[᭙᭔ 94B]
᭙᭔
ᬲᬶᬭᬓᬸᬦ᭄ᬢᬶᬦᬵᬣ᭞ᬲᬶᬭᬫᬭᬾᬂᬤᭀᬫ᭄ᬬᬵᬰ᭄ᬭᬫ᭞ᬳᬫ᭄ᬕᬶᬮᬶᬚᭂᬂᬫᬳᬵᬬᬢᬶ᭞ᬢᬦ᭄ᬯᬃᬡ᭄ᬦᬾᬗᬯᬦ᭄᭞ᬧ᭄ᬭᬵᬧ᭄ᬢᬭᬶᬂᬧᬜ᭄ᬘᬮᬲᬫᬶ᭟᭕᭘᭟ᬓᬮᬦᬶᬭᬂᬲᬂᬧᬵᬡ᭄ᬟᬯᬭᬶᬂᬧᬜ᭄ᬘᬮ᭞ᬤ᭄ᬭᬸᬧᬤᬲᬶᬭᬫᬦᬦ᭄ᬢᬶ᭞ᬳᬗᬧᬬᬸᬦ᭄ᬲᬫ᭞ᬤᬾᬦᬶᬂᬧᬜ᭄ᬘ
ᬲᬶᬭᬧ᭄ᬭᬵᬧ᭄ᬢ᭞ᬲᬂᬧᬵᬡ᭄ᬟᬯᬵᬲᬳᬸᬃᬲᬫᬶ᭞ᬲᬗ᭄ᬕᬸᬮᬸᬦ᭄ᬤᬾᬯ᭞ᬲᬫᬵᬫᬸᬧ᭄ᬯᬾᬂᬤ᭄ᬭᭀᬧᬤᬶ᭟᭕᭙᭟ᬳᬲ᭄ᬫᬸᬚ᭄ᬗᭂᬃᬫᬸᬘᬧ᭄ᬰ᭄ᬭᬷᬧᬜ᭄ᬘᬮᬦᬵᬣ᭞ᬦ᭄ᬤᬶᬢᬳᬦᬳᬶᬓᬂᬲ᭄ᬢ᭄ᬭᬷ᭞ᬢᬸᬗ᭄ᬕᬮ᭄ᬧᬜ᭄ᬘᬓ᭄ᬭᬫ᭞ᬪᬶᬦᬦᬶᬂᬲᬂᬓᬤᬶᬓᬶᬢ᭞ᬓᬜ᭄ᬘᬶᬢ᭄ᬧ᭄ᬭᬵᬧ᭄ᬢ
ᬩ᭄ᬬᬲᬵᬋᬣᬶ᭞ᬲᬳᬯᬘᬦ᭞ᬳᬢᬸᬢᬸᬃᬧᬹᬃᬯ᭄ᬯᬦ᭄ᬬᬗᬹᬦᬶ᭟᭖᭐᭟ᬧ᭄ᬭᬫᬲᬸᬓᬩᬸᬤ᭄ᬟᬶᬦᬶᬭᬂᬰ᭄ᬭᬷᬤ᭄ᬭᬸᬧᬤ᭞ᬧᬶᬦᬳᬬᬸᬦᬶᬭᬲᬫᬶ᭞ᬧᬵᬡ᭄ᬟᬯᬾᬂᬧᬵᬜ᭄ᬘᬮ᭞ᬧᬶᬭᬓᬸᬦᬗᬦ᭄ᬢᬚᬶᬦ᭄ᬬ᭞ᬧ᭄ᬭᬬᬯᬶᬯᬳᬦ᭄ᬬᬲᬫᬶ᭞ᬳᭀᬮᬶᬄᬤ᭄ᬭᬸᬧᬤ᭞ᬫᬗ᭄ᬓᬾ
ᬫᬸᬧᬸᬳᬦᬦ᭄ᬤᬗᬶᬦ᭄᭛᭜᭛ᬧᬸᬄᬥᬗ᭄ᬟᬂᬕᬸᬮ᭟᭑᭟ᬢᬦ᭄ᬓᬳᬾᬢᬸᬂᬲᬂᬧᬵᬡ᭄ᬟᬯᬫᬗ᭄ᬓᬶᬦ᭄᭞᭠ᬭᬶᬂᬧᬜ᭄ᬘ᭞ᬲᬂᬓᬺᬱ᭄ᬡᬘᬭᬶᬢ᭞ᬳᬮᬥᬭᬯᬢᭂᬓ᭄ᬬᬥᬸᬦᬾ᭞ᬲᬫᬶᬲᬶᬭᬧᬥᬬᬦ᭄ᬯ᭄ᬭᬸᬄ᭞ᬭᬶᬳᬦᬧᬵᬡ᭄ᬟᬯᬓᬭᬶ᭞
[᭙᭕ 95A]
