[᭗᭘ 78B]
᭗᭘
ᬦ᭄ᬮᬧ᭞ᬳᬦᬰᬶᬮᬕᭃᬂᬦ᭄ᬬᬲᬬᬦ᭞ᬰ᭄ᬭᬷᬓᬸᬦ᭄ᬢᬶᬲᬚ᭄ᬜᬳᬢᬸᬭᬹ᭞ᬫᬓᬤᬶᬘᬢᬸᬃᬧᬵᬡ᭄ᬟᬯ᭞ᬪᬷᬫᬓᭀᬦ᭄ᬗᬸᬮᬢᬶᬯᬭᬶᬄ᭟᭒᭑᭟ᬲᬫᬵᬢᬸᬭᬹᬮᬸᬳᬸᬭᬶᬂᬯᬢᬸ᭞ᬪᬷᬫᬫᬭᬾᬂᬚᬸᬭᬂᬲᬶᬕ᭄ᬭᬵ᭞ᬳᬯᬲᬯᬦᬶᬂᬢᭀᬬ᭞ᬢᬦ᭄ᬮᬶᬗᭂᬦ᭄ᬢᬲᬶᬭᬵᬦᬸᬲᬸᬧ᭄᭞ᬢᬸ
ᬘᬧᬦᬤᬿᬢ᭄ᬬᬦᬶᬫ᭄ᬩᬵ᭞ᬯᬸᬗᬲ᭄ᬕᬦ᭄ᬟᬦᬶᬂᬫᬦᬹᬱᬾᬓᬶ᭟᭒᭒᭟ᬰᬷᬖ᭄ᬭᬓᬾᬦ᭄ᬤᬶᬫ᭄ᬩᬶᬮᬸᬫᬸ᭞ᬫᬭᬾᬂᬯᬦᬵᬗᬸᬮᬢᬶᬯᭀᬂ᭞ᬲᬶᬤᬾᬫ᭄ᬩᬶᬫᬫ᭄ᬯᬶᬢ᭄ᬢᬸᬃᬳᬮᬫ᭄ᬧᬄ᭞ᬧ᭄ᬭᬵᬧ᭄ᬢᬭᬶᬂᬯᬦᬓᬤᬸᬮᬸ᭞ᬫᬵᬦᬹᬱᬭᬳᬤ᭄ᬬᬦ᭄ᬪᬷᬫ᭞ᬭᬶᬦᬲᬘᬓᬃᬳᬫᬦᬶᬲ᭄᭟᭒᭓᭟
ᬓᬬᬲᬶᬦᬸᬤᬸᬓᬶᬂᬢᬦᬸ᭞ᬲᬶᬤᬶᬫ᭄ᬩᬶᬮᬸᬧᬸᬢ᭄ᬲᬶᬭᬢᭀᬦ᭄᭞ᬯᬯᬂᬲᬶᬭᬲᬶᬮᬸᬭᬹᬧ᭞ᬤᬤᬶᬯ᭄ᬯᬂᬳᬚᭂᬂᬍᬯᬶᬳᬬᬸ᭞ᬳᬦᬓᬢ᭄ᬗᭂᬭᬶᬂᬤᬿᬢ᭄ᬬ᭞ᬯᬚᬦ᭄ᬬᬓᬭᬶᬳᬧᬸᬢᬶᬄ᭟᭒᭔᭟ᬢᬦ᭄ᬓᬯᬲᬧᬶᬦᬍᬃᬳ᭄ᬬᬸᬦ᭄᭞ᬲᬳᬲᬳᬫ᭄ᬓᬸᬮ᭄ᬧᬤᬵ᭞ᬤᬸᬮᬸᬃᬳ
ᬢᬸᬃᬲᬳᬲᭂᬫ᭄ᬩᬄ᭞ᬳᬸᬚᬭᬾᬲᬃᬚ᭄ᬚᬯᬵᬭᬹᬫ᭄᭞ᬳᬫᬮᬓ᭄ᬯᬾᬂᬲᬶᬄᬲᬶᬗ᭄ᬳᬫᬦ᭄ᬢ᭄ᬭ᭄ᬬ᭞ᬳᬗ᭄ᬤᬾᬲᬶᬭᬳᬲᬸᬗᬲᬶᬄ᭟᭒᭕᭟ᬲᬶᬗ᭄ᬳᬫᬦ᭄ᬢ᭄ᬭ᭄ᬬᬳᬲ᭄ᬫᬸᬕᬸᬬᬸ᭞ᬲᬧᬲᬶᬭᬢᭂᬫ᭄ᬩ᭄ᬬᬓᬢᭀᬦ᭄᭞ᬳᬬᬸᬭᬹᬧᬦᬶᬱ᭄ᬝᬾᬗᬸᬮᬄ᭞ᬳᬚᬓᬶᬢᬲ᭄ᬓᬸᬂᬳᬓᬸ᭞ᬳᬓᬸ᭠
[᭗᭙ 79A]
