[᭙᭐ 90B]
᭙᭐
ᬧᬤᬷᬓᭀᬦ᭄ᬫᬸᬗ᭄ᬕ᭄ᬯᬾᬂᬯᬸᬭᬶ᭞ᬲᬶᬭᬂᬲᬸᬪᬵᬯ᭞ᬓ᭄ᬭᭀᬥᬵᬗ᭄ᬮᬓ᭄ᬱᬾᬂᬳ᭄ᬭᬹᬦᬶᬢᬶᬃ᭟᭒᭓᭟ᬲᬓ᭄ᬯᬾᬳᬶᬓᬂᬰᬭᬦᬵᬣᬯᬶᬦᬮᬶᬓᬦ᭄᭞ᬕᬸᬦ᭄ᬢᬸᬃᬩ᭄ᬭᬱ᭄ᬝᬢᬶᬩᬾᬂᬓ᭄ᬱᬶᬣᬶ᭞ᬳᬦᬦ᭄ᬧ᭄ᬕᬢ᭄ᬯᬢᬂᬦ᭄ᬬ᭞ᬮᬾᬦ᭄ᬓᭀᬦ᭄ᬢᬮ᭄ᬓᬭᬶᬭᬶᬂᬢᬗᬦ᭄᭞ᬧᬥ
ᬳᬰ᭄ᬘᬃᬬ᭄ᬬᬦ᭄ᬢᬸᬫᬶᬮᬶᬂ᭞ᬲᬓ᭄ᬯᬾᬳᬶᬂᬦᬵᬣ᭞ᬮᬶᬂᬦ᭄ᬬᬢᭂᬫ᭄ᬩ᭄ᬬᬦᬩ᭄ᬭᬵᬳ᭄ᬫᬡᬶ᭟᭒᭔᭟ᬳᬸᬮᬄᬦ᭄ᬬᬧ᭄ᬭᬂᬢᬦ᭄ᬪᬶᬦ᭠ᬅᬃᬚ᭄ᬚᬸᬦᬾᬂᬓᬸᬦ᭞ᬢᬦ᭄ᬳᬶᬗ᭄ᬕᬂᬓᬺᬩᬢᬾᬂᬯᬾᬭᬶ᭞ᬯᬶᬓᬦ᭄ᬓᬤᬶᬫᬬ᭞ᬓᬾᬡ᭄ᬟᭂᬕ᭄ᬲᬫᬤᬾᬦ᭄ᬬᬮᬕ᭞ᬬᬾᬓᬵᬦ᭄ᬲᭃᬄᬰ᭄ᬭᬷᬓᬸ
ᬭᬸᬧᬢᬶ᭞ᬢᬶᬦᬹᬢᬶᬂᬩᬮ᭞ᬯᬶᬭᬬᭀᬥᬲᬦᬓ᭄ᬲᬫᬶ᭟᭒᭕᭟ᬲᬶᬭᬂᬪᬵᬯᬧᬶᬦ᭄ᬭᬶᬄᬤᬾᬦ᭄ᬬᬵᬲᬫᬵᬮᬕ᭞ᬭᬶᬦᭂᬩᬸᬢ᭄ᬲᬂᬪᬵᬯᬢᬜ᭄ᬚ᭄ᬭᬶᬄ᭞ᬲᬯᬂᬓᬤᬶᬤᬫᬃ᭞ᬭᬶᬦᬩᬲ᭄ᬤᬾᬓᬂᬮᬭ᭄ᬯ᭞ᬲᬶᬂᬬᬩᬶᬂᬕᬤᬵᬗ᭄ᬫᬲᬶᬦ᭄᭞ᬯᬯᬂᬩᬶ
ᬦᬬ᭄ᬯᬦ᭄᭞ᬫᬾᬗᭂᬢᬚ᭄ᬭᬶᬄᬫᬸᬗ᭄ᬲ᭄ᬬᬾᬂᬗᬸᬭᬶ᭟᭒᭖᭟ᬯᬯᬂᬫᬗ᭄ᬲᭃᬯ᭄ᬯᬮᬪᬦᬵᬣᬧᬓ᭄ᬱᬵᬮᬕ᭞ᬤᬤᬶᬓᬢᭀᬦ᭄ᬲᬂᬤ᭄ᬭᭀᬧᬤᬶ᭞ᬳᬶᬭᬶᬗᬂᬲᬸᬪᬵᬯ᭞ᬳᬦ᭄ᬢ᭄ᬬᬦ᭄ᬓᬕᬺᬓᬶᬂᬲ᭄ᬯᬘᬶᬢ᭄ᬢ᭞ᬘᬶᬤ᭄ᬭᬦᬾᬂᬲᬸᬪᬵᬯᬾᬗᬸᬭᬶ᭞ᬲᬶᬭᬂᬤ᭄ᬭᬸᬧᬤ᭄ᬬ᭞᭠
[᭙᭑ 91A]
