[᭑᭖ 16 B]
᭑᭖᭟
ᬲ᭄ᬓᬶᬦ᭄᭞ᬯᬶᬭᬾᬄᬢᭂᬱ᭄ᬡᬦ᭄ᬤᬾᬯᬮᬗ᭄ᬓᬸᬂ᭞ᬩᭂᬮᬶᬫᬳᬶᬥᭂᬧ᭄ᬫᬫᬬᬄ᭞ᬢᬺᬱ᭄ᬡᬦ᭄ᬤᬾᬯᬦᬾᬭᬶᬂᬩᭂᬮᬶ᭞ᬩᭂᬮᬶᬢᬓᬸᬢ᭄᭞ᬲᬶᬦᬗ᭄ᬕᭂᬄᬚᬦ᭄ᬫᬤ᭄ᬭᭀᬯᬓ᭟᭐᭟
ᬯᬶᬭᬾᬄᬩᭂᬮᬶᬢᬢᬲ᭄ᬦᬯᬂ᭞ᬬᬦ᭄ᬢᬸᬯᬶᬫᬳᬸᬢᬂᬧᬶᬧᬶᬲ᭄᭞ᬚᬶᬦᬄᬯᬦ᭄ᬢᬄᬳᬗ᭄ᬕᬾᬦ᭄ᬫᬬᬄ᭞ᬦᬗ᭄ᬳᬶᬂᬬᬦ᭄ᬫᬳᬸᬢᬂᬳᬸᬭᬶᬧ᭄᭞ᬳᬸᬭᬶᬧ᭄ᬳᬗ᭄ᬕᬾᬦ᭄ᬫᬦᭂᬩᬸᬲᬶᬦ᭄᭞ᬭᬾᬄᬩᭂᬮᬶᬫᬳᬸᬢᬂ
ᬳᬶᬤᬸᬧ᭄᭞ᬩᬦ᭄ᬢᬲ᭄ᬫᬜᬶᬤᬬᬂ᭞ᬧᬘᬂᬫᬍᬲ᭄ᬳᬦ᭄ᬢᬸᬓ᭄ᬩᬸᬤ᭄ᬥᬶ᭞ᬫᬦᬄᬳᬚᬸᬚᬸᬃ᭞ᬢᭂᬍᬩ᭄ᬲᬢᬶᬦ᭄ᬤᬶᬄᬲᬫᬶᬢ᭄ᬭ᭟᭐᭟ᬲᬧᬸᬦᬶᬓᬧᬶᬤᬃᬣᬦ᭄ᬜ᭞ᬳᬶᬧᬧᬓᬭᬶᬂᬯᬦ
ᬭᬷ᭞ᬲᬂᬯᬦᬭᬷᬫᬜᬗ᭄ᬕᬸᬧᬂ᭞ᬩᬾᬜ᭄ᬚᬂᬧᬘᬂᬧᬸᬦ᭄ᬫᬗᬶᬭᬶᬂ᭞ᬗᬢᭂᬄᬩᬸᬤᬮ᭄ᬓᬤᬾᬰᬦ᭞ᬳᬶᬧᬧᬓᬮᬶᬦ᭄ᬢᬂᬦᬯᬸ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬓᬘᬕᭂᬭᬂ᭞ᬳᬶᬧᬸᬦ᭄ᬧᬘᬂ᭠
[᭑᭗ 17 A]
ᬧᭀᬮᬶᬄᬤᬕᬶᬂ᭞ᬤᬕᬶᬂᬮᬸᬢᬸᬂ᭞ᬕᬧ᭄ᬕᬧᬦ᭄ᬧ᭄ᬬᬦᬓ᭄ᬮᬦ᭄ᬲᭀᬫᬄ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟ᬯᭂᬗᬶᬳᬶᬓᬸ᭞ᬲᬂᬧᬧᬓᬢᬦ᭄ᬳᬢᬸᬭᬸ᭞ᬯᬦᭂᬄᬫᬜ᭠ᬧᬸᬘᬸᬂ᭟
ᬦ᭄ᬢᭀᬲᬂ᭞ᬫᬶᬚᬶᬮᬶᬤᬲᬂᬳ᭄ᬬᬂᬭᬯᬶ᭞ᬧᬘᬂᬫᬦ᭄ᬢᬸᬓ᭄᭞ᬓᬢᭂᬫᬸᬭᬶᬂᬧ᭄ᬬᬦᬓ᭄ᬲᭀᬫᬄ᭟᭐᭟ᬘᬭᬶᬢᬲᬵᬫ᭄ᬧᬸᬦ᭄᭞ᬢᭂᬗᬄᬯᭂᬗᬶᬦᬾᬯᬸᬲ᭄ᬮᬗ᭄ᬓᬸᬂ᭞ᬧᬓ᭄ᬱᬶᬦᬾ
ᬫᬲ᭄ᬯᬭ᭞ᬳᬶᬧᬧᬓᬧᬸᬦ᭄ᬫᬢᬗᬶ᭞ᬢᬸᬃᬳᬦᬸᬦ᭄ᬤᬸᬦ᭄᭞ᬲᬂᬯᬦᬭᬷᬓᬧᬸᬧᬸᬗᬦ᭄᭟᭐᭟ᬲᬵᬫ᭄ᬧᬸᬦ᭄ᬩᬗᬸᬦ᭄᭞ᬲᬂᬓᬮᬶᬄᬭᬭᬶᬲ᭄ᬮᬸᬫᬓᬸ᭞ᬗᬸᬮᬢᬶᬧ᭄ᬭᬤᬾᬰ᭞
ᬤᬾᬰᬦᬶᬧᬧᬓᬳᬸᬗ᭄ᬲᬶ᭞ᬳᬤᭀᬄᬲᬵᬫ᭄ᬧᬸᬦ᭄᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭟᭐᭟ᬤᬲᬂᬲᬶᬕᬸᬕ᭄᭞ᬘᭀᬭᬄᬳᬗ᭄ᬓᬭᬤᬶᬓᬳ᭄ᬬᬸᬦ᭄᭞ᬳᬾ
Kaca:Bali-lontar-gaguritan-papaka-350ppi.pdf/17
Kaca puniki sampun kauji-wacén
