Kaca:Bali-lontar-gaguritan-pandawa-dasa-01-300ppi.pdf/94

Saking Wikisource
Kaca puniki sampun kauji-wacén

[᭙᭓ 93B]
᭙᭓
ᬓ᭄᭞ᬮᬶᬗᬶᬭᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬓᬓᬦᬭᬾᬦ᭄ᬤ᭄ᬭ᭞ᬫᬧᬾᬓᬶᬤᭀᬭᬵᬗ᭄ᬭᬲᬦᬶᬦ᭄᭟᭔᭙᭟ᬳᬗ᭄ᬤᬾᬲᬶᬤ᭄ᬟᬳᬸ᭠ᬮᬶᬄᬧᬵᬡ᭄ᬟᬯᬾᬗᬲ᭄ᬢᬶᬦ᭞ᬳᬮᬥᬭᬵᬦᬳᬸᬭᬶ᭞ᬳᬾᬋᬦ᭄ᬲᬶᬤ᭄ᬭᬸᬧᬤ᭞ᬬᬦ᭄ᬢᬦ᭄ᬳᬍᬫᬶᬳᬧᬸᬢ᭄ᬭ᭞ᬭᬶᬓᬳ᭄ᬮᬢᬦᬫᬮᬶᬄ᭞ᬧᬸ
ᬭᬶᬦ᭄ᬳᬓᬺᬩᬦ᭄᭞ᬧᬶᬭᬬᭀᬕ᭄ᬬᬦᬶᬗᬲ᭄ᬯᬫᬶ᭟᭕᭐᭟ᬦ᭄ᬤᬦ᭄ᬫᬗ᭄ᬓᬦᬮᬶᬗᬶᬭᬂᬓᬮᬶᬄᬭᬶᬗᬯᬦ᭄᭞ᬓᬢᭀᬦ᭄ᬮᬫ᭄ᬧᬄᬦ᭄ᬬᬲᬂᬓᬮᬶᬄ᭞ᬲᬧᬭᬦᬶᬗᬸᬚᬃ᭞ᬓᬋᬗᭃᬤᬾᬤᬺᬱ᭄ᬝᬤ᭄ᬬᬸᬫ᭄ᬦ᭞ᬲᬶᬭᬵᬭᬲᬭᬲᬾᬗᬢᬶ᭞ᬦᬯ᭄ᬬᬢᬦ᭄ᬢᬧ᭞ᬫᭀ᭠
ᬮᬶᬳᬫᬾᬢ᭄ᬲᬶᬤ᭄ᬭᭀᬧᬤᬶ᭟᭕᭑᭟ᬳᬾᬗ᭄ᬕᬮ᭄ᬮᬫ᭄ᬧᬄᬦ᭄ᬬᬦᬶᬮᬶᬓ᭄‌ᬧᬭᬾᬂᬫᬬᬸᬓᬦ᭄᭞ᬜᬫᬃᬜᬫᬃᬮᬫ᭄ᬧᬳᬾᬕ᭄ᬮᬶᬲ᭄᭞ᬧ᭄ᬭᬵᬧ᭄ᬢᬾᬂᬗ᭄ᬕ᭄ᬯᬦ᭄ᬲᬂᬮᬶᬫ᭞ᬳᬲᬶᬦᬸᬢᬦ᭄ᬯᬶᬢ᭄ᬦᬶᬂᬯᬺᬓ᭄ᬱ᭞ᬗ᭄ᬳᬶᬂᬢᬦ᭄ᬳᬦᬳᬗᬯ᭄ᬭᬸᬳᬶ᭞ᬓᬮᬲᬸᬤᬾᬯ᭄ᬬᬵᬯᬭᬄ