ᬫᬗ᭄ᬓᬾᬓᭀᬘᬧ᭄ᬭᬶᬂᬧᬜ᭄ᬘᬮ᭞ᬧ᭄ᬭᬬᬯᬶᬯᬳᬦᬶᬭᬾᬓᬸ᭞ᬕᬶᬭᬂᬳᬢᬶᬧ᭄ᬭᬬᬮᬸᬗ᭄ᬳᬵ᭞ᬳᬢᬸᬢᬸᬤᬦ᭄᭞ᬧ᭄ᬭᬵᬧ᭄ᬢᬾᬂᬤᬶᬦᬧᬯᬶᬯᬳᬶ᭞ᬲᬂᬓᬺᬱ᭄ᬡᬓᬃᬱᬡᬮᬸᬗ᭄ᬳᬵ᭟᭒᭟ᬬᬢᬢᬶᬦᬹᬢ᭄ᬤᬾᬲᬂᬬᬥᬸᬲᬫᬶ᭞ᬫᬯᬩ᭄ᬭᬡ᭞ᬳᬃᬣᬫ᭄ᬯᬂᬭᬚᬝᬵ᭞
ᬓᬜ᭄ᬘᬦᬫ᭄ᬯᬂᬪᬸᬱᬡᬦᬾ᭞ᬫᬶᬯᬄᬲᬓ᭄ᬯᬾᬄᬧᬭᬧ᭄ᬭᬪᬸ᭞ᬯᬶᬭᬵᬝᬮᬾᬦ᭄ᬫᬤ᭄ᬭᬧᬢᬶ᭞ᬳᬯᬦ᭄ᬢᬶᬮᬯᬦ᭄ᬲᬶᬗ᭄ᬳ᭠ᬮᬵ᭞ᬲᬫᬶᬲᬶᬭᬧᬥᬵᬦ᭄ᬤᬸᬮᬸᬃ᭞ᬢᬗᬾᬄᬬᬦ᭄ᬓᬣᬓ᭄ᬦ᭞ᬲᬧ᭄ᬭᬦᬵᬣ᭞ᬋᬱᬶᬤᭀᬫ᭄ᬬᬮᬦ᭄ᬰ᭄ᬭᬷᬓᬸᬦ᭄ᬢᬶ᭞ᬳᬶᬦᬶᬭᬶᬂᬯ᭄ᬯᬂᬧᬤᬲᬦ᭄᭟᭓᭟
ᬤᬤᬶᬭᬸᬗᬸᬮᬸᬗ᭄ᬳᬂᬯᬺᬢᬚᬵᬢᬶ᭞ᬢ᭄ᬓᬾᬂᬳᬲ᭄ᬢᬶᬦ᭞ᬬᬚ᭄ᬜᬵᬭᬶᬂᬧᬜ᭄ᬘᬮ᭞ᬲᬂᬧᬵᬡ᭄ᬟᬯᬯᬭᬗᬦᬾ᭞ᬓᬢᬸᬭᬶᬂᬚᭃᬂᬦᬺᬧᬓᬸᬭᬸ᭞ᬲᬸᬬᭀᬥᬦᬤᬳᬢᬶᬂᬭᬸᬦ᭄ᬢᬶᬓ᭄᭞ᬫᬶᬚᬶᬮ᭄ᬲᬶᬭᬭᬶᬂᬧᬲᬾᬪᬦ᭄᭞ᬲᬶᬦᬸᬗᬦ᭄ᬲᬂᬯᬢᭂᬓ᭄ᬧ᭄ᬭᬪᬸ᭞ᬰ᭄ᬭᬷᬕᬡ᭄ᬟᬭ᭠
ᬳᬯᬗ᭄ᬕᬦᬵᬣ᭞ᬯᬮᬪᬧᬢᬶ᭞ᬓᬾᬢᬸᬫᬦ᭄ᬮᬦ᭄ᬖᬺᬢᭀᬧᬢᬶ᭞ᬓᬰᬶᬧᬸᬭᬲᬶᬦ᭄ᬤᬸᬭᬵᬚ᭟᭔᭟ᬤ᭄ᬯᬶᬚᬲᬸᬦᬸᬫᬮᬯᬯᬾᬮᬧᬢᬶ᭞ᬢᬜ᭄ᬚᬸᬧᬸᬭ᭞ᬢᬗᬾᬄᬢᬦ᭄ᬯᬶᬮᬗᭂᬦ᭄᭞ᬲᬯᬢᭂᬓ᭄ᬳᬤᬶᬧᬢᬶᬦᬾ᭞ᬲᬸᬬᭀᬥᬦᬲᬶᬭᬵᬯᬸᬯᬸᬲ᭄᭞
Kaca:Bali-lontar-gaguritan-pandawa-dasa-01-300ppi.pdf/95
Kaca puniki sampun kauji-wacén
