[᭓᭖ 36 B]
᭓᭖᭟
ᬲᬫ᭄ᬧᬸᬭ᭞ᬢᬦ᭄ᬧᬶᬲᬦᬶᬧᬸᬦ᭄ᬗᬭᬸᬗᬸ᭞ᬓᬸᬫᬸᬄᬦᬶᬩᬓᬂᬕᭂᬫᭂᬮᬦ᭄᭟᭐᭟ᬕᬯᭀᬓ᭄ᬢᬶᬢ᭄ᬬᬂᬫᬭᬶᬂᬳᬢᬶ᭞ᬭᬾᬄᬦᬶᬂᬤᬸᬓ᭄ᬤᬶᬚᬕᬢ᭄᭞ᬢᬶᬢ᭄ᬬᬂᬗᭂᬮᬄᬚᬶᬫᬢ᭄ᬓᬯᭀ᭠
ᬢ᭄᭞ᬗᬃᬤ᭄ᬥᬶᬭᬵᬕᬢᭂᬕᬸᬄᬓᬸᬯᬢ᭄᭞ᬢᬦᬦᬩᬦᬶᬫᬮᬶᬳᬢ᭄᭞ᬓᬮᬶᬂᬓᬾᬧᬸᬭᬸᬦ᭄ᬫᬫᬸᬓᬸᬮ᭄᭞ᬓᬜ᭄ᬘᬶᬢᬶᬭᬶᬓᬶᬚᬕ᭄ᬢᬯᬄ᭟᭐᭟ᬢᭂᬕᬸᬄᬢᬶᬢ᭄ᬬᬗᬾᬚ᭠
ᬕ᭄ᬮᬶᬲᬶᬓ᭄᭞ᬧᬗᬭᬸᬳᬾᬢᬍᬃᬳᬶᬮᬂ᭞ᬰᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬓᬯᭀᬦ᭄᭞ᬳᬯᬦᬦ᭄ᬢᬶᬢ᭄ᬬᬂᬫᬦᬸᬦᬲ᭄᭞ᬭᬶᬂᬤᬶᬚᬓᬧᬫᬕᭂᬦᬄ᭞ᬳᬚᬓ᭄ᬢᬶᬢ᭄ᬬᬂᬩᬋᬂᬤᬶᬢᬸ᭞ᬭᬶᬂᬮᬶ
ᬗ᭄ᬕᬶᬄᬳᬶᬩᬸᬮᬦ᭄ᬩᬧ᭟᭐᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬩᬶᬩᬶ᭞ᬲᬶᬕᬸᬕ᭄ᬢᬶᬢ᭄ᬬᬗᬾᬤᬶᬚᬕᬢ᭄᭞ᬧᬮᬂᬧᬂᬭᬶᬂᬳᬶᬩᬸᬩᬧ᭞ᬧᬸᬭᬸᬦ᭄ᬫᬫᬶᬲᬸᬄᬫᬦᬶᬜ᭄ᬚᬓ᭄᭞
[᭓᭗ 37 A]
ᬓᬵᬮᬩᬧᬢᬦ᭄ᬜᬶᬤᬬᬂ᭞ᬗᬸᬮᬸᬭᬶᬦ᭄ᬢᬶᬢ᭄ᬬᬂᬤᬸᬓ᭄ᬩᬸᬤᬸᬄ᭞ᬓᬢᬶᬢᬄᬳᭀᬮᬶᬄᬇᬦ᭄ᬤ᭄ᬭᬶᬬ᭟᭐᭟ᬬᬤᬶᬓᬮᬳᬶᬩᬸᬳᬚᬷ᭞ᬓᬳᬦ᭄ᬤᬸᬄᬓᬶᬢᬮᬭ᭞
ᬚᬵᬢᬶᬢᬶᬢ᭄ᬬᬂᬢᬢᬦᬺᬗᬵᭂ᭞ᬫᬓᬫᬶᬯᬄᬓᬵᬮᬧᭂᬚᬄ᭞ᬢᬶᬢ᭄ᬬᬂᬢᬢᬦ᭄ᬫᬗᬩᬾᬦᬂ᭞ᬤᬾᬦᬶᬂᬢᬶᬢ᭄ᬬᬂᬢᬢᬦ᭄ᬘᬸᬫ᭄ᬧᬸ᭞ᬗᬯᬗᬸᬦ᭄ᬧᬜ᭄ᬘᬬᬚ᭄ᬜᬵ᭟᭐
᭟ᬧᬸᬧᬸᬄᬥᬂᬥᬂ᭟᭐᭟ᬳᬸᬥᬸᬄᬧᬸᬶᬂᬧᬸᬶᬂᬓᬸᬶᬂᬤᬾᬯ᭞ᬲᬂᬧᬧᬓᬚᬶᬯᬦ᭄ᬩᬶᬩᬶ᭞ᬦᬄᬧᬸᬋᬗᬂ᭞ᬳᬶᬩᬸᬫᬧᬶᬤᬃᬣ᭞ᬗᬗ᭄ᬳᬶᬂᬚᬦ᭄ᬢᭀᬲ᭄ᬤᬾᬯᬭᬶᬳᬶᬦ᭄᭞ᬳᬶᬥᬂᬥᬂ
ᬩᬸᬦᬸᬦᬲ᭄ᬓᬵᬮᬤᬸᬫᬸᬦ᭄᭞ᬭᬶᬂᬳᬶᬤᬲᬂᬜᬶᬓ᭄ᬱᬘᭂᬦᬶᬂ᭞ᬳᬶᬗ᭄ᬕᬶᬄᬭᬢᬸᬲᬂᬓᬶᬗ᭄ᬓᬭ᭞ᬳᬶᬘᬾᬦᬶᬦ᭄ᬚᬢᬶᬢ᭄ᬬᬂᬯᬓ᭄ᬢᬸ᭞ᬧᬘᬂᬫᬩᬯᭀᬲ᭄ᬭᬶᬂᬧ᭄ᬬᬦᬓ᭄᭞ᬲᬂ
Kaca:Bali-lontar-gaguritan-papaka-350ppi.pdf/37
Kaca puniki sampun kauji-wacén
