Kaca puniki sampun kauji-wacén
[᭒᭙ 29 B]
᭒᭙᭟
ᬳ᭄ᬬᬂᬧᬜ᭄ᬘᬫᬳᬵᬪᬹᬢ᭞ᬳᬧᬂᬢᬯᬂᬯᬶᬰᬾᬱᬦ᭄ᬜ᭞ᬲᬸᬭᬸᬧᬂᬭᬶᬂᬚ᭄ᬭᭀᬦᬶᬢᬦᬸ᭞ᬲᬧᬸᬦᬶᬓᬶᬧᬶᬤᬃᬣᬦ᭄ᬜ᭟᭐᭟ᬧᬸᬦᬶᬓᬲᬫᭂᬢᭀᬜ᭄ᬚᬢᬶ᭞ᬜᬫ
ᬧᬶᬦᬶᬄᬮᬸᬳᬸᬃᬓᭀᬘᬧ᭄᭞ᬢᭀᬦᬾᬫᬭᬵᬳᬬᬾᬄᬜᬵᬫ᭄᭞ᬫᬦᬤᬶᬲᬂᬪᬹᬢᬧᭂᬝᬓ᭄᭞ᬬᬤᬶᬦ᭄ᬳᬗ᭄ᬕᬧᬢᬶᬪᬹᬢ᭞ᬢᬍᬃᬧᬸᬦᬶᬓᬯᬶᬦᬸᬯᬸᬲ᭄᭞ᬲᬂᬪᬾ
ᬤᬭᬲᬓᬮᭀᬓ᭄ᬢᬄ᭟᭐᭟ᬫᬤᭂᬕ᭄ᬧᬢᬶᬄᬳᬸᬮᬸᬦ᭄ᬲ᭄ᬯᬶ᭞ᬫᬧᬭᬩ᭄ᬳᬶᬭᬢᬸᬗᬸᬭᬄ᭞ᬢᬗ᭄ᬓᭂᬩ᭄ᬮᬗᬶᬢ᭄ᬚᬸᬯᬓᬩᬯᭀᬲ᭄᭞ᬤᬾᬯᬢᬸᬕᬸᬳᬢᬄᬳᬶᬤ᭞
ᬩᬤᬸᬕᬸᬮ᭄ᬲᭂᬤᬳᬦ᭄ᬲᬯᬄ᭞ᬧᬗᭂᬫ᭄ᬧᬸᬗᬸᬫᬶᬢᬦ᭄ᬲᬸᬭᬸᬤ᭄᭞ᬤᬤᬶᬲᬃᬯ᭄ᬯᬲᬢᭀᬳᬶᬤ᭟᭐᭟ᬬᬾᬦᬶᬂᬭᬶᬂᬳᬗ᭄ᬕᬦᬶᬂᬚᬦ᭄ᬫᬶ᭞ᬭᬶᬂᬓᬸᬮᬶᬢ᭄ᬚᬸᬯᬕᭂᬦᬄ
[᭓᭐ 30 A]
ᬗᬵ᭞ᬫᬳᬭᬲ᭄ᬲᬵᬕᬭᬋᬓᭀ᭞ᬳᬕᬸᬂᬢᬦ᭄ᬧᬢᭂᬧᬶᬳᬢᬄ᭞ᬅᬓ᭄ᬱᬭᬦ᭄ᬜᬰᬶᬂᬓᬮᭀᬓ᭄ᬢᬄ᭞ᬫᬺᬢᬲᬜ᭄ᬚᬶᬯᬦᬶᬳᬶᬓᬸ᭞ᬧᬭᬵᬕᬦ᭄ᬜᬭᬶᬂᬰᬭᬷᬭ᭟
᭐᭟ᬢ᭄ᬭᬾᬩᬾᬲᬦ᭄ᬜᬦᬸᬮᬶᬫᬶᬚᬶᬮ᭄᭞ᬤᬤᬶᬧᭂᬮᬸᬄᬓᭀᬚᬭᬦ᭄ᬜ᭞ᬓᬯᬶᬰᬾᬱᬦ᭄ᬜᬳᬗ᭄ᬮᬸᬓᬢ᭄᭞ᬓᬜ᭄ᬘᬦᬼᬢᬶᬳᬶᬂᬰᬭᬶᬭ᭞ᬳᬕᬸᬂᬮᬦ᭄ᬳᬮᬶᬢᬶᬂᬫᬮ᭞ᬬᬤᬶ
ᬪᬸᬧᬤ᭄ᬭᬯᬢᬸᬳᬸ᭞ᬧ᭄ᬭᬲᬶᬤ᭄ᬥᬲᬫᬶᬓᬳᭂᬦ᭄ᬢᬲ᭄᭟᭐᭟ᬲᬦᬾᬧᬶᬦᬶᬄᬯᬬᬦ᭄ᬢᬸᬯᬶ᭞ᬧᬸᬦᬶᬓᬫᬭᬵᬕᬭᬄ᭞ᬫᬦᬤᬶᬲᬂᬪᬹᬢᬳᬩᬵᬂ᭞ᬮᬦ᭄ᬫ᭄ᬭᬚᬧᬢᬶᬪᬸ
ᬢ᭞ᬲᬂᬲᭀᬤᬰᬓ᭄ᬢᬶᬓᬮᭀᬓ᭄ᬢᬄ᭞ᬳᬶᬤᬫᬤᭂᬕ᭄ᬧᬢᬶᬄᬳᬶᬓᬸ᭞ᬫᬮᬶᬗ᭄ᬕᬶᬄᬭᬶᬂᬧᬸᬭᬰᬤ᭟᭐᭟ᬳᬶᬤᬳᬢᬄᬓᬧᬭᬩᬶᬦ᭄᭞ᬳᬶᬭᬢᬸ
