[᭑᭐ 10 B]
᭑᭐᭟
ᬭᬶᬂᬳᬫ᭄ᬩᬭᬦᬾ᭞ᬚᬕ᭄ᬳᬤᬭᬵᬓ᭄ᬱᬲᬦ᭄ᬤᬸᬮᬸ᭞ᬦᬾᬫᬳᬤᬦ᭄ᬲᬂᬪᬓᬶᬦᬶ᭞ᬭᬭᬶᬲ᭄ᬧᬸᬦ᭄ᬧᬭᬶᬓᭀᬰ᭞ᬦᬗ᭄ᬲᭂᬓᬶᬦ᭄ᬢᬸᬃᬫᬗᬸᬮᬸᬄ᭞ᬲᬵᬫ᭄ᬧᬸᬦ᭄ᬭᬶᬂᬚ᭄ᬭᭀᬦᬶᬂ
ᬩᬲᬂ᭞ᬲᬂᬳᬦᬸᬫᬦ᭄᭞ᬓᬭᭀᬩᬾᬓ᭄ᬩᬲᬂᬭᬵᬓ᭄ᬱᬲᬶ᭞ᬧᬥᭂᬫ᭄ᬢᬦ᭄ᬲᬶᬤ᭄ᬥᬫᬧᬾᬗ᭄ᬓᬲ᭄᭟᭐᭟ᬬᬦ᭄ᬫᬦᬳᬂᬢᬶᬢ᭄ᬬᬂᬳᬶᬭᬢᬸᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬢᬗᬃ᭞
ᬦᬥᬄᬤᬾᬯᬾᬓ᭄ᬢᬶᬢ᭄ᬬᬂ᭞ᬗᬯᬕ᭄ᬗᬯᬕ᭄ᬧᬗ᭄ᬳᭂᬍᬤᬾ᭞ᬚᬦ᭄ᬢᭂᬦᬶᬭᬢᬸᬢᬦ᭄ᬫᬫ᭄ᬧᬸᬄ᭞ᬯᬶᬭᬾᬄᬢᬶᬢ᭄ᬬᬂᬢᬢᬦ᭄ᬫᬢᬶ᭞ᬳᬶᬭᬢᬸᬦᬸᬮᬶᬲᬗ᭄ᬓᬮ᭞ᬫᬗᭂᬫᬲᬶᬦ᭄ᬮᬫ᭄ᬧᬸ
ᬲ᭄᭞ᬯᬢᭂᬓ᭄ᬩᬸᬭᭀᬦᬾᬤᬸᬄᬓᬶᬢ᭞ᬫᬲᭂᬮ᭄ᬲᭂᬮᬦ᭄᭞ᬤᬾᬦᬶᬂᬢᬫ᭄ᬳᬤᬗᬕᬸᬗᬶᬦ᭄᭞ᬦᬩ᭄ᬤᬩ᭄ᬩᬸᬭᭀᬦᬾᬤᬶᬳᬮᬲ᭄᭟᭐᭟ᬫᬗ᭄ᬤᬲᬶᬤ᭄ᬥᬳᬶᬭ᭠
[᭑᭑ 11 A]
ᬢᬸᬦᬥᬄᬦᬾᬫᬗ᭄ᬓᬶᬦ᭄᭞ᬤᬾᬯᬾᬓ᭄ᬢᬶᬢ᭄ᬬᬂ᭞ᬳᭂᬤᬲᬓᬾᬂᬰᬶᬭᬄ᭞ᬲᬓᬾᬂᬳᬶᬓᬸᬄᬳᬗ᭄ᬳᭂᬍᬤᬾ᭞ᬯᬯᬸᬢᬶᬢ᭄ᬬᬂᬲᬶᬤ᭄ᬥᬮᬫ᭄ᬧᬸᬲ᭄᭞ᬢᬦ᭄ᬓᬦ᭄ᬢᬸᬦ᭄ᬫᬤ᭄ᬯᬾᬰ
ᬓ᭄ᬢᬶ᭞ᬤᬾᬦᬶᬂᬓᬯᬶᬰᬾᬱᬦ᭄ᬢᬶᬢ᭄ᬬᬂ᭞ᬫᬕᭂᬦᬄᬭᬶᬂᬢᬸᬂᬢᬸᬂᬳᬶᬓᬸᬄ᭞᭠ᬮᬾᬩᬶᬦ᭄ᬤᬸᬫᬸᬦ᭄ᬩᬗ᭄ᬓ᭄ᬬᬂᬢᬶᬢ᭄ᬬᬂ᭞ᬲᬓᬶᬢ᭄ᬤᬳᬢ᭄᭞ᬤᬸᬓᬶᬓᬸᬄᬢᬶᬢ᭄ᬬᬗᬾᬓᭂᬜ᭄ᬚᬶᬃ᭞ᬓᬵᬮᬤᬶ
ᬢᬸᬢᬶᬢ᭄ᬬᬂᬢᬥᬄ᭟᭐᭟ᬫᬺᬕᬦᬵᬣᬢᬶᬦᬹᬢ᭄ᬭᬶᬂᬩᬯᭀᬲ᭄ᬯᬦᬭᬶ᭞ᬢᬸᬃᬓᬮᬾᬩᬂ᭞ᬤᬾᬦᬶᬂᬢᬓᬸᬢ᭄ᬘᬬ᭞ᬫᬗ᭄ᬤᬮᬦ᭄ᬢᬸᬃᬧᬦᬥᬳᬾ᭞ᬤᬲᬃᬳᬶᬫᬘᬦᬾᬚᬸ
ᬕᬸᬮ᭄᭞ᬗᬸᬗ᭄ᬕᬸᬮᬂᬗᭂᬮᬄᬓᬰᬓ᭄ᬢᬶᬦ᭄᭞ᬢᬦ᭄ᬓᬳᬦᬦ᭄ᬧᬗ᭄ᬮᭀᬓᬶᬓ᭞ᬩᬯᭀᬲᬶᬩᭀᬚᭀᬕ᭄ᬓᬕᬸᬕᬸ᭞ᬯᬯᬧᬘᬂᬳᬬᬢ᭄ᬜᬭᬧ᭄᭞ᬲᬂᬯᬦᬃᬬ᭄ᬬ᭞ᬫ
Kaca:Bali-lontar-gaguritan-papaka-350ppi.pdf/11
Kaca puniki sampun kauji-wacén
