Kaca:Bali-lontar-gaguritan-papaka-350ppi.pdf/4

Saking Wikisource
Kaca puniki sampun kauji-wacén

[᭓ 3 B]
᭓᭟
ᬢ᭄ᬓᬭᬯᭀᬲᬂ᭞ᬤᬾᬯᬾᬓᬦ᭄ᬤᬸᬕᬶᬫᬦᬸᬮᬤ᭄᭞ᬬᬤᬶᬦ᭄ᬓᬳᬸᬘᬧᬼᬯᬶᬄ᭞ᬤᬾᬯᬾᬓ᭄ᬘᬸᬫ᭄ᬧᬸ᭞ᬲᬓᬶᬂᬳᬮᬸᬄᬫᭀᬢᬄᬗᬫᬄ᭟᭐᭟ᬲᬧᬸᬦᬶᬓᬧᬲᬫ᭄ᬩᬢ᭄ᬜ
᭞ᬗᬸᬭᬶᬫᬶᬓ᭄ᬲᬱᬜ᭄ᬚᬂᬫᬃᬕ᭄ᬕᬶ᭞ᬓᬜ᭄ᬘᬶᬢ᭄ᬳᬤᬕᬚᬄᬘᬶᬗᬓ᭄᭞ᬗᬫ᭄ᬩᬶᬲ᭄ᬳᬫ᭄ᬩᬸᬂᬲᬫ᭄ᬧᬶᬂᬫᬃᬕ᭄ᬕᬶ᭞ᬳᬶᬕᬚᬄᬦᬸᬮᬶᬓᬳᬶᬦ᭄ᬢᬶᬧ᭄᭞ᬓᬧᬦᬄᬓᭂᬦᬶᬭᬶᬂᬧᬸᬧᬸ᭞ᬳᬶᬕᬚᬄᬭᬭᬶ
ᬲ᭄ᬫᬸᬭᬾᬗᬂ᭞ᬢᬗ᭄ᬓᭂᬚᬸᬢ᭄ᬦᬸᬮᬶᬫᬮᬳᬶᬩ᭄᭞ᬢᬸᬃᬓᬩᬸᬭᬸ᭞ᬳᬶᬕᬚᬄᬭᬯᬸᬄᬭᬶᬂᬳᬮᬲ᭄᭟᭐᭟ᬭᬯᬸᬄᬭᬶᬂᬢᭂᬗᬳᬶᬂᬳᬮᬲ᭄᭞ᬓᬘᬸᬦ᭄ᬤᬸᬓᬶᬫᬺᬕᬧᬢᬶ᭞ᬲᬂ
ᬫᬘᬦ᭄ᬦᬸᬮᬶᬦᬓᬾᬦᬂ᭞ᬳᬯᬦᬦᬶᬕᬚᬄᬫ᭄ᬚ᭄ᬭᬶ᭞ᬳᬶᬕᬚᬄᬭᬭᬶᬲ᭄ᬫᬶᬤᬃᬣᬶ᭞ᬦᬸᬢᬸᬭᬂᬯᬾᬓ᭄ᬓᬩᬸᬭᬸ᭞ᬲᬧᬸᬧᬸᬢᬶᬕᬚᬄᬗᭀᬣ᭞ᬳᬶᬫᬘᬦ᭄ᬫᬲᬯᬸᬃᬚᭂ
[᭔ 4 A]
ᬗᬶᬲ᭄᭞ᬉᬥᬸᬄᬚᬸᬕᬸᬮ᭄᭞ᬓᬶᬫᬸᬤ᭄ᬓᬳᬶᬫᬤᬶᬗᭂᬳᬂ᭟᭐᭟ᬦᬶᬃᬕᬸᬡᬩᬮᬸᬗᬾᬳᬓᬲ᭄᭞ᬫᬵᬦᬸᬱᬦᬶᬱ᭄ᬝᬢᬓᬸᬢᬶᬦ᭄᭞ᬘᬳᬶᬢᬦ᭄ᬗᬯᬾᬦᬂᬕᭂᬦᬄ᭞ᬓᬳᬶ
ᬤᬤᬶᬭᬢᬸᬤᬶᬦᬶ᭞ᬗᬫᭀᬂᬲᬸᬓᬺᬢᬦᬶᬂᬳᬤ᭄ᬭᬶ᭞ᬗᬶᬢᬸᬗᬂᬩᬸᬭᭀᬦ᭄ᬤᬶᬕᬸ᭠ᬦᬸᬂ᭞ᬗᬸᬤᬘᬳᬶᬢᬦ᭄ᬫᬦᬸᬮᬤ᭄᭞ᬢᭂᬓᬾᬦ᭄ᬓᬧᬸᬭᬸᬱᬦ᭄ᬓᬳᬶ᭞ᬓᬳᬶᬓᬲᬸᬩ᭄᭞ᬕ᭠
ᬮᬓ᭄ᬢᬦ᭄ᬲᬫᬤᬶᬚᬕᬢ᭄᭟᭐᭟ᬢᬶᬗ᭄ᬓᬄᬘᬳᬶᬮᬶᬦ᭄ᬢᬂᬢᬸᬗ᭄ᬓᬲ᭄᭞ᬢᬓᬾᬦ᭄ᬧᬤᬩ᭄ᬤᬩᬶᬂᬕᬸᬫᬶ᭞ᬯᬾᬭᬾᬄᬲᬵᬫ᭄ᬧᬸᬦ᭄ᬚᬵᬢᬶᬮᬸᬫ᭄ᬩ᭄ᬭᬄ᭞ᬧᬜ᭄ᬚᬓ᭄ᬫᬦᬶᬭᬸ᭠
ᬪᬹᬧᬢᬶ᭞ᬬᬦ᭄ᬦᬣᬢᭂᬍᬩ᭄ᬫᬫᬮᬶᬂ᭞ᬧᬜ᭄ᬚᬓ᭄ᬜᬗᬍᬗᬶᬢ᭄ᬘᬸᬫ᭄ᬧᬸ᭞ᬧᬦᬸᬦ᭄ᬢᬸᬦ᭄ᬯᬶᬓᬦ᭄ᬫᬓᭂᬫ᭄ᬩᬃ᭞ᬧᬜ᭄ᬚᬓ᭄ᬜᬫᬫᭀᬢᭀᬄᬧᬲ᭄ᬢᬶ᭞ᬘᬳᬶᬢᬓᬸᬢ᭄᭞ᬕᬸᬲ᭄ᬢᬶᬦ᭄ᬘᬳᬶ