ᬓᬶᬦᬯᬮᬢ᭄ᬧᬶᬦᬮᬬ᭄ᬯᬦᬶ᭟᭒᭗᭟ᬓᬕ᭄ᬬᬢ᭄ᬲᬸᬪᬵᬯᬢᭀᬦ᭄ᬲᬶᬤ᭄ᬭᬸᬧᬤᬷᬦᬜᬂ᭞ᬢᬦ᭄ᬲᬶᬧᬶᬫᬲᭂ᭠ᬗ᭄ᬳᬶᬢᬶᬗᬢᬶ᭞ᬋᬓ᭄ᬱᬵᬗᭂᬢᬹᬢᬦ᭞ᬓᭂᬫ᭄ᬩᬸᬮᬦᬶᬂᬲᬧ᭄ᬭᬦᬵᬣ᭞ᬫᬓᬢᬯᭂᬂᬯᬮᬪᬧᬢᬶ᭞ᬓᬾᬧ᭄ᬯᬦ᭄ᬲᬸᬪᬵᬯ᭞ᬮᬶᬯᬃᬢ
ᬗᬾᬄᬳᬗᬋᬧᬶ᭟᭒᭘᭟ᬬᬾᬓᬵᬦ᭄ᬢᬗᭂᬄᬲᬂᬪᬵᬯᬤ᭄ᬭᭀᬧᬤᬷᬦᬜᬂ᭞ᬤᬾᬦᬶᬂᬤᬸᬰ᭄ᬰᬵᬲᬵᬦᬦᬸᬭᬶ᭞ᬬ᭠ᬦ᭄ᬲᬶᬦᬸᬗ᭄ᬕ᭄ᬯᬾᬂᬯᬸᬦ᭄ᬢᬢ᭄᭞ᬢᬦ᭄ᬲᬶᬧᬶᬓ᭄ᬭᬾᬥᬵᬫ᭄ᬩᭂᬓᬶᬭ᭞ᬮ᭄ᬯᬶᬃᬫᬭᬸᬢᬳᬗ᭄ᬮᬶᬦᬸᬲᬶ᭞ᬮᬫ᭄ᬧᬳᬶᬂᬪᬯ᭞ᬤᬶᬦᭂᬤᭂᬮ᭄ᬯ᭄ᬯᬮᬪᬧ
ᬢᬶ᭟᭒᭙᭟ᬢᬸᬃᬓᬶᬤᭂᬓᬦ᭄ᬲᬶᬭᬳᬓᬸᬲᬳᬶᬂᬢᬮ᭞ᬳᬶᬦᬜ᭄ᬘᬢ᭄ᬲᬶᬭᬂᬤ᭄ᬭᭀᬧᬤᬷ᭞ᬯᬶᬦᬾᬳᬦ᭄ᬲᬸᬪᬵᬯ᭞ᬲᬂᬪᬵᬯᬳᬢᬗ᭄ᬕ᭄ᬯᬾᬂᬮᬕ᭞ᬓᬕ᭄ᬬᬢ᭄ᬲᬶᬭᬂᬓᬸᬭᬸᬧᬢᬶ᭞ᬢᭀᬦ᭄ᬤᬸᬰ᭄ᬰᬵᬲᬦ᭞ᬮᬭᬵᬓᬸᬰᬵᬳᬦᬗᬶᬲ᭄᭟᭓᭐᭟
ᬭᬶᬳᬶᬮᬂᬦ᭄ᬬᬤ᭄ᬭᭀᬧᬤᬷᬢᬦ᭄ᬓᬸᬫᬯ᭄ᬭᬸᬳᬦ᭄᭞ᬢᬦ᭄ᬲᬶᬧᬶᬭᬸᬦ᭄ᬢᬶᬓᬶᬂᬳᬢᬶ᭞ᬓᬢᭀᬦ᭄ᬲᬂᬲᬸᬪᬵᬯ᭞ᬓᬭᬶᬗᭂᬫ᭄ᬩᬦ᭄ᬲᬂᬤ᭄ᬭᭀᬧᬤ᭄ᬬ᭞ᬢᬦ᭄ᬤᬂᬤᬸᬰ᭄ᬰᬵᬲᬦᬕᬶᬧᬶᬄ᭞ᬳᬫᬸᬢᭂᬃᬥᬡ᭄ᬟ᭞ᬳᬾᬗ᭄ᬕᬮ᭄ᬪᬵᬯᬳᬫᬕᬸᬢᬶ᭟᭓᭑᭟ᬅᬕᭂᬦ᭄ᬢᬸᬭᬦ᭄
Kaca:Bali-lontar-gaguritan-pandawa-dasa-01-300ppi.pdf/91
Kaca puniki sampun kauji-wacén
