[᭒ 2 B]
᭒᭟
ᬳᬮᬲ᭄᭞ᬰᬺᬕᭂᬧ᭄ᬭᬶᬂᬧᬦᬄᬮᬦ᭄ᬚᬭᬶᬂ᭞ᬜᬸᬲᬸᬧ᭄ᬭᬶᬂᬢᭂᬗᬳᬶᬂᬳᬤ᭄ᬭᬶ᭞ᬢᬦ᭄ᬯᬾᬦ᭄ᬢᭂᬦ᭄ᬩᬸᬭᭀᬦ᭄ᬓᬧᬗ᭄ᬕᬸᬄ᭞ᬢᬶᬕᬂᬤᬶᬦᬫᬲᬸᬲᬸᬧᬦ᭄᭞ᬳᬲᬶᬓᬶᬚᬵᬢᬶᬦ᭄ᬧᭀ
ᬮᬶᬄ᭞ᬮᬶᬦ᭄ᬢᬂᬮᬘᬸᬃ᭞ᬢᭂᬫ᭄ᬩᬾᬧᭀᬘᭀᬮ᭄ᬧᬫᬃᬕ᭄ᬕᬶᬦ᭄ᬜ᭟᭐᭟ᬳᬶᬧᬸᬦ᭄ᬫᬢᬸᬮᬓ᭄᭞ᬭᬶᬂᬫᬃᬕ᭄ᬕᬶᬗᬸᬭᬶᬫᬶᬓ᭄᭞ᬗᬘᬸᬄᬓᬤᬶᬩᭀᬢᭀᬄᬓᬮᬄ᭞ᬩᬶ
ᬗᬸᬂᬫᬗᭀᬧᭂᬢ᭄ᬬᬂᬯᬶᬥᬶ᭞ᬧᭀᬘᭀᬮᬶᬤᬾᬯᬾᬓ᭄ᬲᬲᬳᬶ᭞ᬗᬢᬸᬭᬂᬩᬓ᭄ᬢᬶᬦ᭄ᬤᬶᬓ᭄ᬢᬓ᭄ᬱᬸ᭞ᬗᬯᬶᬢ᭄ᬚᬦᬶᬢᬦ᭄ᬧᬺᬘᬬ᭞ᬢᭂᬓᬾᬦᬶᬤᬲᬂᬳ᭄ᬬᬂᬯᬶᬥᬶ᭞ᬲᬢ᭄ᬯᬫᬯᬸ
ᬓ᭄᭞ᬯᬶᬤᬶᬦᬾᬓᭀᬦᬾᬯᬶᬰᬾᬱ᭟᭐᭟ᬓᬮᬶᬦ᭄ᬢᬂᬲᭂᬩᭂᬢᬂᬫᬦᬄ᭞ᬓᬾᬦ᭄ᬓᬾᬦ᭄ᬬᬲᭂᬤᬶᬄᬳᬶᬘᭂᬦᬶᬂ᭞ᬓᬵᬮᬦᬶᬤᬾᬯᬾᬓᬾᬓᬧ᭄ᬭᬧ᭄ᬢ᭞ᬲᬶᬦᬄᬧᬘᬂ
[᭓ 3 A]
ᬓᬚᬕ᭄ᬚᬕᬶᬦ᭄᭞ᬦᬕᬶᬄᬕᬧ᭄ᬕᬧᬦ᭄ᬯᬸᬲ᭄ᬧᬲ᭄ᬢᬶ᭞ᬦᬕᬶᬄᬩᬾᬓᬶᬤᬂᬮᬦ᭄ᬮᬸᬢᬸᬂ᭞ᬯᬶᬭᬾᬄᬲᬸᬩᬓᬘᬕᭂᬭᬂ᭞ᬮᬯᬸᬢ᭄ᬢᬦ᭄ᬲᬶᬤ᭄ᬥᬦᬕᬶᬗᬶᬦ᭄᭞ᬲᬗᭂᬢᬶᬫ᭄ᬧᬸᬢ᭄᭞ᬗᬢᭀ
ᬦᬂᬧ᭄ᬬᬦᬓ᭄ᬤᬸᬄᬓᬶᬢ᭟᭐᭟ᬮᬶᬜᭀᬓ᭄ᬓᬸᬘᬧᬶᬂᬆᬕᬫ᭞ᬓᭀᬘᬧ᭄ᬬᬦ᭄ᬤᬾᬯᬾᬓᬾᬲᬸᬪᬓᬶ᭞ᬭᬶᬂᬳᬶᬤᬳ᭄ᬬᬂᬯᬶᬥᬶᬯᬰ᭞ᬳᬶᬤᬓᭀᬦᬾᬰᬺᬤ᭄ᬥᬧᬲ᭄ᬢᬶ᭞ᬳᭀᬃᬣ
ᬦ᭄ᬚᬦ᭄ᬫᬳᬦᬾᬚᬳᬶᬮ᭄᭞ᬳᭂᬦ᭄ᬢᭀᬩᬓᬢ᭄ᬮᬯᬸᬢ᭄ᬕᬸᬕᬸ᭞ᬤᬾᬯᬾᬓ᭄ᬢᬦ᭄ᬧᬘᬂᬫᬬᬚ᭄ᬜᬵ᭞ᬗᬃᬤ᭄ᬥᬶᬢᬸᬬᬸᬄᬫᬚᬚᬳᬶᬢ᭄᭞ᬭᭀᬦ᭄ᬮᬦ᭄ᬩᬸᬲᬸᬂ᭞ᬲᬸᬩᬧ᭄ᬭᬕᬢ᭄ᬮᬯᬸᬢ᭄ᬓᬸᬢᬂ᭟᭐
᭟ᬲᬭᬵᬢ᭄ᬫᬗ᭄ᬤᬓᬲᬸᬫ᭄ᬩᬸᬗᬂ᭞ᬓᬳᬸᬘᬧ᭄ᬢᭂᬧᭂᬢ᭄ᬭᬶᬂᬳᬚᬶ᭞ᬦᬸᬮᬶᬦᭂᬍᬩᬂᬓᬥᬃᬫ᭄ᬫᬦ᭄᭞ᬓᬃᬫ᭄ᬫᬨᬮᬦᬾᬕᬸᬕᭀᬦᬶᬦ᭄᭞ᬳᬶᬤᬸᬧᬾᬳᬗ᭄ᬕᭀᬦ᭄ᬗᬮᬶᬲ᭄ᬮᬶᬲ᭄᭞ᬳᭂᬤᭀ
Kaca:Bali-lontar-gaguritan-papaka-350ppi.pdf/3
Kaca puniki sampun kauji-wacén
