[᭘᭐ 80B]
᭘᭐
ᬓᬸᬮᬵᬯᬸᬯᬸᬲ᭄᭞ᬲᬳᬫᬵᬭᬫᬢᬸᬭᬮᭀᬦ᭄᭞ᬓᬓᬬᭀᬕ᭄ᬬᬢᬸᬢᬸᬢᬦ᭞ᬲᬯᬸᬯᬸᬲᬶᬭᬲᬂᬳᬶᬩᬸ᭞ᬳᬧᬦ᭄ᬲᬶᬭᬲᬸᬲᬢ᭄ᬬᬾᬗᬸᬘᬧ᭄᭞ᬓᬓᬬᭀᬕ᭄ᬬᬪ᭄ᬯᬦᬓᬺᬢᬶ᭟᭔᭒᭟ᬲᬶᬗ᭄ᬳᬫᬦ᭄ᬢ᭄ᬭᬶᬲᬶᬭᬵᬲᬳᬸᬃ᭞ᬧᬭᬦ᭄ᬢᬶᬗ᭄ᬓᬄᬓᬺᬢᬶᬪ᭄ᬯᬦ᭞ᬯᬭᬄ᭠
ᬳᬓᬸᬓᬸᬫᬯ᭄ᬭᬸᬳ᭞ᬲᬳᬫᬭᬯᬯᬂᬫᬵᬢᬸᬃ᭞ᬓ᭄ᬭᬫᬦᬶᬂᬯ᭄ᬯᬂᬓᬺᬢᬶ᭞ᬪ᭄ᬯᬦ᭞ᬳᬬ᭄ᬯᬯᬦ᭄ᬬᬾᬂᬬᬬᬄᬩᬶᬩᬶ᭟᭔᭓᭟ᬲᬵᬫ᭄ᬧᬸᬦ᭄ᬳᬮ᭄ᬧᬓᬾᬂᬲᬂᬧ᭄ᬭᬪᬸ᭞ᬢᬦ᭄ᬢᬸᬗ᭄ᬓᬲᬶᬂᬮᬶᬂᬲᬂᬓᬢᭀᬂ᭞ᬫᬓᬥᬃᬫ᭄ᬫᬦᬶᬗᬦᬶᬯ᭄ᬬ᭞ᬫᬓᬤᬶᬭᬶᬂᬋᬱᬶᬕᬸᬭᬸ᭞ᬳᬚᬓᬶᬢ᭠
ᬮᬗ᭄ᬕ᭄ᬬᬾᬗᬸᬚᬃ᭞ᬳᬬ᭄ᬯᬘᭀᬤᬾᬂᬦᬵᬣᬋᬱᬶ᭟᭔᭔᭟ᬨᬮᬦᬶᬂᬯ᭄ᬯᬂᬬᬓᬰᬶᬯᬶᬓᬸ᭞ᬬᬦ᭄ᬲᬵᬫ᭄ᬧᬸᬦ᭄ᬤ᭄ᬭᬓᬲᬫᭀᬦᭀ᭞ᬯᭀᬂᬮᬦᬂᬳᬓᬺᬢᬶᬪ᭄ᬯᬦ᭞ᬫᬢᬶᬫᬗ᭄ᬓᬾᬳᬸᬭᬶᬧ᭄ᬩᬾᬲᬸᬓ᭄᭞ᬳᬸᬢ᭄ᬢᬫᬦ᭄ᬬᬤᬤᬶᬦᬵᬣ᭞ᬓᬶᬦᬪᬓ᭄ᬢ᭄ᬬᬾᬂᬤᬾᬦᬶᬂᬪᬹᬫᬶ᭟᭔᭕᭟
ᬩᬜ᭄ᬘᬂᬦ᭄ᬬᬸᬫᬸᬗ᭄ᬕᬯᬭᬢᬸ᭞ᬳᬦᬯᬶᬲᬸᬤ᭄ᬟᬾᬂᬲᬂᬓᬢᭀᬂ᭞ᬓᬶᬦᬲᬶᬳᬦ᭄ᬤᬾᬦᬶᬂᬚᬕᬢ᭄᭞ᬩ᭄ᬬᬸᬄᬳᬯᬶᬃᬬ᭄ᬬᬲᬶᬤ᭄ᬟᬾᬂᬓᬳ᭄ᬬᬸᬦ᭄᭞ᬬᬦ᭄ᬯᭀᬂᬳᬶᬲ᭄ᬢ᭄ᬭᬶᬓᬺᬢᬶᬪ᭄ᬯᬦ᭞ᬫᬢᬶᬢᭂᬫ᭄ᬩᬾᬦ᭄ᬬᬵᬦᬵᬚᬦ᭄ᬫᬶ᭟᭔᭖᭟ᬢᬫᬦ᭄ᬬᬤᬫ᭄ᬧᬢᬶᬧ᭄ᬭᬪᬸ᭞ᬫᬵ
[᭘᭑ 81A]
