[᭕ 5 B]
᭕᭟
ᬲ᭄ᬜ᭞ᬩᬮ᭞ᬓᬸᬓᬸᬄᬚ᭄ᬯᬓᬃᬣᬶᬦᬶᬦ᭄᭞ᬓᬸᬓᬸᬳᬾᬧᬲ᭄ᬢᬶᬓᬮᬶᬮᬶᬄ᭞ᬓᬯᭀᬦ᭄ᬳᬦ᭄ᬢᬸᬓᬶᬂᬓᬯ᭄ᬭᬸᬄ᭞ᬳᭂᬤᬘᬳᬶᬫᬗᬸᬗ᭄ᬕᬸᬮᬂ᭞ᬓᬓᬸᬓᬸᬳᬦ᭄ᬓᬰᬓ᭄ᬢᬶᬦ᭄᭞ᬢᬢᬦ᭄ᬫᬫ᭄ᬧᬸᬄ
᭞ᬘᬳᬶᬗᬮᬳᬂᬫᬵᬦᬸᬱ᭟᭐᭟ᬳᬧᬦᬶᬓᬂᬲᬃᬯ᭄ᬯᬪᬹᬢ᭞ᬓᬜ᭄ᬘᬦ᭄ᬳᬸᬭᬶᬧᬾᬤᬶᬕᬸᬫᬶ᭞ᬚᬦ᭄ᬫᬫᬵᬦᬸᬱᬫᭀᬢ᭄ᬢᬫ᭞ᬲᬶᬤ᭄ᬥᬫᬦᬸᬮᬸᬗᬶᬦ᭄ᬤᬶᬭᬶ᭞ᬫᬲᬥᬦ
ᬳᬦ᭄ᬢᬸᬓ᭄ᬢᬶᬦ᭄ᬤᬶᬄ᭞ᬧᬕᬸᭂᬂᬕᭂᬄᬭᬶᬂᬓᬃᬫ᭄ᬫᬭᬳᬬᬸ᭞ᬗᭂᬦ᭄ᬢᬲ᭄ᬲᬳᬦᬦᬶᬂᬧᬵᬧ᭞ᬤᭀᬱᬲᬗ᭄ᬲᬭᬦ᭄ᬜᬪᬱ᭄ᬫᬶ᭞ᬓᬾᬢᭀᬢᬸᬳᬸ᭞ᬓᭀᬢ᭄ᬢᬫᬦ᭄ᬜᬳᬶᬫᬵᬦᬸᬱ᭟᭐᭟
ᬧᬸᬧᬸᬄᬕᬶᬦᬥ᭟᭐᭟ᬢᬦ᭄ᬧᬸᬧᬸᬢᬶᬕᬚᬄᬗᬸᬘᬧ᭄᭞ᬳᬶᬫᬘᬦ᭄ᬲᬕᬾᬢ᭄ᬫᬮᬳᬶᬩ᭄᭞ᬗᬸᬗ᭄ᬲᬶᬕᭂᬦᬄᬳᬶᬧᬧᬓ᭞ᬲᬳᬲᬳᬶᬧᬸᬦ᭄ᬓᬩᬸᬭᬸ᭞ᬓᬳᬶᬦ᭄ᬢᬶᬧ᭄ᬲ
[᭖ 6 A]
ᬓᬾᬂᬧᬸᬗ᭄ᬓᬸᬃᬜ᭞ᬢᬫ᭄ᬧᭂᬓᬸᬕᬶ᭞ᬚᬕ᭄ᬳᬤᬯᬦᬭᬶᬜᬶᬗᬓ᭄᭟᭐᭟ᬳᬬᬢᬦᬶᬫᬘᬦ᭄ᬜᬭᬧ᭄᭞ᬲᬂᬯᬦᬭᬶᬧᬸᬦ᭄ᬫᬯᬗ᭄ᬲᬶᬢ᭄᭞ᬦᬸᬦ᭄ᬤᬾᬦ᭄ᬫᬓᭂᬦᭀᬕ᭄ᬗᬾᬗ᭄ᬕᬮᬂ᭞᭠
ᬭᬾᬄᬫᬘᬦ᭄ᬦᬕᬶᬄᬫᬜᬯᬸᬧ᭄᭞ᬳᬶᬧᬧᬓᬮᬶᬦ᭄ᬢᬂᬩᭂᬘᬶᬓ᭄᭞ᬫᬗᬸᬮᬦ᭄ᬢᬶᬂᬲᬂᬯᬦᬭᬷᬲᬾᬩᭂᬢ᭄ᬜᭂᬫᬓ᭄᭟᭐᭟ᬳᬶᬧᬧᬓᬧᬸᬦ᭄ᬫᬓᭂᬲ᭄ᬬᬩ᭄᭞ᬢᬗ᭄ᬓᭂᬚᬸᬢ᭄ᬮᬶ
ᬦ᭄ᬢᬂᬳᬚ᭄ᬭᬶᬄ᭞ᬧᭂᬮᬸᬄᬧᬶᬤᬶᬢ᭄ᬫᬓᭀᬘᭀᬕᬦ᭄᭞ᬳᬯᬓ᭄ᬗᭂᬢᭀᬃᬢᬦ᭄ᬧᬩᬬᬸ᭞ᬳᬶᬫᬘᬦ᭄ᬓ᭄ᬭᭀᬥᬓᬮᬶᬦ᭄ᬢᬂ᭞ᬭᬶᬂᬯᬦᬭᬷ᭞ᬢᬸᬫᬸᬮᬶᬦᬸᬤᬶᬂᬫᬫᬢ᭄ᬩᬢ᭄᭟᭐
᭟ᬳᬶᬜᬾᬳᬶᬯᬦᬭᬷᬦᬶᬱ᭄ᬝ᭞ᬢᬦ᭄ᬓᬶᬫᬸᬤ᭄ᬓᭂᬤᬾᬓᬶᬦ᭄ᬕᬸᬫᬶ᭞ᬤᬤᬶᬜᬳᬶᬲᬮᬄᬢᬶᬗ᭄ᬓᬄ᭞ᬦᬸᬮᬸᬗᬶᬦᬶᬢᬸᬳᬩᬸᬭᬸ᭞ᬦᬾᬢᬦ᭄ᬫᬭᬶᬗᬃᬤ᭄ᬥᬶᬭᬸᬲᬓ᭄᭞ᬗᭂᬧᬾᬢ᭄ᬧᬢᬶ
Kaca:Bali-lontar-gaguritan-papaka-350ppi.pdf/6
Kaca puniki sampun kauji-wacén
