[᭑᭕ 15 B]
᭑᭕᭟
ᬧᬓᬳᬦᬾᬂᬳᬤ᭄ᬭᬶ᭞ᬫᬗ᭄ᬓᬶᬦ᭄ᬫᬫᬫᬦᬄᬫᬢᬸᬮᬓ᭄᭞ᬦᬗ᭄ᬳᬶᬂᬫᬗ᭄ᬤᬫᬧᬶᬓᭀᬮᬶᬄ᭞ᬓᬶᬫᬸᬤ᭄ᬢᬦ᭄ᬫᬦᬸᬯᬢ᭄ᬤᬕᬶᬂ᭞ᬦᬸᬮᬶᬫᭂᬦ᭄ᬢᬶᬓ᭄ᬫᬦᬄᬭᬸᬲᬸᬄ᭞ᬤᬲᬃᬫᬸᬮᬚᬦ᭄ᬫᬘᭀᬭᬄ᭞
ᬳᬾᬮᬄᬗᬃᬤ᭄ᬥᬶᬤᬬᬲᬶᬗᬶᬤ᭄᭞ᬢᬸᬭᬶᬦ᭄ᬮᭂᬗᬸᬢ᭄᭞ᬳᭀᬮᬶᬄᬜᬦᬾᬫᬦᬸᬢᬸᬃᬭᬂ᭟᭐᭟ᬳᬸᬥᬸᬄᬤᬾᬯᬲᬂᬯᬦᬭ᭄ᬬ᭞ᬦᬾᬚᬵᬢᬶᬲᬢ᭄ᬬᬭᬶᬂᬓᬦ᭄ᬢᬶ᭞ᬮᬭᬧᬦ᭄ᬩᭂᬮᬶᬭ
ᬳᬃᬚ᭄ᬚ᭞ᬯᬸᬭᬸᬂᬢᬥᬄᬫᬺᬳᬧᬢᬶ᭞ᬩᭂᬮᬶᬲᬭᬵᬢ᭄ᬗᬯᬍᬲᬶᬦ᭄᭞ᬬᬤᬶᬦ᭄ᬤᬾᬯᬢᬢᬜ᭄ᬘᬸᬫ᭄ᬧᬸ᭞ᬢᬦ᭄ᬫᬶᬤᭂᬧ᭄ᬭᬶᬂᬧᬗ᭄ᬯᬍᬲᬦ᭄᭞ᬓᬮᬦᬶᬂᬫᬯᬾᬯᬾᬄᬍᬯᬶᬄ᭞ᬫᬸᬮᬧ
ᬢᬹᬢ᭄᭞ᬓ᭄ᬢᭀᬧᬶᬤᬩ᭄ᬤᬩ᭄ᬫᬢᬺᬱ᭄ᬡ᭟᭐᭟ᬧᬢᭂᬄᬭᬶᬂᬓᬵᬮᬫᬬᬚ᭄ᬜᬵ᭞ᬦᬶᬗ᭄ᬓᬳᬂᬫᬓᬃᬫ᭄ᬫᬫᬃᬕ᭄ᬕᬶ᭞ᬧᬢᬹᬢ᭄ᬫᬮᬦ᭄ᬘᬭᬦ᭄ᬚᭂᬦᬂ᭞ᬰᬸᬘᬶᬦᬶᬃᬫᬮᬦᬶᬂ
[᭑᭖ 16 A]
ᬳᬢᬶ᭞ᬢᬢᬦ᭄ᬫᬶᬲᬥ᭄ᬬᬧᬫ᭄ᬭᬶᬄ᭞ᬲᬓᬶᬂᬮᬲ᭄ᬬᬫᬦᬄᬮᬦ᭄ᬤᬸᬄ᭞ᬢᬦ᭄ᬧᬢᬹᬢ᭄ᬲᬗ᭄ᬓᬦᬶᬂᬚᭂᬗᬄ᭞ᬫᬶᬯᬄᬜᬭᬢᬂᬓᬧᬹᬚᬶ᭞ᬓᬮᬶᬄᬲᬸᬫ᭄ᬩᬸᬂ᭞ᬗᬃᬤ᭄ᬥᬶᬢᬦ᭄ᬲᬶᬤ᭄ᬥ
ᬓᬃᬬ᭄ᬬ᭟᭐᭟ᬩᭂᬮᬶᬫᬳᬶᬤᭀᬢ᭄ᬫᬢ᭄ᬲᬳ᭞ᬦᬸᬮᬤ᭄ᬲᬂᬲᬶᬦᬗ᭄ᬕᭂᬄᬍᬯᬶᬄ᭞ᬳᬶᬤᬚᬵᬢᬶᬗᬯᭂᬤᬭᬂ᭞ᬧᬶᬤᬩ᭄ᬤᬩ᭄ᬲᬂᬥᬃᬫ᭄ᬫᬩᬸᬤ᭄ᬥᬶ᭞ᬫᬯᬾᬄᬯᬄᬢᬦ᭄ᬧᬶ
ᬲᬦ᭄ᬫᬧ᭄ᬭᬶᬄ᭞ᬫᬗᬯᬍᬲ᭄ᬢᬦ᭄ᬓᬘᬸᬫ᭄ᬧᬸ᭞ᬦᬗ᭄ᬳᬶᬂᬓᬵᬮᬫᭀᬮᬶᬄᬥᬦ᭞ᬥᬦᬳᬕᬸᬂᬥᬦᬳᬮᬶᬢ᭄᭞ᬤᬸᬭᬸᬂᬦᬯᬸ᭞ᬬᬦ᭄ᬢᬦ᭄ᬲᬶᬤ᭄ᬥᬗᬯᬍᬲᬂ᭟᭐
᭟ᬓᬾᬢᭀᬦᬾᬲᬭᬵᬢᬂᬫᬦᬄ᭞ᬳᬯᬦᬦ᭄ᬩᭂᬮᬶᬫᬗᭂᬤᬶᬄ᭞ᬫᬗ᭄ᬤᬤᬾᬯᬫᬜᬗ᭄ᬕᬸᬧᬂ᭞ᬜᬋᬗᬶᬦ᭄ᬩᭂᬮᬶᬓᬤᬾᬰ᭞ᬬᬤᬶᬦ᭄ᬩᭂᬮᬶᬦᬶᬱ᭄ᬝᬫᬶ
Kaca:Bali-lontar-gaguritan-papaka-350ppi.pdf/16
Kaca puniki sampun kauji-wacén