ᬫᬦ᭄ᬢ᭄ᬯᬮᬭᬾᬂᬗᬹᬦᬶ᭟᭕᭒᭟ᬇᬩᬸᬢᭀᬦ᭄ᬢᭀᬦ᭄ᬮᬭᬗ᭄ᬓᬸᬲᬧᬭ᭄ᬯᬦ᭄ᬢᬓ᭞ᬳᬜ᭄ᬚᬚᬮᬸᬓ᭄ᬲᬓᬫᭀᬮᬶᬄ᭞ᬲᬵᬲᬶᬄᬯ᭄ᬯᬂᬧᬤᬲᬦ᭄᭞ᬬᬾᬓᬸᬪᬶᬦᬹᬓ᭄ᬢ᭄ᬬᬤᬾᬦᬶᬗ᭄ᬯᬂ᭞ᬧᬶᬦᬭ᭄ᬯᬦ᭄ᬧᬦᬭ᭄ᬯᬦ᭄ᬧᬶᬦᬮᬶᬄᬓᬲᬶᬄ᭞ᬲᬢ᭄ᬗᬲᬶᬪᬷᬫ᭞ᬩᬶᬩᬶᬧᬋᬂ
[᭙᭔ 94A]
ᬧᬜ᭄ᬘᬲᬶᬓᬶ᭟᭕᭓᭟ᬲᬮᬶᬂᬓᬸᬦ᭄ᬢᬷᬭᬸᬗ᭄ᬯᬵᬤᬾᬦᬶᬂᬤᬺᬱ᭄ᬝᬤ᭄ᬬᬸᬫ᭄ᬦ᭞ᬤᬤᬶᬓᬭᬲᬭᬶᬗᬢᬶ᭞ᬚᬵᬢᬶᬦᬶᬂᬧᬡ᭄ᬟᬯ᭞ᬓᬭᬶᬳᬸᬭᬶᬧ᭄‌ᬚᬬᬾᬂᬬᬚ᭄ᬜ᭞ᬕᬶᬭᬂᬳᬢᬶᬲᬶᬭᬫᬸᬮᬶᬄ᭞ᬳᬢᬸᬭᬶᬂᬩᬧ᭞ᬤ᭄ᬭᬸᬧᬤᬵᬓᭀᬦᬸᬫᬸᬦ᭄ᬤᬗᬶ᭟᭕᭔᭟ᬩᭀᬄᬩᭀᬄ
ᬩᬧᬓᬶᬢᬫᬭᬶᬂᬭᬵᬢ᭄ᬫᬵᬬᬸᬓᬦ᭄᭞ᬲᬸᬭᬸᬳᭂᬦ᭄ᬳᬭᬶᬤ᭄ᬭᭀᬧᬤᬷ᭞ᬓᬢ᭄ᬓᬾᬂᬧᬓ᭄ᬭᬫᬦ᭄ᬬ᭞ᬳᬗ᭄ᬤᬾᬫᬸᬮᬶᬳᬾᬂᬧᬜ᭄ᬘᬮ᭞ᬩᬧᬧ᭄ᬭᬬᬳᬦᬯᬸᬃᬲᬶᬄ᭞ᬬᬦ᭄ᬲᭀᬫᬯᬗ᭄ᬰ᭞ᬲᬤ᭄ᬬᬯᬶᬯᬳᬦ᭄ᬳᬶᬭᬶᬓᬶ᭟᭕᭕᭟ᬦ᭄ᬤᬦ᭄ᬫᬗ᭄ᬓᬦᬮᬶᬗᬶᬭᬤ᭄ᬭᬸᬧ
ᬤᬦᬵᬣ᭞ᬤᬺᬱ᭄ᬝᬤ᭄ᬬᬸᬫ᭄ᬦᬵᬤᬦᬮᬭᬶᬲ᭄᭞ᬳᬶᬦᬶᬭᬶᬗᬶᬂᬩᬮ᭞ᬫᬦ᭄ᬢ᭄ᬭᬷᬢᬡ᭄ᬟᬓᬸᬮᬰᬸᬤ᭄ᬟ᭞ᬢᬦᬓᬤᬢ᭄ᬯᬯᬂᬧ᭄ᬭᬵᬧ᭄ᬢᬶ᭞ᬭᬶᬂᬗ᭄ᬕ᭄ᬯᬦ᭄ᬲᬂᬮᬶᬫ᭞ᬤᬺᬱ᭄ᬝᬤ᭄ᬬᬸᬫ᭄ᬦᬧ᭄ᬭᬡᬫ᭄ᬬᬗ᭄ᬮᬶᬂ᭟᭕᭖᭟ᬲᬶᬗ᭄ᬕᬶᬄᬤᬾᬯᬳᬸᬮᬸᬦ᭄ᬓᬶᬦᭀᬦ᭄ᬤᬾᬲᬂᬩᬧ᭞ᬳᬸᬫᬸᬦ᭄ᬤᬗᬾ
ᬲᬶᬭᬲᬫᬶ᭞ᬫᬸᬮᬶᬳᬾᬂᬧᬜ᭄ᬘᬮ᭞ᬓᬾᬯᬮᬓᬋᬡᬾᬂᬘᬶᬢ᭄ᬢ᭞ᬫᬓᬵᬤᬶᬬᬬᬶᬤ᭄ᬭᭀᬧᬤᬷ᭞ᬤᬦ᭄ᬧᬫᬸᬮᬶᬳ᭞ᬳᬶᬭᬶᬗᭂᬦ᭄ᬲᬂᬮᬶᬫᬂᬲᬶᬓᬶ᭟᭕᭗᭟ᬢᬦ᭄ᬳᬤᬯᬲᬳᬸᬃᬲᬤ᭄ᬬᬳᬢᬸᬢᬸᬢᬦ᭄᭞ᬲᬫᬲᬶᬭᬵᬤᬦᬮᬭᬶᬲ᭄᭞᭠