[᭙᭒ 92B]
᭙᭒
ᬳᬵᬃᬚ᭄ᬚᬸᬦᬵᬗᬸᬘᬧ᭄᭞ᬳᬸᬮᬸᬦ᭄ᬳᬧᬓᬬᬾᬂᬳᬶᬲ᭄ᬢ᭄ᬭᬶ᭟᭔᭐᭟ᬯᬯᬂᬫᬗ᭄ᬕᬓᬕ᭄ᬬᬢ᭄ᬓᬸᬦ᭄ᬢᬷᬳᬸᬗ᭄ᬯᬂᬫᬸᬮᬢ᭄᭞ᬢᭀᬦ᭄ᬲᬂᬳᬶᬲ᭄ᬢ᭄ᬭᬷᬳᬬᬸᬍᬯᬶᬄ᭞ᬫᬾᬗᭂᬢ᭄ᬲᬶᬭᬾᬂᬳᬸᬚᬃ᭞ᬳᬦ᭄ᬢ᭄ᬬᬦ᭄ᬓᬵᬗᭂᬦᬶᬂᬲ᭄ᬯᬘᬶᬢ᭄ᬢ᭞ᬧᬶᬦ᭄ᬓᬸᬮ᭄ᬕᬸᬮᬸᬲᬶᬤ᭄ᬭᭀᬧᬤᬷ᭞ᬢᬸᬃᬢᬶ
ᬦᬗᬶᬲᬦ᭄᭞ᬇᬩᬸᬲᬯ᭄ᬕᬸᬂᬦᬫ᭄ᬬᬓᬶᬗ᭄ᬓᬶᬂ᭟᭔᭑᭟ᬓᬶᬢᬫᬸᬧ᭄ᬯᬾᬲᬂᬧᬵᬡ᭄ᬟᬯᬧᬜ᭄ᬘᬲ᭄ᬯᬫ᭄ᬬ᭞ᬧᬦ᭄ᬫᬗ᭄ᬓᬦᬮᬶᬂᬗᬶᬂᬳᬸᬦᬶ᭞ᬢᬦ᭄ᬤᬤᬶᬢᬶᬦᬸᬮᬓ᭄᭞ᬲᬂᬮᬶᬦᬶᬗᬦ᭄ᬢᬦ᭄ᬧᬗᬸᬘᬧ᭄᭞ᬳᬵᬃᬚ᭄ᬚᬸᬦᬵᬰ᭄ᬭᬸᬳᬦᬯᬸᬭᬶ᭞ᬲᬮᬶᬂᬳᬶᬩ᭄ᬯᬗ᭄ᬯᬂ᭞ᬲᬸᬓ᭠
ᬧᬋᬂᬳᬦᬦ᭄ᬤᬗᬶᬦ᭄᭟᭔᭒᭟ᬓᬵᬮᬶᬦᬶᬭᬂᬲᬂᬧᬵᬡ᭄ᬟᬯᬲᬫᬰᭀᬓ᭞ᬲᬂᬓ᭄ᬭᬱ᭄ᬡᬵᬧ᭄ᬭᬵᬧ᭄ᬢᬳᬦᬶᬮᬶᬩ᭄᭞ᬲᬮᬶᬂᬓᬸᬦ᭄ᬢᬷᬭᬸᬗ᭄ᬯᬵ᭞ᬓᬵᬯᬲ᭄ᬚᬵᬢᬶᬲᬂᬧᬵᬡ᭄ᬟᬯ᭞ᬓᬭᬶᬳᬸᬭᬶᬧ᭄ᬲᬶᬭᬲᬫᬶ᭞ᬯᬯᬂᬢᬶᬦ᭄ᬓᬦᬦ᭄᭞ᬳᬫ᭄ᬓᬸᬮ᭄ᬧᬤᬦ᭄ᬬᬲᬂᬩᬶᬩᬶ᭟
᭔᭓᭟ᬲᬃᬯ᭄ᬬᬵᬗᬸᬘᬧ᭄ᬳᬲ᭄ᬫᬸᬯᬲ᭄ᬧᬲᬶᬗ᭄ᬕᬶᬭᬾᬡ᭞ᬢᬶᬗ᭄ᬳᬮᬶᬲᭂᬫ᭄ᬩᬳᬶᬗ᭄ᬲᬸᬦᬶᬓᬶ᭞ᬫᬸᬮᬲᬵᬦᬓ᭄ᬬᬬᬄ᭞ᬫᬓᬵᬤᬶᬬᬬᬶᬦᬭᬾᬦ᭄ᬤ᭄ᬭ᭞ᬢᬦ᭄ᬮᬶᬧ᭄ᬬᬾᬗ᭄ᬲᬸᬦ᭄ᬓᬤᬂᬳᬚᬶ᭞ᬳᬢᬦ᭄ᬤᬂᬩᬬ᭞ᬧᬶᬭᬧ᭄ᬭᬵᬧ᭄ᬢᬦᬶᬓᬂᬯᬶᬱ᭄ᬝᬶ᭟᭔᭔᭟ᬦ᭄ᬤᬦ᭄ᬫᬗ᭄ᬓᬦ
[᭙᭓ 93A]
