[᭘᭔ 84B]
᭘᭔
ᬯᬸᬲ᭄᭞ᬦᬯ᭄ᬬᬓᬶᬢᬢᬫ᭄ᬩᬸᬄ᭞ᬮᬯᬦ᭄ᬳᬃᬚ᭄ᬚᬸᬦᬾᬂᬪᬹᬫᬶ᭞ᬧᬯᬓᬦ᭄ᬢᬚᬸᬕᬤᬾᬯ᭞ᬳᬫ᭄ᬩᭂᬓ᭄ᬢᬮ᭄ᬯᬶᬃᬲᬢ᭄ᬯᬭᬸᬲᬸᬄ᭞ᬢᬦ᭄ᬧᬺᬓᬺᬢ᭄ᬬᬾᬗᬸᬮᬄ᭞ᬪᬶᬦᬾᬂᬳᬸᬮᬄᬧᭀᬳᬰᬸᬘᬶ᭞ᬬᬾᬓᬶᬤᬾᬯᬧᬵᬧᬓ᭄ᬭᬫ᭞ᬫᬭᬶᬂᬯᬦᬬᬦ᭄ᬳᬓᬓᬭᬸᬄ᭟᭒᭐᭟ᬓ᭄ᬭᭀ
ᬥᬤᬕ᭄ᬟᬲᬂᬕᬦ᭄ᬟᬃᬯᬤᬾᬦᬶᬭᬵᬧ᭄ᬭᬂ᭞ᬰᬭᬗᬜ᭄ᬘᬤᬾᬯᬲᬫ᭄ᬩᬸᬢ᭄᭞ᬰᬶᬖ᭄ᬭᬬᬦ᭄ᬢᬶᬦᬸᬚᬸ᭞ᬲᬗᬃᬚ᭄ᬚᬸᬦᬢᬦᬕᬶᬗ᭄ᬲᬶᬃ᭞ᬯᬯᬂᬲᬶᬭᬫᬍᬲᬦ᭞ᬧᬥᬯᬶᬤᬕ᭄ᬟᬳᬤᬦᬸᬄ᭞ᬕᬦ᭄ᬟᬃᬯ᭄ᬯᬵᬫᬾᬢ᭄ᬭᬣ᭞ᬢᬦ᭄ᬲᬸᬭᬸᬤ᭄ᬤᬾᬦᬶᬭᬗᬸᬗ᭄ᬲᬶ᭞ᬲᬗᬃᬚ᭄ᬚᬸᬦ
ᬫᬸᬱ᭄ᬝᬶᬯᬭᬬᬂ᭞ᬩ᭄ᬭᬵᬳ᭄ᬫᬰᬶᬭᬄᬮᬶᬦᭂᬧᬲᬦ᭄ᬲᬵᬫ᭄ᬧᬸᬦ᭄᭟᭒᭑᭟ᬪᬱ᭄ᬫᬶᬭᬣᬲᬂᬕᬦ᭄ᬟᬃᬯ᭄ᬯᬢᬦ᭄ᬧᬰᬾᬱ᭞ᬮᬸᬫᬫ᭄ᬧᬢ᭄ᬲᬶᬭᬦᬦ᭄ᬤᬂᬓ᭄ᬩᬸᬲ᭄᭞ᬢᬸᬫᬸᬢ᭄ᬖᬭᬫᬮᬬᬸ᭞ᬧᬥᬵᬗ᭄ᬮᬶᬄᬦᬳᭂᬦ᭄ᬪᬱ᭄ᬫᬶ᭞ᬯᬯᬂᬲᬶᬭᬫᭂᬡ᭄ᬟᭂᬫ᭄ᬓᬸ᭞ᬭᬶᬚᭃᬂᬲᬗᬃᬚ᭄ᬚᬸ
ᬦᬚᬮᬸᬮᬸᬢ᭄᭞ᬩ᭄ᬭᬵᬳ᭄ᬫᬰᬶᬭᬳᬶᬓ᭞ᬲᬶᬦᬸᬗᬦ᭄ᬕᬦ᭄ᬟᬃᬯ᭄ᬯᬧᬢᬶ᭞ᬲᬗᬃᬚ᭄ᬚᬸᬦᬳᬶᬦᬭᬦᬦ᭄᭞ᬰ᭄ᬭᬷ᭠ᬢᬧᬢᬶᬬᬜ᭄ᬚᬸᬚᬸᬮᬸᬓ᭄᭞ᬰ᭄ᬭᬶᬳᬗ᭄ᬕᬭᬧ᭄ᬭᬡᬲᬂᬯᬶᬘᬶᬢ᭄ᬭᬭᬣᬦᬵᬫᬶ᭞ᬳᬸᬯᬸᬲ᭄ᬫᬸᬭᬸᬧ᭄ᬓᬲ᭄ᬬᬚ᭄ᬜᬦᬦ᭄᭞ᬧᬥᬵᬫ᭄ᬯᬶᬢ᭄ᬲᬶ᭠
[᭘᭕ 85A]
