Kaca:Bali-lontar-gaguritan-pandawa-dasa-01-300ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕
ᬲᬚ᭄ᬜᬩᬧᬲᬫᬶᬯᬭᬳᬦᬧᬦ᭄ᬩᬧᬧ᭄ᬭᬬᬮᬸᬫᬓᬸ᭞ᬮᬸᬗ᭄ᬳᬵᬳᬫᬸᬫᬸᬧᬸᬢ᭄᭞ᬬᬚ᭄ᬜᬭᬶᬂᬧᬜ᭄ᬘᬮᬪᬸᬫᬶ᭞ᬰ᭄ᬭᬷᬤ᭄ᬭᬸᬧᬤᬬᬰᬵ᭞ᬜᬾᬯᬬᬫ᭄ᬩᬭᬓᭂᬦ᭄ᬲᬹᬦᬸ᭞ᬰ᭄ᬭᬷᬓᬸᬦ᭄ᬢᬶᬢᬸᬃᬪᬓ᭄ᬢ᭄ᬬ᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄ᬳ᭄ᬬᬂᬫᬫᬶ᭞ᬬᬦ᭄ᬲᭀᬫ᭄ᬬᬲᬂᬫᬸᬦᬶᬯ
ᬭ᭞ᬧᬵᬡ᭄ᬟᬯᬵᬦᬸᬢ᭄ᬲᬶᬮᬶᬩᬶᬂᬮᬓᬸ᭟᭒᭖᭟ᬋᬱᬶᬤᭀᬫ᭄ᬬᬲᬃᬚ᭄ᬚᬯᬵᬗ᭄ᬮᬶᬂᬦᬶᬦᬶᬧᬢᬄ᭞ᬳᬬ᭄ᬯᬓᬓᬾᬳᬦᬦᬸᬢᬸᬕ᭄᭞ᬓᬭ᭄ᬯᬚᬸᬕᬮᬓᬸ᭞ᬳᬗ᭄ᬤᬾᬲᬶᬭᬢᬦ᭄ᬓᬢ᭄ᬗᭂᬭᬶ᭞ᬤᬾᬦᬶᬭᬂᬯᬢᭂᬓ᭄ᬧ᭄ᬭᬦᬵᬣ᭞ᬪᬷᬫᬵᬃᬚ᭄ᬚᬸᬦᬚᬸᬕᬵᬦᬹᬢ᭄᭞ᬲᬮᬶᬦᬦ᭄ᬪᬹᬱ
ᬡ᭞ᬳᬪᬵᬯᬳᬸᬮᬳᬶᬂᬋᬱᬶ᭞ᬳᬭᬦᬦ᭄‌ᬪᬵᬯᬲᬸᬪᬵᬯ᭞ᬓᬶᬢᬵᬗᬢᭂᬭᬾᬂᬫᬬᬸᬓᬜ᭄ᬘᬢᬸᬃ᭟᭒᭗᭟ᬲᬵᬫ᭄ᬧᬸᬦ᭄ᬳᬤᬦ᭄ᬲᬶᬭᬮᬭᬶᬲ᭄‌ᬫᬸᬦᬶᬯᬭ᭞ᬪᬶᬫᬵᬃᬚ᭄ᬚᬸᬦᬯᬸᬲ᭄ᬧᬸᬧᬸᬢ᭄᭞ᬪᬹᬱᬡᬦ᭄ᬬᬵᬲᬶᬮᬸᬃ᭞ᬯᬮᬸᬬᬳᬸᬮᬳᬶᬂᬋᬱᬶ᭞ᬢᬦ᭄ᬓᬯᬃᬡ᭄ᬦᬳ