ᬮᬶᬂᬲᬂᬓᬺᬱ᭄ᬡᬤᬤᬶᬧ᭄ᬭᬵᬧ᭄ᬢ᭞ᬓᬓᬵᬃᬱᬡᬢᬦ᭄ᬧᬓᬦ᭄ᬢᬶ᭞ᬳᬭᬋᬫ᭄ᬳᬦᭂᬫ᭄ᬩᬄ᭞ᬳᬶᬩᬸᬢᭀᬦ᭄ᬢᭀᬦ᭄ᬲᬶᬳᬮ᭠ᬥᬭ᭞ᬧ᭄ᬭᬬᬳᬢᬸᬭᬓᭂᬦ᭄ᬩᬶᬩᬶ᭞ᬫ᭄ᬯᬂᬳᬭᬶᬦᬶᬗ᭄ᬯᬂ᭞ᬮᬦ᭄ᬫᬸᬮᬶᬳᬾᬂᬤ᭄ᬯᬭᬯᬢᬶ᭟᭔᭕᭟ᬳᬗ᭄ᬤᬾᬳᬦᬕ᭄ᬮᭂᬂᬗᬶᬭᬤᬸᬃᬬ᭄ᬬᭀᬥᬦ᭞ᬬ
ᬥᬸᬮᬯᬦᬦᬚᬸᬭᬶᬢ᭄᭞ᬲᬫᬵᬢᬗ᭄ᬕ᭄ᬯᬾᬂᬓᬶᬢ᭞ᬲᬶᬦᬫ᭄ᬩᬸᬢ᭄ᬤᬾᬓᬸᬦ᭄ᬢᬶᬦᬵᬣ᭞ᬤᬸᬄᬪᬕ᭄ᬬᬲᬸᬦ᭄ᬮᬓᬶᬓᬵᬮᬶᬄ᭞ᬓᬯᬰᬦᬶᬗ᭄ᬯᬂ᭞ᬓᬤᬶᬲᬶᬦ᭄ᬓᬭᬶᬓᬂᬳᬢᬶ᭟᭔᭖᭟ᬮᬶᬂᬓᬸᬦ᭄ᬢᬶᬲᬳᬸᬃᬬᬸᬥᬶᬱ᭄ᬝᬶᬭᬧ᭄ᬭᬡᬫ᭄ᬬ᭞ᬢᬦ᭄ᬳᬦᬩ᭄ᬬᬸᬳᬦᬫᬮᬶᬄ᭞᭠
ᬪᬶᬦᬦᬶᬂᬲᬂᬓᬓ᭞ᬬᭀᬕ᭄ᬬᬓᬸᬓᬸᬳᬦᬶᬂᬮᬶᬫ᭞ᬤᬸᬫᬫᬲᬧᬢᬶᬳᬸᬭᬶᬧ᭄᭞ᬧᬦ᭄ᬓᬶᬢᬓᬃᬯ᭄ᬯ᭞ᬧ᭄ᬭᬕᬩ᭄ᬭᬵᬳ᭄ᬫᬯᬶᬱ᭄ᬡᬸᬓᬵᬮᬶᬄ᭟᭔᭗᭟ᬤᬦ᭄ᬳᬦ᭄ᬢᬸᬓᬓᬓᬳᬸᬮᬸᬦ᭄ᬓᬵᬃᬬ᭄ᬬᬬᬰ᭞ᬧᬦ᭄ᬳᬦᬮᬶᬂᬦ᭄ᬬᬲᬂᬩᬶᬩ᭞ᬤ᭄ᬭᭀᬧᬤᬷᬬᬓᬶᬦᭀ᭠
ᬦ᭄᭞ᬫᬓᬲ᭄ᬯᬫᬶᬦ᭄ᬬᬲᬂᬮᬶᬫ᭞ᬢᬦ᭄ᬯᭂᬦᬂᬢᬸᬮᬓᬶᬂᬓᬵᬧ᭄ᬢᬶ᭞ᬲᬢ᭄ᬬᬯᬘᬦ᭞ᬳᬸᬮᬸᬦ᭄ᬓᬭᬶᬳᬗ᭄ᬭᬲᬦᬶᬦ᭄᭟᭔᭘᭟ᬬᬾᬓᬵᬦ᭄ᬫᬸᬮᬶᬄᬳᬭᬶᬫᬹᬃᬢ᭄ᬢᬶᬩᬮᬤᬾᬯ᭞ᬯᬸᬲ᭄ᬳᬫ᭄ᬯᬶᬢᬶᬂᬲᬂᬩᬶᬩᬶ᭞ᬳᬢᬶᬰᬵᬓᬮᬭ᭞ᬧᬥᬵᬭᬲᬭᬲᬾᬗᬯ᭠
Kaca:Bali-lontar-gaguritan-pandawa-dasa-01-300ppi.pdf/93
Kaca puniki sampun kauji-wacén
