[᭒᭕ 25 B]
᭒᭕᭟
ᬳᬫ᭄ᬧᬸᬭᬩᭂᬮᬶᬧᬧᬓ᭞ᬭᬶᬂᬩᬯᭀᬲ᭄ᬧ᭄ᬬᬦᬓᬾᬢᬸᬦᬶ᭞ᬩᬯᭀᬲ᭄ᬜᬓᬤᬶᬜᭂᬮ᭄ᬲᭂᬮᬂ᭞ᬢᬶᬗ᭄ᬓᬄᬩᭂᬮᬶᬦᬾᬤᬶᬕᬸᬫᬶ᭞ᬭᬾᬄᬳᬶᬧᬸᬦ᭄ᬫᬤᬾᬯᬾᬓᬮᬶᬢ᭄᭞ᬤᬸ
ᬭᬸᬂᬢᬢᬲ᭄ᬭᬶᬂᬓᬯ᭄ᬭᬸᬄ᭞ᬓᬾᬢᭀᬘᭂᬦᬶᬂᬫᬓᬤᬤ᭄ᬯ᭞ᬲᬵᬫ᭄ᬧᬸᬦᬂᬗᬯᬕ᭄ᬫᬫᬸᬜᬶᬳᭂᬤᬲᬶᬕᬸᬕ᭄᭞ᬗᬃᬤ᭄ᬥᬶᬲᭂᬤᬶᬄᬲᬂᬫᬶᬋᬗᬂ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐ᬲ᭄ᬫᬭᬦ᭄ᬥᬦ᭟
᭟ᬧᬸᬧᬸᬢ᭄ᬯᬦᬭᬶᬫᬶᬤᬃᬣᬶ᭞ᬲᬂᬧᬧᬓᬫᬵᬢᬸᬃᬦᬶᬫ᭄ᬩᬮ᭄᭞ᬳᬸᬥᬸᬄᬲᬂᬯᬦᬭᬷᬤᬾᬯ᭞ᬩᬗᭂᬢ᭄ᬩᭂᬮᬶᬦᬸᬦᬲᬶᬘ᭄ᬙ᭞ᬫᬗ᭄ᬤᬮᬦ᭄ᬢᬸᬃᬤᬾᬯᬢᬺᬱ᭄ᬡ᭞ᬫᬓᬦ᭄ᬢᬶᬭᬶᬂᬢᬶᬢ᭄ᬬᬂᬚᬸᬕᬸᬮ᭄
᭞ᬦᬸᬦ᭄ᬢᬸᬦ᭄ᬦᬸᬤᬸᬳᬶᬦ᭄ᬧᬫᬃᬕ᭄ᬕ᭟᭐᭟ᬢᬸᬭᬸᬲ᭄ᬢᬸᬦ᭄ᬢᬸᬦ᭄ᬩᭂᬮᬶᬳᬤᬶ᭞ᬳᬚᬓ᭄ᬓᬲ᭄ᬯᬃᬕ᭄ᬕᬉᬢ᭄ᬢᬫ᭞ᬧᭂᬥᭂᬓ᭄ᬭᬶᬂᬳᬶᬤᬳ᭄ᬬᬂᬰᬶᬯ᭞ᬫᬗ᭄ᬤᬢᬦ᭄ᬫᬗ᭄ᬕᬸᬄᬦᬵᬭᬓ᭞ᬳᬶᬯᬂᬩᭂ
[᭒᭖ 26 A]
ᬮᬶᬫᬶᬕᬸᬡᬬᬂ᭞ᬓᬮᬦ᭄ᬩᭂᬮᬶᬭᬶᬳᬶᬦ᭄ᬳᬶᬤᬸᬧ᭄᭞ᬯᬦ᭄ᬢᬄᬗᬸᬮᬸᬭᬶᬦᬶᬦ᭄ᬤ᭄ᬭᬶᬬ᭟᭐᭟ᬩᭂᬮᬶᬢᬦ᭄ᬫᬶᬥᭂᬧ᭄ᬫᬭᬸᬓᬶᬦ᭄᭞ᬗᬸᬕᬸᬉᬘᬧᬶᬂᬆᬕᬫ᭞ᬫᬸᬯᬢᬂᬲᬸᬓ
ᬲᬓᬮ᭞ᬢᬦ᭄ᬧᬶᬲᬦ᭄ᬢᭂᬍᬩ᭄ᬭᬶᬂᬥᬃᬫ᭄ᬫ᭞ᬲᬢᬢᬦᬸᬕ᭄ᬤᬸᬕᬂᬳᬃᬣ᭞ᬳᬃᬣᬳᬦ᭄ᬢᬸᬓᬶᬂᬫᬫᬦ᭄ᬤᬸᬂ᭞ᬢᬦ᭄ᬗᬸᬕᬸᬭᬶᬂᬨᬮᬓᬃᬫ᭄ᬫ᭟᭐᭟ᬇᬗ᭄ᬕᬶᬄᬲᬂᬧᬧᬓᬩᭂᬮᬶ᭞ᬢᬶᬢ᭄ᬬᬂᬫᬶ
ᬲᬤ᭄ᬬᬗᬢᭂᬭᬂ᭞ᬗᬶᬭᬶᬂᬩᭂᬮᬶᬭᬶᬂᬫᬃᬕ᭄ᬕ᭞ᬦᬗ᭄ᬳᬶᬂᬇᬦ᭄ᬤᬶᬓ᭄ᬫᬗ᭄ᬕᬸᬄᬲ᭄ᬯᬃᬕ᭄ᬕ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬢᬦ᭄ᬜᬗ᭄ᬕᬸᬧᬂ᭞ᬤᬾᬦᬶᬂᬢᬶᬢ᭄ᬬᬂᬩᬸᬭᭀᬦ᭄ᬮᬘᬸᬃ᭞ᬢᬶᬢ᭄ᬬᬂᬢ᭄ᬯᬭᬗᭂᬮᬄᬲ᭄ᬯᬃᬕ᭄ᬕ᭟᭐
᭟ᬦᬧᬶᬧᬘᬂᬧᬗ᭄ᬕᬸᬄᬩᭂᬮᬶ᭞ᬲ᭄ᬯᬃᬕ᭄ᬕᬬᬤᬶᬦ᭄ᬦᬵᬭᬓ᭞ᬚᬦ᭄ᬫᬮᬶᬬᬦ᭄ᬢᬦ᭄ᬜᬶᬤᬬᬂ᭞ᬧᬘᬂᬫᬳᬶᬘ᭄ᬙᬧᬸᬦᬶᬓ᭞ᬤᬾᬦᬶᬂᬫᬦᬹᬢ᭄ᬲ᭄ᬯᬓᬃᬫ᭄ᬫ᭞ᬓᬃᬫ᭄ᬫᬦᬾᬭᬶᬂᬫᬥ᭄ᬬ
Kaca:Bali-lontar-gaguritan-papaka-350ppi.pdf/26
Kaca puniki sampun kauji-wacén
