭄ᬕᬮ᭄ᬓᬓᬗᬯᬮᬶ᭞ᬳᬸᬫᬃᬫ᭄ᬫᬬᬵ᭞ᬳᬫᬶᬢ᭄ᬳᬦᬸ
ᬮ᭄ᬬᬗᬫ᭄ᬩᬭᬵ᭟ᬳᬗᬶᬫ᭄ᬩᬂᬗᬶᬫ᭄ᬩᬂᬦᬾᬂᬢᬯᬂ᭞ᬦᬸᬮᬶᬄᬫᬗ᭄ᬓᬾ ᬯᬸᬲ᭄ᬓᬳᬓ᭄ᬱᬶ᭞ᬧᬲᬗ᭄ᬕ᭄ᬭᬵᬳᬦ᭄ᬭᬚᬵᬓᬸᬧᬃ᭞ᬫᬃᬫ᭄ᬫᬬᬵᬫᬶᬘᬭᬾᬂᬳᬢᬶ᭞ᬳᬶᬓᬶᬩᬬᬵᬗ᭄ᬕᭀᬦᬾᬓᬶ᭞ᬯᭀᬂᬓᬸᬧᬃᬳᬶᬓᬸ
[᭒᭑ 21 A]
ᬓᬸᬓᬸᬯᬸᬂ᭞ᬢᬦᬸᬮᬶᬄᬲᬶᬭᬵᬢᬸᬫᭂᬦ᭄ᬤᬓ᭄᭞ᬯᬸᬲ᭄ᬧ᭄ᬭᬧ᭄ᬢᬵᬫᬭᬳᬶᬂᬲᬶᬢᬶ᭞ᬳᬸᬫᬃᬫ᭄ᬫᬬᬵᬳᬲᬮᬶᬦ᭄ᬓᬂᬯᬃᬡ᭄ᬦᬦᬶᬭᬵ᭟ᬢᬦ᭄ᬤᬤᬾᬧᬯᬾᬲ᭄ᬢ᭄ᬭᬶᬲᬶᬭᬵ᭞ᬭᬸᬧᬦᬾ ᬳᬬᬸᬮᬶᬦᬸᬯᬶᬄ᭞ᬳᬦᬸᬮᬶᬄᬲᬶ
ᬭᬮᬸᬫᬫ᭄ᬧᬄ᭞ᬧᭀᬮᬳᬾ ᬳᬗ᭄ᬕᬯᬾ ᬧᬮᬶᬂ᭞ᬤᬾᬦᬶᬂᬓᬶᬧᬓᬸᬯᬚᬶ᭞ᬗᬤᬸᬉᬱᬥᬵᬧᬸᬦᬶᬓᬸ᭞ᬢᬶᬗ᭄ᬓᬄᬮ᭄ᬯᬶᬃᬩᬩᭀᬬᭀᬗᬦ᭄᭞ᬢᬸᬗ᭄ᬕᬮ᭄ᬫᬮᬾᬮᬵ ᬤᬾᬦ᭄ᬗᬸᬗ᭄ᬲᬶ᭞ᬲᬵ
ᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬫᬭᬶᬂᬧᬲᬗ᭄ᬕ᭄ᬭᬳᬦ᭄ᬓᬸᬧᬃ᭟ᬓᬕ᭄ᬬᬢ᭄ᬢᬸᬗ᭄ᬕᬮ᭄ᬫᬮᬾᬮᬵᬫᬯᬲ᭄᭞ᬤᬾᬦᬶᬂᬯᭀᬂᬧᬯᬾᬲ᭄ᬢ᭄ᬭᬶᬧ᭄ᬭᬧ᭄ᬢᬶ᭞ᬯᬃᬡ᭄ᬦᬦᬾᬳᬬᬸᬓᬮᬶᬦ᭄ᬢᬂ᭞ᬳᬸᬮᬗᬸᬦ᭄ᬱᬶᬭᬵ ᬲᬗᬚᬶ᭞
ᬦᬸᬮᬶᬄᬲᬶᬭᬵᬗ᭄ᬮᬶᬗᬭᬶᬲ᭄᭞ᬳᬾᬄᬲᬧᬵᬲᬶᬭᬵᬯᭀᬂᬳᬬᬸ᭞ᬲᬶᬮᬸᬫᬦ᭄ᬲᬸᬫᬳᬸᬭᬵ᭞ᬳᬫ᭄ᬩᬵ ᬳᬭᬦ᭄ᬫᬸᬦᬶᬕᬭᬶᬫ᭄᭞ᬢᬸᬗ᭄ᬕᬮ᭄ᬫᬮᬾᬮᬵ᭞ᬳᬯᬸᬯᬸᬄᬓᬲ᭄ᬫᬭᬦᬶᬭ