ᬭᬢᬸᬃᬮᬓᬸ᭟᭒᭒᭟ᬭᬶᬳᬸᬭᬶᬦᬶᬭᬲᬂᬓᬭ᭄ᬯᬶᬂᬲ᭄ᬯᬃᬕ᭄ᬕᬦ᭄᭞ᬲᬂᬧᬵᬡ᭄ᬟᬯᬧᬥᬮᬓᬸ᭞ᬢᬦᬸᬘᬧᬦ᭄ᬭᬶᬂᬳ᭄ᬦᬸ᭞ᬥᬢᭂᬂᬭᬶᬂᬩᬵᬬᬸᬢᬪᬹᬫᬶ᭞ᬭᬳᬶᬦᬢᬢᬲ᭄ᬓᬫᬦ᭄ᬢ᭄ᬬᬦ᭄᭞ᬲᬂᬧᬵᬡ᭄ᬟᬯᬬᬦ᭄ᬚᬸᬫᬸᬚᬸᬕ᭄᭞ᬭᬶᬓᬾᬂᬤᭀᬫ᭄ᬬᬵᬰ᭄ᬭᬫ᭞ᬲᬂ᭠
ᬋᬱᬶᬲᬵᬫ᭄ᬧᬸᬦᬮᬶᬗ᭄ᬕᬶᬄ᭞ᬭᬶᬯᬸᬲᬶᬭᬵᬳᬫᬹᬚᬵ᭞ᬤᬦᬶᬓᬢᬾᬦ᭄ᬲᬂᬳᬜᬃᬭᬯᬸᬄ᭟᭒᭓᭟ᬅᬭᬋᬫ᭄ᬧᬵᬡ᭄ᬟᬯᬳᬕ᭄ᬮᬶᬲ᭄ᬫᭂᬡ᭄ᬟᭂᬫᬦᭂᬫ᭄ᬩᬄ᭞ᬲᬂᬱᬶᬯᬯᬂᬳᬫᬸᬯᬸᬲ᭄᭞ᬦ᭄ᬤᬯᭂᬕ᭄ᬲᬶᬭᬵᬮᬸᬗ᭄ᬕᬸᬄ᭞ᬓᬫᬬᬗᬦ᭄ᬯᬯᬂᬧ᭄ᬭᬵᬧ᭄ᬢᬶ᭞ᬲᭂᬗ᭄ᬕᬸᬄᬩᬧ᭠
ᬓᬶᬢᬵᬦ᭄ᬢᬓ᭞ᬧᬦ᭄ᬢᬦᬮᬸᬫ᭄ᬭᬳᬶᬓᬂᬪᬸᬄ᭞ᬓᬶᬢᬓᬩᬜ᭄ᬘᬦ᭞ᬤᬾᬲᬸᬬᭀᬥᬦᬦᬺᬧᬢᬶ᭞ᬢᬶᬦᬸᬦ᭄ᬯᬾᬂᬚᬢᬸᬕᬺᬳ᭞ᬢᬸᬃᬲᬵᬫ᭄ᬧᬸᬦ᭄ᬢᬶᬍᬫᬦ᭄ᬧᬸᬧᬸᬢ᭄᭟᭒᭔᭟ᬳᬲ᭄ᬯᬾᬩᬧᬦᬦ᭄ᬤᬂᬳᬕ᭄ᬭᬶᬂᬳᬗᭂᬦ᭄ᬓᬶᬢ᭞ᬯᬯᬂᬲᬭᬲ᭄ᬯᬢᬶᬲᬫ᭄ᬩᬸᬢ᭄᭞
ᬓᬶᬦᬸᬓᬶᬢ᭄ᬦᬸᬂ᭞ᬢᬦ᭄ᬳᬦᬕᬢ᭄ᬭᬦ᭄ᬢᬫᬵᬢᬶ᭞ᬭᬶᬓᬩᬧᬳᬧᭀᬢᬸᬲᬦ᭄᭞ᬦᬦ᭄ᬢ᭄ᬯᬦᬦ᭄ᬢ᭄ᬯᬓᬶᬢᬵᬦᬾᬂᬪᬹᬄ᭞ᬢ᭄ᬳᬦᬓᬯᬲᬦ᭄᭞ᬓᬬᬢᬶᬦᬸᬤᬸᬢᬶᬂᬓᬶᬗ᭄ᬓᬶᬂ᭞ᬫᬗ᭄ᬓᬾᬢᬦ᭄ᬧᬭᬯᬢ᭄ᬧ᭄ᬭᬵᬧ᭄ᬢ᭞ᬓᬶᬢᬲᬫᬶᬳᬸᬭᬶᬧ᭄ᬳᬦᬓ᭄ᬓᬸ᭟᭒᭕᭟ᬧᬭᬦ᭄
Kaca:Bali-lontar-gaguritan-pandawa-dasa-01-300ppi.pdf/85
Kaca puniki sampun kauji-wacén
