[᭙᭑ 91B]
᭙᭑
ᬧ᭄ᬭᬗᬶᬭᬬᬦ᭄ᬲᬶᬮᬶᬄᬘᬶᬤ᭄ᬭ᭞ᬲᬂᬪᬵᬯᬳᬲ᭄ᬭᬶᬗᬦ᭄ᬓᬦᬶᬦ᭄᭞ᬗ᭄ᬳᬶᬂᬢᬦ᭄ᬩᬶᬲᬢᬢ᭄ᬯ᭞ᬤᬸᬰ᭄ᬰᬵᬲᬦᬭᬲᬭᬲ᭞ᬭᬶᬓ᭄ᬯᬢᬶᬂᬰᬢ᭄ᬭᬸᬮ᭄ᬯᬶᬃᬯ᭄ᬲᬶ᭞ᬧᬶᬦᬮ᭄ᬯᬾᬂᬢᬶᬫᬄ᭞ᬫᬭᬲ᭄ᬳᬢᬶᬯᬮᬪᬵᬧᬢᬶ᭟᭓᭒᭟ᬦ᭄ᬤᬦ᭄ᬲᬾᬧ᭄ᬤᬸᬰ᭄ᬰᬵᬲᬦᬤᬡ᭄ᬟᬦᬶᬭᬕᬶᬤᬤᬵ
ᬦ᭄᭞ᬲᬧᬶᬲᬦ᭄ᬢᬶᬓᭂᬮ᭄ᬢ᭄ᬫᬄᬓᬵᬮᬶᬄ᭞ᬮᬸᬫ᭄ᬧᬢ᭄ᬤᬸᬰ᭄ᬰᬵᬲᬦ᭞ᬫᬶᬮᬸᬫᬸᬦ᭄ᬤᬸᬃᬲᬸᬬᭀᬥᬦ᭞ᬰᬓᬸᬦᬶᬚ᭄ᬭᬶᬄᬢᬸᬓᬸᬧ᭄ᬲᬶᬮᬶᬢ᭄᭞ᬓᬳᬦᬦ᭄ᬪᬬ᭞ᬫᬸᬦ᭄ᬤᬸᬃᬲᬂᬓᬾᬭᬯᬲᬫᬶ᭟᭓᭓᭟ᬫᬗ᭄ᬲᭃᬲᬶᬭᬂᬫᬤ᭄ᬭᬭᬵᬚᬵᬕᬤᬵᬬᬸᬤ᭄ᬟ᭞ᬧᬶᬦᬕᬸ
ᬢ᭄ᬲᬂᬪᬵᬯᬢᬜ᭄ᬚ᭄ᬭᬶᬄ᭞ᬳᬢᬗ᭄ᬓᭂᬧᬶᬂᬕᬤ᭞ᬲᬶᬮᬶᬄᬘᬶᬤ᭄ᬭᬢᬦ᭄ᬓᬘᬶᬤ᭄ᬭᬦ᭄᭞ᬳᬲ᭄ᬯᬾᬲᬾᬧ᭄ᬰᬮ᭄ᬬᬳ᭠ᬢᬗ᭄ᬓᬶᬲ᭄᭞ᬓᭂᬦᬕᬶᬦᬤᬦ᭄᭞ᬓᬧ᭄ᬢᭂᬗᬦ᭄ᬢᬂᬩᬾᬂᬰᬶᬢᬶ᭟᭓᭔᭟ᬯᬯᬂᬲᬶᬭᬩᬶᬦᬬ᭄ᬯᬦ᭄ᬤᬾᬦᬶᬭᬂᬪᬵᬯ᭞ᬫᬾᬗᭂᬢ᭄ᬳᬚ᭄ᬭᬶᬄᬫᬸᬗ᭄ᬲ᭄ᬬᬾᬂ
ᬯᬸᬭᬶ᭞ᬫᬗ᭄ᬲᭃᬄᬳᬯᬗ᭄ᬕᬦᬵᬣ᭞ᬢᬦ᭄ᬲᬄᬗᬸᬤᬦᬓᭂᬦ᭄ᬰᬭ᭞ᬲᬂᬲᬸᬪᬵᬯᬳᬫᬍᬲᬶ᭞ᬰᬭᬰ᭄ᬭᬷᬓᬃᬡ᭄ᬦ᭞ᬢᬦ᭄ᬘᬾᬢ᭄ᬲᬳᬾᬓᬢᬶᬓᭂᬮ᭄ᬦᬸᬯᬶ᭟᭓᭕᭟ᬳᬲ᭄ᬫᬸᬫᬾᬭᬂᬰ᭄ᬭᬶᬓᬃᬡ᭄ᬦᬫᬸᬗ᭄ᬕᬳᬶᬂᬭᬣ᭞ᬫᬬᬢ᭄ᬰᬭᬢᬶᬓ᭄ᬱ᭄ᬡᬵᬮᬸᬗᬶᬤ᭄᭞
[᭙᭒ 92A]
