[᭑᭔ 14 B]
᭑᭔᭟
ᬲᬵᬫ᭄ᬧᬸᬦ᭄ᬕᬮᬂ᭞ᬲᬵᬫ᭄ᬧᬸᬦ᭄ᬓᬢᬃᬓ᭄ᬓᬤᬶᬳᬢᬶ᭟᭐᭟ᬲᬶᬦᬄᬧ᭄ᬬᬦᬓᬶᬧᬸᬦ᭄ᬮᬘᬸᬃ᭞ᬓᬪᬓ᭄ᬱᬳᭀᬮᬶᬄᬳᬶᬚᬦ᭄ᬫᬶ᭞ᬦᬾᬢᬦ᭄ᬗᭂᬮᬄᬫᬦᬄᬲᬬᬂ᭞ᬗᬸᬮᬳᬂᬲᬸᬓ
ᬧᬤᬶᬤᬶ᭞ᬲᭂᬤᬶᬄᬜᬦᬾᬓᬳᬸᬩ᭄ᬤᬬᬂ᭞ᬭᬯᬸᬄᬜᬫᬲᭂᬫᬸᬓᭂᬜᬶᬃ᭟᭐᭟ᬳᬶᬧᬧᬓᬕᭂᬮᬶᬲ᭄ᬩᬗᬸᬦ᭄᭞ᬫᬧᬕ᭄ᬧᬶᬲᬗᬾᬓᬳᬫ᭄ᬩᬶᬮ᭄᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬮᬶᬄ᭠
ᬳᬶᬚᬲ᭄᭞ᬯᬯᬸᬳᬶᬧᬸᬦ᭄ᬫᬵᬢᬸᬃᬳᬭᬶᬲ᭄᭞ᬳᬸᬥᬸᬄᬤᬾᬯᬲᬂᬯᬦᬭ᭄ᬬ᭞ᬧᭀᬘᭀᬮ᭄ᬳᬤᬶᬦᬸᬦ᭄ᬤᬾᬦ᭄ᬩᭂᬮᬶ᭟᭐᭟ᬢᬸᬦᬶᬲᭂᬫᭂᬂᬓᬦ᭄ᬢᬸᬦ᭄ᬳᬸᬫ᭄ᬧᬸᬢ᭄᭞ᬚᬕ᭄ᬳᬦᬳ
ᬧᬶᬦᬸᬜ᭄ᬚᭂᬮᬶᬦ᭄᭞ᬤᬶᬕᭂᬦᬄᬩᭂᬮᬶᬦᬾᬜᭂᬫ᭄ᬩᬦ᭄᭞ᬧ᭄ᬬᬦᬓ᭄ᬳᬤᬶᬫᬓᬓᬮᬶᬄ᭞ᬗᭂᬮᬶᬂᬫᬓᭂᬘᭀᬕ᭄ᬫᬓᭂᬲ᭄ᬬᬩ᭄᭞ᬳᬶᬘᭂᬦᬶᬂᬳᭂᬗ᭄ᬲᬧᬶᬦ᭄ᬩᭂᬮᬸ᭟᭐᭟ᬫᬭᬳᬸ
[᭑᭕ 15 A]
ᬓᬸᬄᬩᭂᬮᬶᬦᬸᬮᬸᬂ᭞ᬤᬧᭂᬢᬂᬳᬶᬘᭂᬦᬶᬂᬫᬢᬶ᭞ᬧᬸᬯᬸᬦ᭄ᬲᭂᬗᭂᬄᬫᬓᬤᬤ᭄ᬯ᭞ᬢᬸᬮᬗᭂᬦᬾᬧᬸᬦ᭄ᬥᬸᬳᬂᬩᭂᬮᬶ᭞ᬯᬶᬭᬾᬄᬓᬾᬢᭀᬳᬫ᭄ᬧᬸᬭᬬᬂ᭞ᬲᬵᬫ᭄ᬧᬸᬦᬂᬲᭂᬤᬶᬄᬭᬶᬂ
ᬩᭂᬮᬶ᭟᭐᭟ᬲᬂᬯᬦᬭᬷᬓᭂᬜᬶᬂᬫᬸᬯᬸᬲ᭄᭞ᬢᬶᬢ᭄ᬬᬂᬢᬦ᭄ᬲᭂᬤᬶᬄᬭᬶᬂᬩᭂᬮᬶ᭞ᬯᬶᬭᬾᬄᬫᬶᬦᬩ᭄ᬲᬵᬫ᭄ᬧᬸᬦ᭄ᬢᬶᬢᬄ᭞ᬢᬸᬥᬸᬄᬳᬶᬤᬲᬂᬳ᭄ᬬᬂᬯᬶᬥᬶ᭞ᬳᬶᬘᭂᬦᬶᬂᬤᬸᬫᬸ
ᬦᬦ᭄ᬧᭂᬚᬄ᭞ᬢᬶᬢ᭄ᬬᬂᬧᬘᬂᬢᬍᬃᬫᬢᬶ᭟᭐᭟ᬤᬾᬦᬶᬂᬲᬓᬜ᭄ᬘᬦ᭄ᬦᬾᬳᬶᬤᬸᬧ᭄᭞ᬫᬧᬫᬸᬧᬸᬢ᭄ᬧᬘᬂᬫᬢᬶ᭞ᬫᬢᬶᬳᬮᬶᬢ᭄ᬬᬤᬶᬦ᭄ᬳᭀᬤᬄ᭞ᬧᬢᭂᬄᬧ
ᬘᬂᬫᬫᬸᬧᭀᬦᬶᬦ᭄᭞ᬨᬮᬓᬃᬫ᭄ᬫᬦ᭄ᬜᬤᬶᬚᬕᬢ᭄᭞ᬭᬶᬯᭂᬓᬲ᭄ᬧᬘᬂᬓᬧᬗ᭄ᬕᬶᬄ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬧᬶᬭᬂᬤᬶᬦᬳᬶᬓᬂᬓᬵᬮ᭞ᬲᬂᬧᬲᬶᬦᭀᬫ᭄
Kaca:Bali-lontar-gaguritan-papaka-350ppi.pdf/15
Kaca puniki sampun kauji-wacén