ᬥ᭄ᬬᬦ᭄ᬬᬧᬸᬢ᭄ᬭᬶᬲᬂᬓᬢᭀᬂ᭞ᬳᬷᬦᬦ᭄ᬬᬮᬫᬓᬶᬂᬦᬵᬣ᭞ᬳᬶᬦᬾᬫᬦ᭄ᬳᬸᬮᬸᬭᬶᬂᬓᬳ᭄ᬬᬸᬦ᭄᭞ᬫᬗ᭄ᬓᬦᬢᬶᬗ᭄ᬓᬄᬦ᭄ᬬᬓᬓ᭞ᬫᬂᬓᬾᬢᬮᬤ᭄ᬭᬓᬾᬂᬳᬢᬶ᭟᭔᭗᭟ᬤᬤᬶᬋᬱᬶᬧᬶᬓᬂᬓᬳ᭄ᬬᬸᬦ᭄᭞ᬲᬶᬪᬾᬫᬳᬫᬶᬤ᭄ᬬᬫᬗ᭄ᬓᭀ᭞ᬫᬮᬓ᭄ᬯᬾᬂᬯᬲ᭄ᬢ᭄ᬭᬭᬹᬧ᭠
ᬯ᭄ᬮᬂ᭞ᬲ᭄ᬧᬳᬲᬫ᭄ᬩᬢ᭄ᬤᬯᬦᬶᬓᬸ᭞ᬦᬘᬶᬳ᭄ᬦᬓ᭄ᬭᬫᬾᬂᬦᬵᬣ᭞ᬤᬶᬫ᭄ᬩ᭄ᬬᬵᬲᬗ᭄ᬕᬸᬧ᭄ᬲᬶᬤ᭄ᬟᬾᬂᬓᬵᬧ᭄ᬢᬶ᭟᭔᭘᭟ᬤᬿᬢ᭄ᬬᬤᬾᬯᬶᬫᬶᬤ᭄ᬬᬾᬂᬓᬳ᭄ᬬᬸᬦ᭄᭞ᬳᬗ᭄ᬤᬾᬳᬦᬲᬓᬲᬵᬚ᭄ᬜ᭞ᬫᬗ᭄ᬓᬾᬚᬫᬄᬫᬗ᭄ᬓᬾᬳᬫ᭄ᬭᬢ᭄᭞ᬫᬗ᭄ᬓᬾᬫ᭄ᬢᬸᬫᬗ᭄ᬓᬾᬮᬸᬳᬸᬃ᭞ᬫ
ᬗ᭄ᬓᬾᬯ᭄ᬭᬸᬳᬶᬂᬢᬢ᭄ᬯᬤᬶᬦ᭞ᬫᬗ᭄ᬓᬾᬯ᭄ᬭᬸᬄᬳᬫᬬᬰᬓ᭄ᬢᬶ᭟᭔᭙᭟ᬧᬥᬓᬲᬶᬤ᭄ᬟᬦᬶᬂᬯᬸᬯᬸᬲ᭄᭞ᬮᬸᬫᬲ᭄ᬢᬲᬶᬭᬂᬓᬭᭀ᭞ᬫᬭᬾᬂᬕᬶᬭᬶᬕᬦ᭄ᬟᬫᬤᬦ᭞ᬭᬶᬓᬦᬳᬧᬸᬮᬂᬮᬸᬮᬸᬢ᭄᭞ᬧᬥᬲᬸᬓᬳᬦ᭄ᬫᬸᬭᬲ᭞ᬳᬳᭀᬘᬓ᭄ᬮᬸᬮᬸᬢᬶᬂᬓᬵᬧ᭄ᬢᬶ᭟
᭕᭐᭟ᬭᬶᬳᬸᬯᬸᬲᬧᬸᬮᬂᬮᬸᬮᬸᬢ᭄᭞ᬤᬶᬫ᭄ᬩᬶᬳᬫ᭄ᬯᬶᬢᬶᬲᬂᬓᬢᭀᬂ᭞ᬫᬸᬮᬶᬄᬫᬭᬶᬂᬓᬸᬭᬸᬪᬬ᭞ᬧᬥᬭᬳᬲ᭄ᬬᬦᬶᬂᬯᬸᬲᬸᬲ᭄᭞ᬧᬵᬡ᭄ᬟᬯᬓᬭᬶᬕᬸᬡᬶᬢ᭞ᬲᬵᬚ᭄ᬜᬳᬸᬫᬸᬗ᭄ᬲ᭄ᬬᬓᭂᬦ᭄ᬪᬹᬫᬶ᭟᭕᭑᭟ᬓᬵᬮᬦᬶᬭᬧᬥᬵᬮᬓᬸ᭞ᬳᬦᬧᬸ
Kaca:Bali-lontar-gaguritan-pandawa-dasa-01-300ppi.pdf/81
Kaca puniki sampun kauji-wacén