ᬧ᭄ᬭᬵᬧ᭄ᬢᬲᬶᬭᬂᬪᬵᬯ᭞ᬲᬵᬳᬲᬵᬫᬸᬧᬸᬳᬶᬂᬕᬤᬵ᭞ᬋᬫᭂᬓ᭄ᬭᬣᬳᬯᬗ᭄ᬕᬧᬢᬶ᭞ᬮᬸᬫ᭄ᬧᬢ᭄ᬰ᭄ᬭᬷᬓᬃᬡ᭄ᬦ᭞᭠ᬓᬢᭀᬦ᭄ᬤᬾᬦᬶᬭᬂᬰᬓᬸᬦᬶ᭟᭓᭖᭟ᬮᬶᬂᬕᬦ᭄ᬟᬭᬦᬵᬣᬲᬶᬗ᭄ᬕᬶᬄᬓᬸᬭᬸᬦᬵᬣ᭞ᬲᬵᬫ᭄ᬧᬸᬦ᭄ᬓᬮᭀᬜ᭄ᬚᬾᬓᬺᬧᬢᬶᬢᭀᬦ᭄ᬢᭀ
ᬦ᭄ᬓᬃᬡ᭄ᬦᬰᬮ᭄ᬬ᭞ᬓᬭ᭄ᬯᬵᬤᬄᬤᬾᬦᬶᬭᬵᬗ᭄ᬮᬕ᭞ᬢᭂᬫ᭄ᬩᬾᬳᬦᬢᬧᬭᬶᬭᬶᬄ᭞ᬢᬦ᭄ᬤᬂᬦ᭄ᬬᬵᬮᬕ᭞ᬢᬦ᭄ᬪᬶᬦᬪᬷᬫᬓᬶᬭᬶᬢᬶ᭟᭓᭗᭟ᬫᬗ᭄ᬓᬦᬮᬶᬂᬰᬓᬸᬦᬶᬭᬸᬗ᭄ᬯᬾᬂᬧ᭄ᬭᬡᬢ᭞ᬤᬤ᭄ᬬᬮᬬᬹᬦᬵᬣᬲᬫᬶ᭞ᬧᬥᬫᬸᬗ᭄ᬲ᭄ᬬᬾᬗᬸᬫᬄ᭞ᬢᬦ᭄ᬮᬶᬗᭂᬦ᭄ᬲᬂᬯ
ᬤ᭄ᬯᬾᬂᬭᬡ᭞ᬚᬋᬦ᭄ᬮᬫ᭄ᬧᬄᬰ᭄ᬭᬷᬤ᭄ᬭᭀᬧᬤᬷ᭞ᬓᬶᬦᬦ᭄ᬢ᭄ᬬᬾᬂᬓᬭᭀ᭞ᬧ᭄ᬭᬵᬧ᭄ᬢᬾᬂᬚᭃᬂᬓᬓᬵᬭᬶᬓᬵᬮᬶᬄ᭟᭓᭘᭟ᬧᬥᬕᬶᬭᬂᬢᭀᬦ᭄ᬪᬷᬫᬵᬃᬚ᭄ᬚᬸᬦᬧ᭄ᬭᬵᬧ᭄ᬢ᭞ᬳᬗᬶᬦ᭄ᬢᬾᬲᬶᬭᬂᬤ᭄ᬭᭀᬧᬤᬷ᭞ᬯᬯᬂᬓᭀᬦ᭄ᬫᬋᬓ᭞ᬭᬶᬂᬳᬶᬩᬸᬦ᭄ᬬᬓᬃᬬ᭄ᬬᬵᬦᬶᬤ᭄ᬭ᭞ᬲ᭄ᬟᭂᬂᬓᬵ
ᬭᬶᬧᬦᬕᬸᬮᬶᬂ᭞ᬦᬸᬍᬲᬦ᭄ᬚᬫᬂ᭞ᬆᬃᬚ᭄ᬚᬸᬦᬵᬢᬸᬃᬯᭀᬢ᭄ᬲᬭᬶ᭟᭓᭙᭟ᬲᬶᬗ᭄ᬕᬶᬄᬳᬶᬩᬸᬯᬸᬗ᭄ᬯᬳᬸᬮᬸᬦ᭄ᬫᭀᬮᬶᬄᬧ᭄ᬭᬵᬧ᭄ᬢ᭞ᬓᬸᬦ᭄ᬢᬷᬓᬃᬬ᭄ᬬᬲᬫᬵᬗ᭄ᬮᬶᬂ᭞ᬩᬕ᭄ᬬᬓᬶᬢᬩᬧ᭞ᬧᬭᬦ᭄ᬓ᭄ᬦᬳᬶᬦᬸᬮᬢᬦ᭄᭞ᬯᬾᬳᬦᬲᬵᬦᬓ᭄ᬢᬲᬫᬶ᭞᭠
Kaca:Bali-lontar-gaguritan-pandawa-dasa-01-300ppi.pdf/92
Kaca puniki sampun kauji-wacén