ᬫᬸᬤᬮᬸᬤ᭄ᬓᬦ᭄ᬭᬓᬦ᭄᭞ᬳᬓᬸᬢᬦ᭄ᬧᬓ᭄ᬭᬫᬾᬗᬶᬲ᭄ᬢ᭄ᬭᬶ᭟᭒᭖᭟ᬤᬿᬢ᭄ᬬᬤᬾᬯᬶᬯᬯᬂᬲᬳᬸᬃ᭞ᬳᬸᬮᬸᬦ᭄ᬤᬶᬫ᭄ᬩᬶᬫ᭠ᬦᬄᬓᬢᭀᬦ᭄᭞ᬰ᭄ᬭᬬᬦᬶᬭᬤᬿᬢ᭄ᬬᬤᬶᬫ᭄ᬩ᭞ᬬᬦ᭄ᬢᬦᬃᬱᬫᬸᬧ᭄ᬯᬾᬗ᭄ᬳᬸᬮᬸᬦ᭄᭞ᬫ᭄ᬦᬾᬬᬦ᭄ᬧ᭄ᬭᬵᬧ᭄ᬢᬲᬂᬓᬓ᭞ᬢᬦ᭄ᬯᬸᬦ᭄ᬪᬶᬦᬓ᭄ᬱᬦᬺᬧ
ᬢᬶ᭟᭒᭗᭟ᬤᬾᬦ᭄ᬢᬸᬫᬸᬮᬸᬲ᭄ᬲᬶᬄᬲᬂᬧ᭄ᬭᬪᬸ᭞ᬳᬯᬾᬄᬫᬓᬮ᭄ᬬᬂᬘᬶᬢ᭄ᬢᬗᭀᬂ᭞ᬲᬓᬲᬚ᭄ᬜᬲᬸᬦᬯᬾᬳ᭞ᬫ᭄ᬦᭂᬂᬲᬶᬭᬩᬵᬬᬸᬲᬹᬦᬸ᭞ᬓᬜ᭄ᬘᬶᬢ᭄ᬧ᭄ᬭᬵᬧ᭄ᬢᬤᬿᬢ᭄ᬬᬤᬶᬫ᭄ᬩ᭞ᬲᬳᬲᬵᬦᬸᬤᬶᬗᬶᬓᬵᬮᬶᬄ᭟᭒᭘᭟ᬉᬚᬭᬾᬳᬓ᭄ᬭᬲ᭄ᬳᬕᬗ᭄ᬲᬸᬮ᭄᭞ᬳᬶᬦᬸ
ᬫᬦᬸᬫᬦ᭄ᬲᬂᬓᬭᭀ᭞ᬲᬶᬗ᭄ᬳᬫᬦ᭄ᬢ᭄ᬭᬶᬲ᭄ᬫᬸᬕᬃᬚ᭄ᬚᬶᬢ᭞ᬓᬤᬶᬲᬲᬬᬸᬢᬶᬂᬢᬦᬸ᭞ᬧᬦ᭄ᬲᬶᬭᬮᬩᬳᬦ᭄ᬮᬕ᭞ᬲᬸᬓᬢᭂᬫ᭄ᬯᬾᬂᬰᬢ᭄ᬭᬸᬰᬓ᭄ᬢᬶ᭟᭒᭙᭟ᬫᭀᬚᬃᬳᬲᬸᬕᬮ᭄ᬓᬂᬯᬸᬯᬸᬲ᭄᭞ᬳᬾᬤᬢ᭄ᬬᬯᭃᬓ᭄ᬓᬢᭀᬦ᭄᭞ᬳᬓᬸᬳᬮᬫ᭄ᬧᬄᬢᬦ᭄ᬤᭀᬱ᭞
ᬓᬶᬢᬮᬗ᭄ᬖ᭄ᬬᬫᬂᬧᬂᬳᬓᬸ᭞ᬢᬸᬯᬶᬓᬶᬢᬢᬸᬦᬲᬦ᭄ᬧ᭄ᬚᬄ᭞ᬕᬫ᭄ᬧᬂᬓᭀᬫᬢ᭄ᬬᬦᬶᬂᬓᬫᬶ᭟᭓᭐᭟ᬲᬺᬗᭂᬦ᭄ᬲᬶᬤᬶᬫ᭄ᬩᬳᬦᬭᬸᬂ᭞ᬳᬫᬺᬧ᭄ᬳᬫᬸᬓᬸᬮ᭄ᬫᬦ᭄ᬕᬸᬦ᭄ᬕᭀᬃ᭞ᬲᬶᬪᬷᬫᬢᬦ᭄ᬓ᭄ᬦᬾᬂᬮᬭ᭞ᬓᬤᬶᬳᬶᬱᬥᬾᬂᬢᬦᬸ᭞ᬳᬶᬦᬫᬾᬢ᭄ᬤᬶᬫ᭄ᬩᬳᬶᬦᬭ
Kaca:Bali-lontar-gaguritan-pandawa-dasa-01-300ppi.pdf/79
Kaca puniki sampun kauji-wacén
