[᭒᭐ 20 B]
᭒᭐᭟
ᬢᬦ᭄ᬗᬯᬍᬲᬂ᭞ᬲᭀᬮᬄᬩᬶᬓᬲ᭄ᬩᭂᬮᬶᬦᬾᬭᬶᬳᬶᬦ᭄᭞ᬤᬸᬓ᭄ᬭᬶᬚᬕᬢ᭄᭞ᬬᬤᬶᬦ᭄ᬩᭂᬮᬶᬗᬃᬤ᭄ᬥᬶᬧᬢᬶ᭟᭐᭟ᬭᬾᬄᬢᬶᬢ᭄ᬬᬫᭀᬢ᭄ᬲᬳᬧᬘᬂᬫᬦᬸᬮᬤ᭄᭞
ᬮᬓ᭄ᬱᬡᬦ᭄ᬲᬂᬤᬃᬫ᭄ᬫᬩᬸᬤ᭄ᬥᬶ᭞ᬓᬵᬮᬦᬶᬂᬲᬓ᭄ᬭᭀᬥ᭞ᬢᬢᬦ᭄ᬮᬫᬶᬲᬶᬤ᭄ᬥᬧᬃᬡ᭄ᬦ᭞ᬯᬶᬦᬲᬸᬄᬭᬶᬂᬩᬸᬤ᭄ᬥᬶᬰᬸᬘᬶ᭞ᬍᬢᬸᬄᬫᬦᬄᬳᬶᬤ᭞ᬲᬵᬓ᭄ᬱᬡᬬᬲᬶᬤ᭄ᬥᬪᬱ᭄ᬫᬶ᭟
᭐᭟ᬬᬤᬶᬦᬶᬤᬓᬶᬦᭂᬦᬦ᭄ᬮᬓ᭄ᬱᬡᬘᭀᬭᬄ᭞ᬳᭀᬮᬶᬄᬲᬂᬍᬢᭂᬳᬶᬂᬩᬸᬤ᭄ᬥᬶ᭞ᬚᬦ᭄ᬢᭀᬲ᭄ᬫᬗ᭄ᬕᬸᬄᬤᬸᬄᬓ᭞ᬬᬾᬦᬵᬳᬶᬂᬲᬂᬫᬯᬾᬄᬤᬸᬄᬓᬶᬢ᭞ᬫᬗ᭄ᬕᬸᬄᬲᭂᬤᬶᬄ᭠
ᬦᬸᬦᬲ᭄ᬓᬦ᭄ᬢᬶ᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦᬶᬤ᭞ᬢᬦ᭄ᬲᭂᬮᬂᬧᬘᬂᬦᬸᬮᬸᬗᬶᬦ᭄᭟᭐᭟ᬗ᭄ᬳᬶᬂᬳᬫ᭄ᬧᬸᬭᬢᬶᬢ᭄ᬬᬂᬢᬦ᭄ᬲᬶᬤ᭄ᬥᬜᬫ᭄ᬩ᭄ᬭᬫ᭞ᬳᬦ᭄ᬢᬸᬓ᭄ᬩᬮᬸᬂᬫᬶᬯᬄ᭠
[᭒᭑ 21 A]
ᬤᬕᬶᬂ᭞ᬓᬜ᭄ᬘᬦᬶᬱᬤ᭄ᬭᬲ᭞ᬗᬃᬤ᭄ᬥᬶᬲᬸᬢᬺᬧ᭄ᬢᬶᬦᬶᬂᬘᬶᬢ᭄ᬢ᭞ᬩᭂᬮᬶᬚᬦ᭄ᬢᭂᬦ᭄ᬲᬵᬫ᭄ᬧᬸᬦᬸᬦᬶᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬢᬶᬯᬲ᭄᭞ᬤᬸᬓ᭄ᬓᬭᬶᬳᬶᬤᬸᬧ᭄ᬤᬶᬕᬸᬫᬶ᭟᭐᭟ᬫᬶ
ᬦᬩᬶᬓᬳᬚ᭄ᬭᬶᬳᬂᬩᭂᬮᬶᬭᬶᬂᬫᬦᬄ᭞ᬤᬾᬦᬶᬂᬢᬦ᭄ᬧᬘᬂᬫᬗ᭄ᬕᬶᬳᬶᬦ᭄᭞ᬱᬤ᭄ᬭᬲᬦᬶᬂᬪᭀᬕ᭞ᬤᬾᬂᬤᬾᬂᬮᬸᬢᬸᬂᬫᬶᬯᬄᬓᬶᬤᬂ᭞ᬳᬯᬦᬦ᭄ᬩᭂᬮᬶᬦᬾᬲᭂ
ᬤᬶᬄ᭞ᬩᭂᬮᬶᬲᬦᬾᬳᬶᬯᬂ᭞ᬗᬸᬤᬢᬦ᭄ᬤᬾᬂᬤᬾᬗᬾᬢᬓᬶᬮ᭄᭟᭐᭟ᬲᬧᬸᬦᬶᬓᬩᬯᭀᬲ᭄ᬲᬂᬯᬦᬭᬷᬜᬧ᭞ᬩᬦ᭄ᬩᬦ᭄ᬳᬮᬸᬲ᭄ᬲᭂᬫᬶᬢᬓᭂ
ᬜᬶᬃ᭞ᬦᬗ᭄ᬳᬶᬂᬧᬧᬓ᭞ᬲᬸᬫᬬᬦ᭄ᬓᬾᬫᬤ᭄ᬭᬶᬂᬫᬦᬄ᭞ᬗᭂᬢᭀ᭠ᬦ᭄ᬲᬂᬯᬦᬭᬳᬮᬶᬢ᭄᭞ᬢᬸᬃᬓᬯᬲ᭄ᬧᬤᬬᬂ᭞ᬲᬋᬂᬓᬮᬶᬄᬓᬶᬲᬶᬓᬶᬲᬶ᭟
Kaca:Bali-lontar-gaguritan-papaka-350ppi.pdf/21
Kaca puniki sampun kauji-wacén