ᬭᬶᬂᬫᬃᬕ᭄ᬕ᭞ᬧ᭄ᬭᬵᬧ᭄ᬢᬭᬶᬂᬧᬜ᭄ᬘᬮᬲᬵᬫ᭄ᬧᬸᬦ᭄᭞ᬫᬸᬗ᭄ᬕᬳᬶᬂᬧᬫᬹᬚ᭄᭞ᬲᬓ᭄ᬯᬾᬳᬶᬓᬂᬧᬭᬪᬹᬧᬢᬶ᭞ᬲᬫᬶᬳᬳ᭄ᬬᬲᬓᬦ᭄ᬤᬓᬦ᭄ᬤ᭞ᬳᬚᬚᬃᬳᬢᬢᬮᬸᬗ᭄ᬕᬸᬄ᭟᭒᭘᭟ᬲᬂᬓᭀᬦᭂᬂᬲᬵᬫ᭄ᬧᬸᬦᬮᬶᬗ᭄ᬕᬶᬄᬭᬶᬂᬲᬮ᭄ᬯᬃᬤ᭄ᬟ᭞ᬓᬯᬲᬶᬂᬧᬭᬭᬢᬸ᭞ᬧᬭᬶᬧᬹᬃᬡ᭄ᬦ
[᭘᭖ 86A]
ᬳᬬᬸ᭞ᬫᬶᬗ᭄ᬲᭀᬃᬰᬬᬭᬶᬳᬭᬶ᭞ᬫᬓᬲᬥᬶᬸᬂᬥᬦᬶᬂᬲᬵᬚ᭄ᬜᬵ᭞ᬤᬺᬱ᭄ᬝᬤ᭄ᬬᬸᬫ᭄ᬦᬳᬯᬸᬯᬸᬲ᭄᭞ᬲᬶᬗ᭄ᬕᬶᬄᬲᬫ᭄ᬬᬦᬵᬣ᭞ᬋᬗ᭄ᬯᬵᬦᬲᬫ᭄ᬩᬤᬫᬫᬶ᭞ᬬᬾᬓᬶᬰᬭᬳᬗ᭄ᬓᬢᬦ᭞ᬲ᭄ᬬᬧᬮᬩ᭄ᬤᬢᬵᬮᬧᬦᬭᬷᬗ᭄ᬲᬸᬦ᭄᭟᭒᭙᭟ᬧᬥᬳᬶ᭠
ᬦᬚᭂᬗᬦ᭄ᬲᬫᬶᬤᬾᬧᬭᬦᬵᬣ᭞ᬲᬫ᭄ᬪᬤᬤ᭄ᬭᬸᬧᬤᬲᬹᬦᬸ᭞ᬲᬶᬦᬓ᭄ᬱ᭄ᬬᬦ᭄ᬤᬾᬦᬶᬂᬫ᭄ᬧᬸ᭞ᬲᬫᬶᬧᬥᬳᬗᬬ᭄ᬯᬦᬶ᭞ᬲᬶᬂᬢᬦ᭄ᬲᬶᬤ᭄ᬟᬳᬬ᭄ᬯᬓ᭄ᬭᭀᬥ᭞ᬳᬧᬦ᭄ᬢᬦ᭄ᬓᬃᬫ᭄ᬫᬦ᭄ᬬᬧᬸᬓᬸᬮᬸᬦ᭄᭞ᬲᬯᬸᬃᬧᬓ᭄ᬱᬶᬧ᭄ᬭᬦᬵᬣ᭞ᬮᬶᬂᬦ᭄ᬬᬧᬥᬳᬫᬶᬲᬶ᭠
ᬗ᭄ᬕᬶᬄ᭞ᬗ᭄ᬕᬮᬰ᭄ᬭᬶᬓᬸᬭᬸᬦᬵᬣ᭞ᬲᬶᬭᬢᬦ᭄ᬤᬂᬧ᭄ᬭᬬᬦᬫ᭄ᬩᬸᬢ᭄᭟᭓᭐᭟ᬳᬲᬰ᭄ᬭᬫᬦ᭄ᬲᬶᬭᬢᬗ᭄ᬓᬶᬲ᭄‌ᬫᬶᬗ᭄ᬕᭂᬓ᭄ᬫᬶᬗ᭄ᬕᭂᬓ᭄᭞ᬢᬶᬦ᭄ᬤᬓᬗᭂᬢᬸᬢᬶᬢᬩᬸᬄ᭞ᬕᭂᬦ᭄ᬤᬶᬂᬕᭀᬂᬬᬳᬸᬫᬸᬂ᭞ᬘᬯᭂᬢ᭄‌ᬧ᭄ᬭᬤᬦᬧᬸᬄᬲᬶᬢᬶ᭞ᬳᬪ᭄ᬭᬵᬪᬹᬱᬡᬲᬵ
ᬯ᭄ᬯᬫᬵᬲ᭄᭞ᬩᭂᬓ᭄ᬤᬾᬦᬶᬂᬭᬢ᭄ᬦᬳᬾᬃᬚᬫ᭄ᬭᬸᬢ᭄᭞ᬓ᭄ᬭᬶᬲ᭄ᬳᬮᬡ᭄ᬟᬾᬬᬦ᭄᭞ᬧᬶᬦ᭄ᬤᬦ᭄ᬪᬸᬢᬵᬗᬯᬲᬭᬶ᭞ᬢᬶᬦ᭄ᬭᬧᬦᬶᬂᬲᬃᬯ᭄ᬯᬭᬢ᭄ᬦ᭞ᬳᬶᬢᬦᬤᬓᬸᬫᬺᬚᭂᬧ᭄ᬫᬸᬭᬸᬩ᭄᭟᭓᭑᭟ᬲᬂᬯ᭄ᬬᬵᬗᬸᬘᬧ᭄‌ᬦᬩ᭄ᬤᬫᬦᬶᬲ᭄‌ᬤᬸᬄᬭᬓ᭄ᬭ᭄ᬬᬦ᭄᭞ᬢᭀᬦ᭄ᬢᭀᬦ᭄ᬓ᭠